عندي مشكلة / فيه ريحة بنزين داخل السيارة .

**متوهق** · 06-05-2006, 01:13 PM

السلام عليكم ورحمة الله وبركاته

شباب انا معاي اكورد 2003 ومعاي مشكلة ان السيارة فيها ريحة بنزين وخاصة الفترة الحالية مع المكيف احس ان الريحة تزيد كل يوم .

الوكالة قالو لي اثناء الفحص المجاني ان فلتر البنزين وفلتر الهوا لازم يتغيرون ما ادري هل لهم علاقة بالريحة . واذا كان لهم علاقة كم تكلفة الاصلاح ؟

وشكرا لكم ،،،،،،،،،،،،،،،،،،،،،

**Acc** · 07-05-2006, 02:25 AM

اذا سيارتك ماشيه كثير اعتقد لازم تبدلهم

وماعندي خبر عن تكلفتهم لأني ولا مره بدلتهم

**accord 06** · 09-05-2006, 10:02 PM

فلتر الهواء العادي ما اتوقع له علاقه

المشكله من فلتر البنزين او من فلتر المكيف

اقترح عليك تغيرهم كلهم و تريح راسك

ملاحظه : فلتر المكيف يكون داخل المقصوره خلف الدرج
و تركيبه سهل ... ممكن تركبه بنفسك

**متوهق** · 10-05-2006, 11:08 AM

المشاركة الأصلية كتبت بواسطة accord 06

فلتر الهواء العادي ما اتوقع له علاقه

المشكله من فلتر البنزين او من فلتر المكيف

اقترح عليك تغيرهم كلهم و تريح راسك

ملاحظه : فلتر المكيف يكون داخل المقصوره خلف الدرج
و تركيبه سهل ... ممكن تركبه بنفسك

مشكور اخوي accord 06

بصراحة انا غيرت امس فلتر البنزين وفلتر الهوا لكن اليوم احس ان الريحة مازالت موجودة

ممكن ان كلامك صحيح المشكلة من فلتر المكيف لكن كيف اغيره ( تراني عليمي ما عرف شئ )

ومشكور اخوي ACC على الرد

**accord 06** · 10-05-2006, 03:18 PM

ركب الفلتر الجديد و اعكس الخطوات السابقه
و لاحظ ان السهم لازم يكون اتجاهه الى الاسفل مثل الصوره الثانيه

طبعا فلتر المكيف مجرد احتمال ... يعني ممكن تكون المشكله بشي ثاني
لكن بكل الاحوال غير الفلتر لانه المفروض يغير كل 40 الف كيلو

**أبان الطباع** · 10-05-2006, 04:15 PM

Accord 06
يزداد تقديري لك مع كل رد، أشكرك على الشرح الواضح والمفيد لنا جميعاً.

أنا الآن متأكد أكثر من السابق أنك الرجل المناسب في المكان المناسب.
تحياتي للجميع

**اتــشـــــ** · 11-05-2006, 09:22 AM

عيني عليك باردة اخوي accord06 تدري اني قبل سنة دخلت السيارة لصيانة ال40000 كلم واخبر ان مهندس الوكالة جاني يستفسر اذا كان فيه مشاكل في السيارة عشان يشيكون عليها في الصيانة .
الحاصل اني قلتله الفرامل فيها صوت والمكيف ياليت تغيرون فلترة دامكم بتغيرون فلتر الهواء حق المكينة .
المفجع في الموضوع ان المهندس قالي الاكورد مايجيلها فلتر مكيف

لان فلتر المكيف مايجي الا في السيارات الفخمة جدآ .
والان الصور تقول عكس ذلك .

**متوهق** · 11-05-2006, 09:41 AM

المشاركة الأصلية كتبت بواسطة اتش

المفجع في الموضوع ان المهندس قالي الاكورد مايجيلها فلتر مكيف

لان فلتر المكيف مايجي الا في السيارات الفخمة جدآ .
والان الصور تقول عكس ذلك .

يا راااااااااااجل قول غير الكلام دا !!!!!!!!!!!!!!!!!!ههههه!!!!!!

يابن الحلال ريح نفسك ما عندك احد بالوكالة مالك غير هالمنتدى

**متوهق** · 11-05-2006, 09:25 AM

مشكووووووووووووووووووووووووووووووووووووووووووووووو وووووووووور
الف مرة Accord 06

شرح جميل وبسيط ولا فيه اروع من كذا

راح اركبها ان شاء الله بنفسي لوني رايح لاحد الورش كان قالي اقل شي 50ريال (شغل كتييير صديق)

**CR-V** · 11-05-2006, 01:45 PM

ما شاء الله Accord 06 شرح متميز مصور سهل الاتباع... جزاك الله عنا خيراً

**accord 06** · 11-05-2006, 09:13 PM

Honda و اتش و متوهق و CR-V

اشكركم جميعا على الردود المشجعه ،، هذي البدايه و ان شاء الله القادم افضل

**Acc** · 12-05-2006, 03:48 AM

كم قيمة الفلتر تقريبا ؟؟

سيارتي ماشيه 150 الف تقريبا ولامره غيرته !!!!!

**accord 06** · 13-05-2006, 07:08 PM

سعره 340 ريال << تشوف يا اتش :D

**اتــشـــــ** · 13-05-2006, 07:32 PM

اخوي Accord06 هذا قبل متنزل الصور كان ب120 ريال الحين بعد مانبهة الشباب على الفلتر اكيد عبدالله هاشم بيرفع سعرة ل300 ريال

.
الله يسامحك بس يا Accord06 عساك بس شريتلي واحد معك :D ؟

**accord 06** · 13-05-2006, 08:03 PM

من قال 120 ؟؟

لا من جد انا اذكر سألت عنه قبل فتره

يا انا مفهي او ان ابو هاشم رفع السعر

**اتــشـــــ** · 13-05-2006, 08:39 PM

Accord06 عيوني تسلم عليك وتقولك لاماأشوف

ألا120 ريال
مالي دخل فيك

. كمل ال220 ريال من مخباك .
ولا بسويلك فضيحة في جلاجل

:D ;)

**اتــشـــــ** · 11-07-2006, 12:20 AM

الله يسامحني اعترف وبكل صراحة ياشباب ( والاعتراف بلحق فضيلة ) اني ظلمت مهندس الوكالة لاني كذبتة يوم قالي ان سيارتي الاكورد 2004 مايجيلها فلتر للمكيف :o .
طبعآ الي ظـللني في الموضوع الصور الي حاطها اخوي وحبيبي ACCORD 06 لطريقة تغييرفلترهواء المكيف لسيارات الاكورد :d ( الله يسامحك ياACCORD 06 ) .
خلاصة الموضوع ياشباب والمهم فية اني ( ومن مصدر موثوق )
اكتشفت ان الاكورد من موديل 2003 الى موديل 2005 مايجي فيها فلتر للمكيف

الفلتر الي في الصور ياحبايبي الاعضاء مانزل الى على موديلات الـ2006 واخيرآ صدق المثل الي يقول عط الخباز خبزة ولو كلا نصة ;) .
وســــــــــــــلامتكـــــــــــم

**Sterility120** · 12-07-2006, 04:29 AM

والله انا تحمست للموضوع اكثر ... ننتظر تجربه اتش ...

ويسلموا اخوي ACCORD 06 على الشرح العاااااااااااااااااااالمي ..

**accord-se** · 12-07-2006, 03:23 PM

ماكنت اعرف بوجود فلتر مكيف ... لازم نرش عليه عطر من فتره لأخرى ههه

**مش مش** · 23-07-2006, 06:35 AM

الريحة جاية من شيين الاول ان الهندي الي بالمحطة يعبيلك بسرررررررعة وهذا يخلي الريحة تطلع مع فتحة تهوية التانكي بس .
او عندك طرمبة البنزين تبي تخرب عما قريب انتبة ؟

**مهيب** · 31-07-2006, 12:42 AM

طيب سوال يا اخوان الاكورد موديل 2001 فيها فلتر مكيف او لا وسيارتى فيها نفس مشكلتك يامتوهق داخل السيارة فية ريحة بنزين واظن المشكلة هذى عامة تصير على الاكورد كلها حتى مريت الوكالة وناظرها المهندس وقال مافيها شي مع ان ريحة البنزين تجى من وقت للثاني

**k363k** · 01-10-2006, 10:08 AM

المشاركة الأصلية كتبت بواسطة مهيب

طيب سوال يا اخوان الاكورد موديل 2001 فيها فلتر مكيف او لا وسيارتى فيها نفس مشكلتك يامتوهق داخل السيارة فية ريحة بنزين واظن المشكلة هذى عامة تصير على الاكورد كلها حتى مريت الوكالة وناظرها المهندس وقال مافيها شي مع ان ريحة البنزين تجى من وقت للثاني

والله يالاخو أنا معي 2002 ولا أدري

وسيارتي الحين ماشية 210000:d
وبنسبة لريحه أبد والله ما اشتكيت .بس المشكله عندي يطلع صوت بالكوبرسر أول مايشتغل في كل مرة توماتيك

**HONDA_Accord** · 02-10-2006, 05:22 AM

اول خطوة تسويها شيك على الاهواز حقت البنزين شوف فيها تهريب ولا لا وثاني خطوة روح المغسلة غسل السيارة خلهم ينفظونها نفظ من فوق ومن تحت لان يمكن بنزين منكب في سيارتك او غرشة بنزين طايحة ومنفكة وشيك على الشنطة شوف فيها بنزين او غرشة بنزين بس الاهم ركز على اهواز البنزين خصوصا الي عند البواجي