زيت المحرك اكثر من المطلوب .. مساعده لاهنتم!!

**قاسم بيليه** · 21-06-2009, 07:56 AM

السلام عليكم .. صبحكم الله بالخير

ندخل في الموضوع :
ياشباب انا غيرت زيت المكينه قبل اسبوع تقريبا عند بنشري عادي ..
المهم سافرت عليها والحين السياره ماشيه 1300 كم ..
السؤال والمشكله والمصيبه هي :
اليوم شيكت على الزيت لقيته زايد عن الحد المسموح فيه .. اي انه فوق النقطتين
والزياده كبيره :(
والقهر اني محرص على اليماني اللي غير الزيت .. انه ينتبه ويحط الكميه المناسبه
ولكن لاحياه لمن تنادي

الحين انا بشيل الزياده ماعندي مشكله في اقرب بنشر ..

بس هل زياده الزيت فيها ضرر كبير على المحرك ؟؟؟
خاصه اني سافرت عليها !!!
والله قهر السياره توها جديده :(:(!!

**slaitr** · 21-06-2009, 08:11 AM

على حسب الي سمعته ان الزياده تخرب صوفة المكينه الاماميه ويخليها تهرب زيت
بس ماني متاكد واذا عندي خطأ ياليت الاعضاء يصححولي المعلومه

**Cruiser** · 21-06-2009, 09:16 AM

اذا فقط ماشي بضع الاف كيلومترات لا ضرر ، لاكن احرص ان تزود محرك سيارتك بكميه الزيت المنصوص عليها في كتيب المستخدم .

تحياتي ،

**Accord_Akkawi** · 21-06-2009, 09:34 AM

اتوكل على الله ولا تتقروش
مثل ما افادوك الشباب اذا ماشي شوي ما يضر
انا مرة اشتريت سيارة الماني مستعملة ست سلندر
وكانت مكينتها تاخذ 7 لتر مع الفلتر
وست ونص بدون فلتر هذا المفروض
ولمن رحت اغير زيتها بعد ما استلمتها من المعرض
" أقسم بالله يا شباب انه مطلع منها 9 لتر "
وغيرتها وقعدت السيارة معي 3 سنوات ونصف والحمد لله ما جاها شي

**قاسم بيليه** · 21-06-2009, 09:52 AM

الحمد لله .. والله قلبي طااح خاصه بعد رد سليتر
..
الله يعطيكم العافيه .. وماقصرتم ..
ان شاء الله انه مايأثر .. وشكلي ماراح اغير زيت برا الوكاله مره ثانيه

**free.all** · 21-06-2009, 09:59 AM

سلام
تعليقاً على ما قالو الشباب انت جرب السيارة لمده اسبوع عشر ايام و إذا لقيت عندك تغير في الاداء او تهريب زيت تحت الكاكينه رح للوكالة و اشرح الموضوع للمهندس و الله يعينك
هذا والله اعلم

**B Useful** · 21-06-2009, 11:34 AM

دامك خلاص نقصت الزيت ان شاء الله ما فية مشكلة ...

نفس الشي صار معي وكان الزيت فوق النقطة الثانية بشي موب بسيط ..

كل ما اوقف السيارة في مكان الاقي فية تهريب زيت ومن ريحتة معروف انة زيت مكينة ،،

غيرت الصوفة بقيمة 34 ريال تقريباً وشغل يد 50 ريال ونقصت الزيت وراحت المشكلة ..

* شوف الاماكن اللي بتوقف فيها وشيك عليها ..