مشكلة في الكشافات

**Serendipity** · 29-06-2009, 01:03 AM

انا مركب كشافات على سيارتي الاكورد موديل 2006 عند العليان في الغرابي. طبعا الكشافات زينون...

الحين الكشافات بتكمل سنتين وانا مركبها, لكن واجهتني مشكله وهي:
اول مره كنت ماسك السريع ومسكن وفاتح الكشافات ( لهن مفتاح خاص جنب حق الفتحه ) وانا ماشي صار لي فتره كبست كبسه وحده على النور العالي وقطع الموتر

استغربت. المهم سكرتهن وكملت طريقي وقلت خلني اشوف وانا واقف عند محطه وطلع الوضع تمام. طبعا انا ما اشغلهم كثير لاني نادر اطلع :d. بعد فتره شغلت السيارة و شغلتهم ونزلت من السياره, يوم رجعت لها لقيتها قاطعه والساعه حقت المسجل تأشر يعني تقول فاصل البطارية. المهم طفيتهم ورحت للبيت وانا واقف السياره بدت تقطع وطفت. شغلتها اشتغلت على طول مافيه اي مشكله. وبنفس اليوم طلعت مشوار ولاكنت مشغلهم اساسا بعد اللي صار, وانا ماشي ولعت النور العالي وجلس يغمز وطفيته على طول. يارب ايش المشكله, انا ناوي افصهلم مره لاني اخاف على الموتر.

للمعلوميه:النور الواطي زينون وكذلك الكشافات, لكن العالي ماجيته هو هو حق الوكاله.

ادري ماصارت مشكله, هذا صك اعسار :d

**الـمـسـافـر** · 29-06-2009, 01:12 AM

جرب نظف اصابع البطاريه زين وشد عليهم وان شاء الله تنحل المشكله

**Serendipity** · 29-06-2009, 06:42 AM

المشاركة الأصلية كتبت بواسطة الــمــســافــر

جرب نظف اصابع البطاريه زين وشد عليهم وان شاء الله تنحل المشكله

المشاركة الأصلية كتبت بواسطة ن ل ا 382

السيــاره : اكــــورد
الموديــل : 2007
المحـرك : 4سلندر سبشل
المشـكله : تطفى السياره وانا امشي مع الخط وتشتغل من حالها وغالبا اكون مسرع 190 الى 200
سبب المشكله : كهربا الاكــود ماتستحمل تكون انوار زينون وانا عندي النور الطويل والقصير والكشافات زينون ودايم تكون طفياتها بالليل بس واذا كان المكيف والمسجل شغاله عشان كذا ماتتحمل الكهرب وماحد قدر يحل هالمشكله الا واحد سعودي في صيانه هوندا بالصناعيه القديمه بالرياض
الـحــــل: تغيير واحد من الفيوز وتركيب بطاريه اكبر من حقه الوكاله اللي هي 50همبير ركبه البطاريه وغيرت الفيوز اللي احترق والى من يومها ماعاد طفت وانا امسك بها خطوط

على ماظن هنا المشكله. وشكرا للكاتب