السلام عليكم ورحمة الله وبركاته

ياجماعه سبق وان طرحت المشكله في موضوع وكان معها كم مشكله والحمدلله تم اصلاح جميع الكشاكل ماعدا القير:(

القير والله هبل بي جنني خبلني قروشني

المهم العله هي"

ان القير اذا غير من النمرة الأولى لثانيه يرجف تقل واحد خابطك من ورا
وباقي التغيرات ولا احلا منها
بس العله في النمره الأولى لثانيه

الكلام الي يحير ان هالمشكله بعض الأوقات تختفي كأن مافيه شي القير اموره تمام
يعني مره وديتها لورشه دلوني عليها الاعضاء الي في صناعية ام الحمام 20
وركب معي المكانيكي والقير ضبط هبل بي وجع تو يرجف والحين كأن مابه شي

ياشباب

هل فيه احد مرت به هل المشكله وش كانت منه المشكله
ابي محل يفحص القير ويكون شغله نظيف وصادق اهم شي وابيه يكون متخصص في القيور

مع العلم اني غيرت زيت القير في الوكاله اول ماظهرت هالمشكله ولا فيه فايده


انتظر حلولكم وفزعاتكم