الحل الوحيد لمشكلتي هي بيع السياره :(
السلامو عليكم ورحمه الله وبركاته
انا من شهر اشتريت اكورد كوبيه اصفااار 2008 .. وكنت الصراحه طاير من الفرحه ياشباب بس الفرحه ما كملت للاسباب التاليه:
(1) السياره فيها رجه مزعجه وتزيد مع زياده السرعه .. وفوق سرعه ال 100 كيلو الرجه تصير مزعجه جدا جدا بالنسبه لسياره سحب الوكاله
(2) في اصوات داخل كابينة السياره من الامام ومن الخلف, صوت زنه مزعجه جدا جدا جدا لدرجه اني اشغل المسجل واعلي الصوت شوي عشان ما اسمع الصوت
(3) فوق سرعه الـ 120 احس ان الهوا يدش داخل السياره وناهيكم عن الاصوات الخارجيه المسموعه .. والمساحات الاماميه ماتمسح تمام
(4) السياره قاسيه جدا جدا في الشوراع الغير مستويه .. وقاسيه جدا في المطباااات الخفيفه وتحس ان السياره بتتكسر لما تمشي في شوارع شوي مو نظيفه
(5) الهاند بريك تعبان جدا ومايمسك على النزلات الخفيفه
(6) البريك ضعيف .. ولما تمسك البريك على سرعه متوسطه تلاحظ ان السكان يروح على جهه اليمين
واذا سقت السياره على سرعه مابين 60 الى 80 وتركت السكااان تلاحظ ان السياره تروح على طووول على جهه اليمين
(7) الرساوه في السياره صعيف جدا مع اني امشي فيها وال VSA شغااال وكل شوي احصل الفي اس ايه يضوي بروحها ويطفي خصوصا على الدوارات مع اني اكون ماشي بهداوه
طبعا من ثاني يوم رحت التوكيل وقلت كل هالملاحظات .. وماراح تتخيلون كم مره السياره دشت الصيانه عندهم في الصناعيه .. دشت 3 مرات
في اول مره غيرو العجلات + الرنجات + الدسكات الاماميه + تعديل نظام الـ VSA وقالولي كلو تمام
وطبعا من بعد ماجربت السياره حسيت انه الرجه خفت شوي بس مااختفت + الرساوه صارت احسن بـــس الهاند بريك والاصوات الداخليه ومطاط المساحات والنوافذ ماسوو فيهم شي
المره الثانيه غيرو العجلات والرنجات وكانو عجلات (ميشلين) واصبحو (يوكوهاما)
ومن بعد ماجربتها نفس الاداء ماتغير
المره الثالثه غيرو نظام السابينشن (suspension system) بالكااااامل وبدلوه بواحد جديد
ومن بعد ماجربت السياره, الصراحه الرجه خفت بس ما اختفت ولسه الرجه فوق الميه موجوده + الهاند بريك ما عدلوووه + الاصوات المزعجه داخل الكابينه + المساحات الاماميه ومطاط النووافذ ما عدلوها + التنسيم من بعد ال 120 كيلو لسه موجود والاصوات الخارجيه تزيد وتصبح مزعجه مع زياده السرعه + السياره لسه قاسيه وجامده جدا مع المطبات والشوراع المكسره والغير مكسره
سامحوني ياشباب اذا طولت عليكم بس والله من قهري ... وانشالله بكره السياره حتروح الصيانه للمره الرابعه عشان الهاند بريك والرجه والاصوات الداخليه والمطاط النوافذ والمساحات والبريك سيستيم وكمان يشيكو ليش السياره تروح يمين
نصيحتي للجميع اذا بتفكر تشتري اكوورد وخصوصا الكوبيه فكر مليووووون مره قبل ماتشتري .. انا ياشباب صارلي اكثر من شهر بعااااني وسيارتي اسبوع تتم عندي والاسبوع الثاني في الصيانه , مليت وقرفت وطلعت روحي والله
عشان شذي ياشباب بفكر ابيع السياره مع ان السياره حرااام لسه جديده وماشيه 2000 كيلو بس
ياريت تقولولي ياشباب هل حد منكم صادفته هالمشكله ولا انا اللي حظي تعييييس :(
تحياااااااااااااتي للجميع
(7) الرساوه في السياره صعيف جدا مع اني امشي فيها وال VSA شغااال وكل شوي احصل الفي اس ايه يضوي بروحها ويطفي خصوصا على الدوارات مع اني اكون ماشي بهداوه
vsaمايشتغل الا اذا كنت طااير في منعطف والسيارة انحرفت عن مسارها
بالنسبة لرساوتها السيارة راسية ومن احسن مايكوون
انت تسوقها وانت خايف >>كنت زيك
بالنسبة للعيوب الي فيها
فحماتها تخلص بسرعه
واصوات الكفرات المزعجه :(
الله يعينك
روح الوكالة وكلمهم على كل هالمشاااكل
*&&&&&&&&&&*
!
يآ أخي والله تحس حرآم
:o
الله يعينك ويصبركـ
بس إنت شآري السيآره من وكآله وإلآ من معرض؟
أحس وكأن السيآره كآنت مخزّنه عشآن كذآ المسآحآت متبهدله عندكـ
الله يصبركـ على ما إبتلاكـ
:(
مالك الا تقرا على السيارة السيارة فيها عين
ضوابط المشاركة
رد مع اقتباس
مواقع النشر (المفضلة)