مشورتكم في تصليح صدمات..!

**waleed777** · 23-06-2009, 03:04 PM

السلام عليكم..

كيف حالكم ان شاء الله تمام..

المهم اخواني انا بغيت نصايحكم..في موضوعي وهو

أني عندي اكورد 2006 وفيها من الصدمات والحكات ما الله به عليم..وصراحه قررت اني ادخلها ورشه واضبطها
فأبي شوركم ونصايحكم..في:o

1-أفضل ورشه من تجاربكم في الرش والسمكره واكيد الاسعار بالرياض

2- وش افضل شي للتصليح رش ولا تغيير قطع:(
3- توقعاتكم كم تكلفني بالضبط..

4- رأيك بالنسبه لرش الصدام الامامي هل راح تتقشع البويه لأن الصدام الامامي راح يكون معرض للهواء والضغط والغبار فوش رايكم من واقع تجربه..

طبعا الصدمات هي كالتالي..
1 صدمه في الصدام الامامي جهة اليمين على الكبس وتحته الصدام صاير متعلق الان وفيه شق خفيف بالصدام اعتقد لازم فيبر..
2- صدمه بالرفرف اليسار الامامي عفطه للداخل بدون حك للبويه.. ما ادري تتسمكر بدون بويه ولا لازم بويه..!؟
3- حك في القطعه الي تحت الابواب (الي تجي سوداء في السياحي) جهة اليسار..
4- الصدام الخلفي فيه مجموعه من الدقشات البسيطه شغل قراش وما الى ذلك يعني اعتقد انه رش يكفيه (للأسف مافيه صوره)

وهذي الصور

وسلامتكم..

**A C C O R D 0 8** · 23-06-2009, 05:49 PM

فيه يالغالي ورشه سمكرهـ ورش بصناعيه بالشفا جيدهـ ..

اسمها الجرفين واسأل عن المدير اسمه صالح او صلاح .. هو تركي ..

لكن انتبه هي ترى 3 ورش اللي اقصدها انا مديرها تركي واسمه صلاح او صالح ..

واتمنى احد من الشباب ساكن بالشفا يعطيك الوصف صح ..

**AHN** · 23-06-2009, 05:52 PM

يمدحون ورشــه الوفا
.

**waleed777** · 23-06-2009, 09:29 PM

طيب اخوي اكورد 08 الاسعار كيف؟

اخويahn باي صناعيه هذي الورشه؟

وماقلتوا لي رايكم الصدام الامامي ماعليه خطر ان البويه تتقشع؟

**الدمع حبر العيون** · 23-06-2009, 09:43 PM

انا اقولك

ورشه الجرفين اقل شي رش الصدام الامامي 600 الى 800 ريال
انا مجرب

ورشه الوفا هذي في الصناعيه القديمه بس صرااحه غاااليه
ومن الزحمه الي فيها من السيارات الفخمه ما تخلص سيارتك الا بعد 10 ايام

وانا انصحك بالجرفين لانه مجرب وشغله مضبوط

ولا يهونون الاعضاااء
واذا انت وضعك المادي متوسط رح الى ورشه المهنا في الشفا مقابل الجرفين فيها مدير سوري اسمه ابو سامر وشغله ممتاز

وتقبل مروري

**slaitr** · 24-06-2009, 12:01 AM

طيب والي بي يرش صدامه ويبي ورشه بالشرق ووضعه المادي متوسط وين يروح؟
وبالنسبه لورشة الوفا شغلهم مهوب زي اول غالي وشغل مش حالك

**Honda*2008** · 24-06-2009, 01:17 AM

اهلين ياخوي صاحب المووضوع
انا اخوي سيارته هوندا 2004 فيراني
كان في صدامه الخلفي و الامامي تقشير بويه بس
وصلحها في صناعية الشفا حوالي 300ريال بعد الطقاق بس ما ادري من عنده
واي خدمه انا من سكان الشفا وقريب عند الصناعيه
وشكراً
دوماً في خدمة المنتدى

**k363k** · 24-06-2009, 03:24 PM

ورشة الوجدان في الصناعية القديمة بجوار ميزان اليرموك
بس الاسعار غاليه شوي

والشغل 90%

**waleed777** · 24-06-2009, 04:39 PM

مشكورين..

طيب الحين صار عندنا كم اسم ورشه..بس وش رايكم..انا خايف من موضوع تقشع البوية خصوصا ان اخوي معه لومينا وتقشعت البويه بعد رش السيار بفترة بسيطه يمكن 3 شهور..

اخوي
Honda*2008

بشر والبوية تقشعت بعد كذا ولا ضبطت وياريت اسم الورشه ولو يحصل الوصف اكون شاكر..

..!

**waleed777** · 24-06-2009, 04:41 PM

سؤال.. رايكم كم تكلف تقريبا..
رش صدام امامي وخلفي والزعانف وسمكرة الرفرف..

تقريبا..يعني..

**المـــــلكـ اكـــــورد** · 24-06-2009, 05:09 PM

يعني ان شاء الله ماتتجاوز الالف ريال وعلى حسب الورشه

انت مر احد الورش اللي وصفوها لك الشباب وهو بيعطيك السعر الاكيد

ايضا بالنسبه لرش الصدمات مافي ورشه ترجعه زي رشة بلدها لكن في ورش شغلها ممتاز ومضمون