ضيف جديد محتار (الله يوفقكم ساعدوني)

**eng_moh39** · 13-06-2009, 12:24 PM

السلام عليكم ورحمه الله وبركاته

صراحة اشكر كل المشاركين بهذا المنتدى نظرا لجهودهم الواضحة في توصيل المعلومات لغيرهم وهذا جهد مميز نتنمى المزيد منهم

يوجد لدي بعض النقاط نتنمى مساعدتي وابداء ارائكم حيالها:

1- يوجد لدي ميزانية بحدود 85 الف ريال تقريبا ومحتار بين الهوندا السبشل 2009 و الكامري 2009 الفل كامل .برائكم ايهم افضل مع العلم بان هذة اول سيارة لي وهذة تحويشة العمر مع العلم بان لدي نية انني لا ابيعها الا بعد 8 سنوات ان شاء الله اذا سلمني الله واياكم من الحوادث.

2- اذا شاء الله اني اشتري هوندا اكورد 2009 فاتمنى منكم مساعدتي في معرفة افضل مكان لشرائها وماهي الاشياء المفروض تكون مع السيارة(اغراضها من الوكالة).

3- مارائكم حول قطع غيار الهوندا هل سمعتم انه بتنزل اسعارها.

عسى الله يوفقكم جميعا لما فية فائدة غيركم واشكر كم جميعا

**Cruiser** · 13-06-2009, 12:43 PM

اخي العزيز ، استخدم خاصيه البحث و ستجد الكثير من المعلومات الفيده بهذا الشأن !

**والله قهر** · 13-06-2009, 01:06 PM

الله يحيك
ندخل في الموضوع
والله الاكورد انا برائي ماتتفارن بالكامري والله ركبت الكمري ما فيها اي احساس انك راكب سياره جديده
والله لو انا محللك ادور مستعمله فل كامل بتحصل
ا
وتزيد 4 الف وتاخذ نص فل فيها غتحه وجنوط وسعرها 89

اخوي طيب عندك الاوريون اقل نوع 85
واحلى من الكامري بالف مره وفيها زنون ومكينتها 6 يعني والله يجي منه
والله يكتبلك الي فيه الخير

**@اكورد وبس@** · 13-06-2009, 01:27 PM

أكورد وبدون تفكير

تحياتيـ)~

@اكورد وبس@.

**امير المشاعر** · 13-06-2009, 02:27 PM

مادام ميزانيتك 85 فخذ ألتيما فل كامل احلى منهم كلهم

**ا ا ب السعوديه 6 6 5 5** · 13-06-2009, 05:20 PM

السلام عليكم
حياك الله اخوووي
ـــــــــــــــــــــــــــ
اذا تبي رئيي خذ اكوورد جديده يا انك تأخذها اسبشل او انك تجمع الين تاصل 94او93 الف وتاخذ لك فل بس مخمل
وانا انصحك في الهوندا لان من جوى ومن برى رووعه والحمد لله الزيت ماينقص اذا كنت بتمشيها 5000 كيلو عند تغيير الزيت
بس الكامري يسبونها في نقص الزيت ومن جوا مي حلوه مثل الهوندا مع الرغم انها فل
ـــــــــــــ
حبيت اوضح لك بعض الاشياء وانت اسال اصحاب الكامري وانشاء الله يفيدونك الشباب

**eng_moh39** · 15-06-2009, 10:57 AM

بيض الله وجيهكم جميعا والله يجزاكم بالخير

لكن لدي استفسار بسيط ويش افضل معرض اشتري الهوندا منه بالنسيم _الرياض_.

مع الشكر والتقدير للجميع

**E r O o O r** · 15-06-2009, 11:31 AM

الشورى اتوقع افضل .. معرض ..

**هنادي جدة** · 15-06-2009, 11:32 AM

انت طلبت النصيحة
لا تاخذ الا اكورد فقط ليس لاني عضو في المنتدى بل لاني دخت السبع دوخات بين الاكورد والالتيما والاوريون
اوريون /روعة بس استرالي والمواد المستخدمة في ديكوراتها الداخلية رديئة جدا ولكن تصلح للي يدورن العزم والسرعة وانا بصراحة لست منهم

الالتيما /روعة وقمه في المواصفات بهذا السعر لكن امريكية ونزول سعرها جدا وقت البيع واحساس القيادة لا يعجبني فيها

اكووووووووووووووووووووووود/
لاتعليق بكل مصداقية وبدون محاباه
ولي موضوع ذكرت فية مميزاتها تقدر تشوفه عنوانه
نسمع التبريكات بقدوم هنادي

هذا رائ الخاص بي ونصيحتي لك

تقبل مروري

**eng_moh39** · 12-07-2009, 02:41 PM

الله يوفقكم جميعا

وباركولي شريت الاميره
هوندا2009 فل كامل مخمل

**7abib** · 12-07-2009, 02:47 PM

مبروووووك

الله يعطيك خيرها ويكفيك سرها

**maxxboss** · 12-07-2009, 04:41 PM

ألف مبرووووووك أخي العزيز..واختيار أفضل من الكامري

**lambo** · 12-07-2009, 05:20 PM

ألف مبروك .. الله يعطيك خيرها ويكفيك شرها
أحسنت الأختيار .. الأكــورد اذا ماهي فل ماتــسوى ولا بريال .. بالتوفيق لكـ ..

**admin_m** · 13-07-2009, 12:30 AM

الف مبروك يعطيك خيرها ويكفيك شرها

اخذتها مع عرض التشييك المجاني ولا بدون وبكم طلعت عليك لاني ان شاء الله ناوي على وحده وودي اصيدها باقل سعر

**&فارس&** · 13-07-2009, 02:05 AM

الف مبرووك

الله يعطيك خيرها ويكفيك شرها

**Ro7i** · 13-07-2009, 02:19 AM

الف الف مبروووك اخوي

والله يعطيك خيرهااا ويكفيك شرهاااا ....\

من وين اخذتها بالنسيم ؟؟ اانا مأخذها من الفلاح فل كامل مخمل نفس حقتكـ ..

كم طلعت عليك ...؟؟