الهوبات اليابانيه للاكورد 2003 - 2007

**accord 06** · 21-06-2009, 05:12 PM

السلام عليكم و رحمة الله و بركاته

يا اخوان اذا فيه احد جرب الهوبات اليابانيه الاماميه يعطينا رايه فيها

سعر الحبه 110 ريال .. بينما الاصليه الحبه بـ 320 و هي ما تستاهل 50

**alharthy27** · 21-06-2009, 05:17 PM

هلا مساء الخير بصراحه انا من السلطنة عمان ممكن تفهمنى شوا معنى الهوبات

**lonly style** · 21-06-2009, 05:27 PM

والله ماجربتها اخوي بس اتوقع دام ان الاصلي بهالسعر لا تشتريه لانه بصراحه يقهر تدفع فيه هالسعر وهو ولا شي وما يستهال حتى 20 ريال ...

**accord 06** · 21-06-2009, 11:02 PM

alharthy27

حي الله اهل عمان

الهوبات هي الـ brake rotors

lonly style

الظاهر اني بركبها بس

حصلت نوع ثاني مخروط جاهز بـ 160 للحبه

و اللي بـ 110 يبي له خرط

**lonly style** · 22-06-2009, 04:48 AM

انا مادري لحد الان بس انا ابدل القماش قبل لا يخلص ورجولي خفيفه على البريك لذلك للحين هوباتي 100 %

بس لما ادخل في عالم الهووووبات ما شكلي باركب اصليين لانهم ولا شي مايستاهلو

**ـبطرانـ2005ــ** · 22-06-2009, 03:22 PM

طيب وش احسن هي ولا الي تجي مخفسهـ >>> الرياضيه بالاصح

**S.M.A.R.T** · 22-06-2009, 04:33 PM

المشاركة الأصلية كتبت بواسطة ـبطرانـ2005ــ

طيب وش احسن هي ولا الي تجي مخفسهـ >>> الرياضيه بالاصح

قصدك المخرمة زي هوبات الـ BMW و الـ Mercedes ??

هذي صراحة ودنا نجربها

**ديـــراااوي** · 22-06-2009, 05:38 PM

والله شي جميل سعره رخيص وياباني اكيد العين عليه بعد الاصلي ,,,,,

**أكورداوي** · 22-06-2009, 11:32 PM

لا تغركم ياشباب كلمة ياباني على قطع الغيار ..

هذي كلها صينيه 100 % وأنا بنفسي وقفت على الموضوع هذا <--- أوخص يالوزاره :d

لا جد والله .. رحت للنعماني مره وطبعا بحكم المعرفه مع أبو خالد فبين لي كل شي بهالخصوص ,.,

لذلك أحذروا تركبون هالنوع الي يقوووولون انه ياباني .. خصوصا ان القماشات والهوبات الأماميه ممكن تشكل خطر ,,

فإذا ودك تغير حق الوكاله .. اشتر رياضيه ( الحين أتوقع 100 رد على هالجمله وكلهم بيسألوني من وين نشتريها ;) )ولا لاتغير الا وكاله ,,

وان شاء الله ماترى بأس يامشعل ;)

**accord 06** · 23-06-2009, 12:16 AM

الله يعطيكم العافيه جميعا

أكورداوي

ركبتها اليوم العصر مع فحمات nissin .. الله يستر

لكن كـ انطباع مبدأي اشوف انها جيده

مسكت الفرامل ممتازه و ما فيه اي اصوات

<< عكس السمفونيات اللي كانت تطلع لي مباشره بعد تركيب الفحمات الاصليه على الهوبات الاصليه

عموما الحكم الصحيح عليها بيكون بعد فتره من الاستعمال

بكتب رأيي فيها هنا بعد 10 آلاف كيلو ان شاء الله

بالنسبه لفحمات nissin الاماميه ما كنت انصح فيها قبل من تجربه

لكن وقت تغييرها اكشفت ان عامل الورشه ما ركب عليها المشكبيات اللي تبعد الفحمه عن الهوب

بشوف هالمره وش يصير عليها

التكلفه كامله 370 ريال
للفحمات و الهوبات مع الخرط و التركيب << قيمة هوب اصلي واحد :p
الله يديم الرخص

**momo** · 23-06-2009, 01:39 AM

من وين شريت الهوبات؟

**accord 06** · 23-06-2009, 02:10 AM

^^^

من محل بصناعية ام الحمام .. مقابل مسجد الشيخ الكلباني

فيه اكثر من نوع للهوبات .. اللي ركبته يجي بكرتون احمر

و سعره 100 ريال للحبه

**ابشر طال عمرك** · 26-06-2009, 11:19 AM

ايوالله الله يديم الرخص

اسعار قطع هوندا مبالغ فيها مليون مره لاحد يقولي اصلي ويعمر كثير كله خرطي بخرطي

**accord 06** · 22-08-2009, 03:56 AM

كملت عليها الحين تقريبا 12 الف كيلو

رأيي فيها ممتازه جدا بالمقارنه مع سعرها

حتى الآن ما فيها اي عيوب ما عدا صوت تصفير يروح و يجي ما هو ثابت

مسكت الفرامل ممتازه و ما فيه رجه و لله الحمد

**بلال العلمي** · 22-08-2009, 09:54 AM

صوت صفير؟؟؟؟؟؟؟

وانت ماشي بس 12000؟؟؟؟؟؟؟

ترى الصفير على هوب وفحمات بالممشى القليل هذا يعتبر شي مو زين وكمل 5000 ثانية وبتشوف نسبة اهتراء وسخونة عالية

**accord 06** · 22-08-2009, 11:48 AM

المشاركة الأصلية كتبت بواسطة بلال العلمي

صوت صفير؟؟؟؟؟؟؟

وانت ماشي بس 12000؟؟؟؟؟؟؟

ترى الصفير على هوب وفحمات بالممشى القليل هذا يعتبر شي مو زين وكمل 5000 ثانية وبتشوف نسبة اهتراء وسخونة عالية

ما ادري و الله

لكن صوت التصفير بدا من بعد ما مشيت عليها 1000 كيلو

و ما فيه اي تغير للحين و لله الحمد

بعدين صوت التصفير اتوقع عادي لانه كان يطلع لي بعد فتره بسيطه من تركيب فحمات الوكاله

**بلال العلمي** · 22-08-2009, 12:10 PM

المشاركة الأصلية كتبت بواسطة accord 06

ما ادري و الله

لكن صوت التصفير بدا من بعد ما مشيت عليها 1000 كيلو

و ما فيه اي تغير للحين و لله الحمد

بعدين صوت التصفير اتوقع عادي لانه كان يطلع لي بعد فتره بسيطه من تركيب فحمات الوكاله

السبب اللي خلى مجرد جليد بسيط يغرق ويخزق معدن سفينة التايتانيك هو بسبب نقص مادة الكربون الداخلة في تصنيعه في سبك المعدن

ونفس المسألة في الهوب اللي انت مركبه يكون نقص في بعض المواد لاجل يرخص سعره وفي سبك المعادن مافيه مواد بديله ابد تدخل مكان مواد ثانية وتعطي نفس النتيجة لاجل كذا تلقاه رخيص

الهوب حق الهوندا سالت السوداني حق عبدالله هاشم هوندا في طريق العروبة وقال لي 270 ريال واعتقد السعر عندك 320 قبل الخصم بس انا غيرت للكامري حقتي هوب اصلي ب 800 ريال تقريبا

**الجنرال** · 30-08-2009, 07:25 AM

هذي الاشياء مافيها ياباني والله خذه من الوكاله لو بـ500
نصيحتي خذ الاصلي

**ربيع بن مـاضي** · 30-08-2009, 10:45 PM

[QUOTE=accord 06;250363]

السلام عليكم و رحمة الله و بركاته

يا اخوان اذا فيه احد جرب الهوبات اليابانيه الاماميه يعطينا رايه فيها

شكرا لك اخوي على هذا الموضوع الهام جدا 0
احب اقولك الاتي
اولا بالنسبة للهوبات السوق مليان اشكال وانواع فنصيحتي لك استعمل هوبات جاباني نفس الاصلي

كرتونة احمر واسود ومكتوب علية mountain يعني مونتن تقريبا سعرة 160 وغيرة لاتركب هذة نصيحتي 0

او تركب اصلي مستعمل يعني ما خرط 00 مع خالص تحياتي اخوك ربيع بن ماضي

**النمر الاسود** · 01-09-2009, 08:35 AM

السلام عليكم اخواني
انا شريت السياره والحديد في الحديد يعني الفحمات منتهي وغيرتها قبل سنه ونص تقريبا كانت السياره ماشية 120 الف والحين ماشيه 215 الف كيلو والفحمات باقي فيها تقريبا النص وش السالفه معاكم مع الفحمات انا اولا ماركبتها اسبوع واحد وصارت ترج اذا مسكت فيها فرامل وانا مسرع 120 وبعدها تروح الرجه بس الحين اشوفها خفت اكثر من اول هي موجوده الرجه بس اخف من اول ما غيرت الفحمات وتزيد الرجه عندي اذا كانوا معايه ناس او السياره محمله تزيد الرجه بس انا مطنش اهم شئ انها تمسك زين ولم الشكر

**يور السعوديه 214** · 02-09-2009, 05:59 AM

المشاركة الأصلية كتبت بواسطة النمر الاسود

السلام عليكم اخواني
انا شريت السياره والحديد في الحديد يعني الفحمات منتهي وغيرتها قبل سنه ونص تقريبا كانت السياره ماشية 120 الف والحين ماشيه 215 الف كيلو والفحمات باقي فيها تقريبا النص وش السالفه معاكم مع الفحمات انا اولا ماركبتها اسبوع واحد وصارت ترج اذا مسكت فيها فرامل وانا مسرع 120 وبعدها تروح الرجه بس الحين اشوفها خفت اكثر من اول هي موجوده الرجه بس اخف من اول ما غيرت الفحمات وتزيد الرجه عندي اذا كانوا معايه ناس او السياره محمله تزيد الرجه بس انا مطنش اهم شئ انها تمسك زين ولم الشكر

وعليكم السلام

اول شي قل ما شاء الله لا يحسد المال اللا صاحب المال

ويمكن انت رجلك حنونه على الفرامل والبنزين

لكن انا جربت مره ضبتها عند واحد تركي وجلست معي 80 الف بس

يعطيكم العافيه شباب

**accord 06** · 21-11-2009, 10:36 PM

كملت 25 الف

و حتى الآن نفس الكلام .. مسكة الفرامل ممتازه و ما فيه رجه

قبل يومين رصصت الكفرات .. و استغليت الفرصه و صورت الهوب

تلاحظون الهوب صافي .. و قريب من حالته وقت الخرط

عكس الاصلي اللي بعد فتره بسيطه من الاستخدام .. تطلع فيه انواع الخرايط

و هي اللي كانت تسبب الرجه و الله اعلم

و هذي صوره لكرتون الهوب للي يبي يجربه

الموضوع: الهوبات اليابانيه للاكورد 2003 - 2007

أدوات الموضوع

عرض

الهوبات اليابانيه للاكورد 2003 - 2007

المواضيع المتشابهه

مشكله في الهوبات اليابانيه

للبيع شماسات للاكورد من 2003-2007 للفل

برقع للاكورد من 2003 الي 2007 للبيع

صدامين للاكورد من 2003 الى 2007 للبيع

مواقع النشر (المفضلة)

مواقع النشر (المفضلة)

ضوابط المشاركة