الموضوع: صيانة الـ 220.000 الف كيلو .... وش نصايحكم بليز

احد يعطينا وجه

وعليكم السلام ورحمة الله وبركاته

ماشاء الله تبارك الله الله يحفظك انت وسيارتك

اسئلة تسدح نفسها:
هل قمت بأي صيانه لها خلال الـ 220 الف ؟
هل قمت بتغيير البواجي والسيور وصفاية البنزين؟
هل قمت وهو الاهم بتغيير زيت القير وكم مرة ؟

هلا اميرنا جوزيف

تشكر على تفاعلك ..

بالنسبة للصيانة سويت لها صيانة ايام العشرة الاف كيلو
تعرف واحد فرحان بالموتر وخايف عليها
بعدها سحبت عليهم الى الميه الف كيلو
وغيرت البواجي والسيور بس الطفاية اللي تقول لا !
اصلا مدري وش هي من لحيه : )


بالنسبة لزيت القير ..
غيرته مرة وحدة ..


هاه وش رايك ..؟

سبقني كنج وماقصر قال المفيد

المشاركة الأصلية كتبت بواسطة King

بما ان آخر صيانة هي على الـ 10,000 ألف كم

إلي أعرفه تحتاج إلى

- تغيير زيت المكينة
- تغيير زيت القير
- تغيير الفحمات أمامي وخلفي , مع تشييك الهوبات والقماشات
- تشييك زيت الفرامل
- إذا السيارة فيها رجه يبغالك كراسي مكينة أمامي وخلفي
- فلتر المكيف
- فلتر الهواء

هذا إلي أقدر افيدك فيه وبالتوفيق لك

بالضبط

بس مانصحك تغير زيت القير

لانك ماشي عليه واجد و احتمال كبير اذا غيرته يخبط القير

لا تجيه و بيمشيك اطول مسافه ممكنه بدون مشاكل ان شاء الله

1) تغيير ماء الاديتر
2) التأكد من سلامة غطاء الاديتر
3) تغير بلف الحرارة
وتقبل ارق تحياتي وتقديري