بالنسبة للصاحبك لا تركبه وبكذا تفتك من المشاكل >>>>>> :d
السلام عليكم ورحمة الله وبركاته
قصتي كالتالي
واحد من الشباب طفشني
كل مايطلع معايا يقلي المكيف مو بارد مع اني اشوفه بارد
المهم يوم الخميس و الجمعه اللي فاتوا حسيت انه المكيف مايبرد لما تكون السياره واقفه طبعا الكلام هذا في الظهر
بدأت اوسوس من الموضوع وفكرت اوديها الوكاله بس قلت اتأكد اولا من الموضوع
اليوم طلعت مع واحد من الشباب معاه نيسان ألتيما وماشاء الله تبارك الله مكيف سيارته مرررررره بارد مع انه مو حاط التبريد على اقل شي التبريد كان على 20 درجه
مع العلم اني مظلل (في كوول) اما خويي راعي الالتيما مظلل تظليل عادي وماشاء الله المكيف 100 %
سؤالي لأصحاب الكوبيه هل عندهم اي ملاحظات على مكيفات سياراتهم؟؟
منتظر أرائكم وتجاربكم ونصائحكم
بالنسبة للصاحبك لا تركبه وبكذا تفتك من المشاكل >>>>>> :d
والله بـ حر الخليج هذا اي مكيف يصير بارد لووول
لا توسوس ياخوك كل السيارات الظهر تقل برودتها واذا كان صاحبك بالالتيما بارد فـ اكيد انه طول وهو يمشي بالسيارة وركبت معاه انت
انا قلت لاخوي كروزر
على هذا الموضوع اول ما شريت السياره
قالي ان مكيف الاكورد وانت ماشي يفصل الكمبريسر ويشتغل اقتصاد للوقود وهم وانت واقف
بعد
ونفس الشي عندي
ولكن انا انشاء الله ابوديها حق الفحص المجاني هذا واشوف هذا الشي عادي ولالا :d
واذا وديتها انت قولنا وش الفرق
واذا وديتها قبلك بقولك لا تخاف :d
ولكن التبريد اوكي والحمد لله بس يفصل بعض المرات
تحياتي لك
اتوقع المكيف واحد مايفرق في السيدان والكوبيه
تبغى كلمه الحق جاتني فترة صرت اتوهم فيها انه المكيف حار وهو ماشاء الله بارد مره
بس في الظهر السيارة يبي لها خمس دقايق عشااان تبرد تعرف جونا ماشاء الله مره باارد
هالاياام ماشاء الله تبارك الله مره بااارد واي مشوار اروحه لازم انقص المكيف لااقل شي
وساعات اطفيه مره
بالتوفيق ان شاء الله
صحيح التبريد مو مره بارد
يعني لازم تخلي المروحه على ثلاث شرطات , أشان تكون أوكي
وبعد مايضبط الوضع في السياره رجعها شرطه أو شرطتين
أما في الظهيره , فأول ماتحمى السياره شوي , شغل المكيف على الـ أوتو ( AUTO )
<<< أنا كنت أقول حرام , بس خلاص الحين سرت دايما أذا ركبت السياره في الظهر أشغل المكيف على الأوتو
وعسى تنحرق مردها تتصلح , ولا أنا (أنحرق) ×_× لأني حاليا بأوقفها تحت الشمس
وترى الأوتو حيعجبك وحتدمن عليه من جد يعدل جو السياره ~_^
وحنى ليش دايما شوي شوي على السياره , في زر هاذي فايدته من بلدها :d
مو هي يابانيه والوكيل رافع سعرها فوق أشنها يابانيه , خلاص المفروض تتحمل
أنا أقلك مكيفنا مو مره بارد مقارنتاً بسيارة أخويا ( هوندا ليجند 2004 ) مكيفها ماشاء الله تبارك الرحمن
دايما المروحه على أقل شي والسياره مثلجه
.
بس على العموم , ثلاث شرطات - - - تخلي السياره بارده أن شاء الله
أنت دايما تخلي المروحه على كم شرطه ؟! طبعا الحراره Low هذي مفروغ منها ^_^
^^^^^^^^^^^^^^^^^
انا اول ما اركب احطها اوتو
بعد كذا تقريبا 10 دقايق اخليها شرطتين
بعد 25 دقيقه احطه شرطه
بعد ساعه اقلل على البرود
واحطه 21
:d
واشوف ان تبريدها مره كويس
افضل من جيب الي عندنا تويوتا رافور الموديل الجديد تبريده مره موكويس
:(
خخخخخخخخخ
اصلا قلتله لو حتطلع معايا وتقعد تنتقد كل حاجه قدامك لا عاد اشوفك
شكرا
ممكن كلامك يكون صحيح
هوا كان برا وعدى عليا
شكرا
ياسلام عليك
يعني انا مو موسوس
خلاص منتظر ردك بعد الصيانه
شكرا
خخخخخخخخخخ
من جد الجو بارد جدا
شكرا
والله انا دائما بعد ما اسخن السياره اشغل الاوتو الين تبرد السياره بعدين انقص المروحه تدريجيا على حسب الجو
بس الحراره اللي تقول مفروغ منها ما بأحطها عالـ Low
دائما بأحطها على 17 درجه خخخخ
شكرا
وبعدين معاك انت :d
ماترتاح الا ترد ردين :d
ياخي عملتلنا زحمه :d
الصفحه اتعبت والحبر خلص :d
خخخخخخخخخ :d
ترى امزح :d
وبالنسبه للمكيف انا زيك بالضبط بس ما بألعب في الحراره :d
الوجوه بلاش خلينا نكثر منها :d
شكرا :d
السلام عليكم
يا شباب انا بصراحه ما ادري سياراتكم كم لها معاكم ومن اي منطقه...
لكن احب انبهكم...خاصتا اللي بالرياض...مع فترة الغبار بالرياض...والجو الحلو...
طبعا فلتر المكيف راح فيها...
ويبيله تنظيف...عشان كذا الله لا يهينكم كل واحد يمر اقرب بنشر والا مغسله جنبه..ويفك الفلتر وينفخه بالهوا...ويشوف كيف الغبار اللي بيطلع...
وبعدها راح تحسون بالبروده...واهم شيء كل واحد يتاكد ان الـ A/c شغال عندكم...
اللي ما يعرف وين فيلتر المكيف...يرد هنا بالموضوع...وانزل الصور لكم...لانه ما عندي صور الحين..راح اصورها وانزلها...
ان شاء الله اكون افدتكم...
ما شاء الله الشباب كفوا و وفوا .
من معرفتي ان سيارات نيسان تحتل المركز الاول بين السيارات اليابانيه من حيث فعاليه و كفائه المكيف ، تليها تويوتا ثم هوندا . اعتقد انه يجب ان نتعايش مع هذه الحقيقه حيث ان سياراتنا هي افضل من نظيراتها اليابانيه من حيث الكثير من الامور الاخرى .
بالنسبه لي ، انا استعمل الاوتو (Auto) كل الوقت ، فقط ارفع او انزل درجه الحراره المطلوبه و الكلايمت كونترول (climate control) يقوم بالباقي . من الصباح الى بعد العصر عاده اثبت درجه الحراره بين Low و 17 ، و من المغرب و بعد بين 17 و 21 .
كما تفضل الاخوان اذا كانت السياره واقفه في الشمس لمده طويله خاصة في وقت الظهيره فان المكيف يحتاج الى 5-10 دقائق مع حركه السياره لتبدء تشعر بالبروده .
نصيحتي ابق على فتحات التهويه الجانبيه و الوسطى موجهه الى الاعلى (ليس الى اقصى درجه) معظم الوقت حيث ان الهواء البارد اثقل من الهواء الساخن و ينزل الى الاسفل بذلك تضمن توزيع افضل للهواء البارد و تبريد اسرع لعفش المقصوره و يالتالي المقصوره بشكل عام .
نهايه الاسبوع الماضي فكيت و نفخت مصفاة هواء المكيف في مغسله السيارات مع العلم بان سيارتي ماشيه فقط 3,000 كم و لكن خرج من الفلتر الكثير من الغبار و الرمل و الاتربه و اوراق الشجر و حتى ريش الطيور !!!! لا ادري من اين اتى !!!!
المحصله اعتقد بانك مكبر الموضوع اخي memories ، انا لا انصحك بعرض هذه المشكله على الوكاله الى في حاله تفاقم المشكله . الوكاله يلعبون بسياراتنا و يستهترون بممتلكات و وقت و مشاعر زبائنهم للاسف الشديد .
تحياتي ،
يعطيك العافيه اخي الكريم
بالنسبه لسيارتي ماوصلت 10 الاف
اما بالنسبه لتنظيف الفلتر فأعتقد انه من الخطأ تنظيفه عن طريق الهواء المضغوط
التنظيف بالماء افضل على حد علمي
اما بخصوص الـ a/c فهو فعلا مو شغال عندي
لأني في الغالب بأحط عالاوتو ولما بنقص الهواء تدريجيا ما بأشغل الـ a/c
شكرا
مكيفك مافيه الا العافية ...
انا مثلك في الظهر المكيف يبيله وقت لين يبرد وطفشت وقلت مالها الا الوكالة ومنها نشوف وش سالفة الفحص المجاني لكن أكتشفت ان السالفة حر شديد لا أكثر يعني مكيفاتنا ان شاء الله مافيها الا العافية .
طبعآ مضلل عازل من زيبارت ومركب ستاير وبرضوا حراره ( صيفنا حار والله )
<< وخويكم المباشر ترى كان في الوكالة اليوم الصباح علشان المكيف ...
- وخلني أقولكم السالفة / وديت الموتر بدون موعد لأني أتصلت عليهم البارح وقال تعال الصباح لأن الكهربائي يكون موجود الى الساعة 2 الظهر بس ومايجي بعدها
ودخلت السيارة بسرعة وبدون أنتظار وبعد نص ساعة علموني ان المكيف مضبوط ومافيه شي لكن يفضل تغيير الفلتر خلف الدرج وتنظيف بالمادة
http://www.gardx.co.uk/index.php?page=other&parent=17&pid=18
في الفيديو يقولك الضمان 6 شهور بدون بكتيريا وجراثيم وانا كملت سنه من سويته ( شكلي بسويه والله يعين على السعر )
المادة المذكورة سويتها بسعر 89 ريال في صيانة الـ 20 الف
طيب بكم ياشباب بتطلع علي الفلتر مع المادة وشغل اليد .. قالوا حوالي 400 ريال وشوي عليها والمهندس قالي أنتظر شوي وأعلمك السعر بالتفصيل ..
المباشر ماعنده وقت رحت لخدمة العملاء وقلت له عطني فسح خروج للسيارة ومع السلامة
مريت قطع الغيار وقلت له بكم سعر الفلتر حق المكيف قالي بـ 261 ريال وبعد الخصم .. قال مافي خصم
حسبتها لو الصيانة عطوني خصم 20 % يعني بيطلع الفلتر حوالي بـ 200 ريال والتنظيف سويته من قبل بـ 89 ريال طيب ليش قالي 400 وشوي
طبعآ راجعت الأوراق عندي حق صيانة الـ 20 الف وطلع فيها 89 ريال حق مادة التنظيف و440 ريال شغل يد وكل اللي كنت طالبه منهم صيانة 20 الف وتلقيط للصدامات << ترى ماسووها يقولون اللون غير متوفر << صرفوك بأحترام شديد
يعني طول بالك ونظف الفلتر بأقرب بنشري ومكيفك مافيه الا العافية أو طق لك فلتر جديد وشوف الفرق .. انا راح أدخل السيارة صيانة 50 الف علشان تبديل كرسي القير على الضمان وراح أشوف الفلتر كم راح يطلع علي مع خصمهم العشرين بالمائة واذا صلح لي راح آخذه
دردشات خفيفه : ترى نظفت فلتر المكيف مره من المرات وغسلته وطلع الماي منه أسود من الغبار والوصخ :d وبعد الغسيل نشفته مضبوط وحطيته بالشمس والجو كان حلو بدون غبار ( طلع المكف أبرد من أول لكن أسبوع وطلعت الريحه الخايسة اللي تطلع من الفلتر / يازين الجديد بس )
################
ادخل هنا - يوسف سعد الدريويش (kakashi-san) إنقطع عمله وانتم أمله !!
################
اولا يعطيك العافيه أخي كروزر
يعني من رأيك اني ابطل وسوسه
اوكي ولا يهمك راح ابطل وسوسه :d
وبالنسبه للوكاله احس انه حرام اروحلهم في صيانه 10 الاف
بس اخاف يروح الضمان لو مارحتلهم
وبعدين انا افكر اوديلهم السياره فقط في صيانة 40 و 80 و120 الف بس
لأنه بصراحه اسعار الصيانه مالها داعي مايعملوا حاجه وياخدوا فلوس انا اولى بيها
شكرا
يعطيك العافيه مشرفنا على اشراكنا في تجربتك مع الوكاله
وان شاء الله مافيها الا العافيه
شكرا
المباشر مو لون سيارتك أبيضوتلقيط للصدامات << ترى ماسووها يقولون اللون غير متوفر << صرفوك بأحترام شديد
أنا رحتلهم على شغله بسيطه , قالولي تعال بكره ولمن جيتهم , قلي أيش لون سيارتك , قلتله فضي
قلي معليش الفضي حاليا ماعندنا ×_× , وبس كذا سألته أيش الون الي عندكم قلي أبيض موجود
<<< هذي الي في خريص
والله المكيف عندي ماشاء الله بارد بس انا لاحظت شي اذا صرت امشي ومشغل المكيف ولا تعدى الضغط 3 يصير بارد مرة يدك تعورك من البرودة ماشاء الله
معروف النيسان ابرد السيارت واسألو اصحاب الدداسن...
للمعلومية السيارات الالمانية تستخدم مكيفات يابانية!!!
################
ادخل هنا - يوسف سعد الدريويش (kakashi-san) إنقطع عمله وانتم أمله !!
################
اضغط auto
وتنحل المشكله وحط درجه الحراره على 21 او20
كذا افضل شي
فعلا لاحظت أن المكيف احيانا يفصل ويرمي هواء عادي بس دقائق ويرجع بارد مثل الاول
يعطيك العافيه كوبيه وبس
شكرا
اخي
يوجد في السيارة فلتر مكيف
ابحث عنه في الكتالوج السيارة وانزعه ونظفة
وانشاء الله بيكون نظيف
كم قاطعة موترك مسافة
يعطيك العافيه اخي محمد اس اس
السياره ماشيه 12000 الان
ولسه مخرجها من صيانة الـ1000
راجع الموضوع التالي
http://hondaarabia.com/club/showthread.php?p=256522
شكرا
مواقع النشر (المفضلة)