لما أمشي بسرعة 80 يطلع عندي صوت من يعرف الحل
السلام علكيم
أنا عندي سيارة هوندا أكورد 2003 , المشكلة عندي لما أمشي بالسيارة و أوصل للسرعة 80 أو 90 يطلع عندي صوت هزة أو طقطقة مثل صوت الحديد أو صوت رعشة بالسيارة بس الصوت واضح جداً عند جهة الراكب ولما أتعدى السرعة يروح الصوت ولا كأن صار شي مع العلم أن الصوت ما يطلع دائماً .
بعدها رحت غيرت المقص السفلي بجهة اليمين واليسار وغيرت كراسي الماكينة والقير وكراسي الشاصي وغيرت البواجي بس الصوت ما راح
و ما اعرف أيش السبب .
الله يخليكم اللي يعرف ايش المشكلة يكتب لي الحل
مع العلم أن الصوت طلع عندي بعد ما صارت لي ضربة خفيفة في الكفر جهة الراكب وتعور الجنط , بس انا غيرت الجنط والمشكلة لا زالت موجودة
وعليكم السلام
طيب أخوي شيكت على المساعدات شيك عليها فيه في المساعد قطعة حديد تجي فوق ملحمه مع المساعد يمكن مع الوقت أنفك وبداء يطلع الصوت أنا حصلت لي وما خليت ورشة إلا ورحت لها وكلهم ما عرفوا السبب لكن جبت العفريته ورفعت السيارة من قدام جهت يمين ولقيت أنه من الحديدة إلي في المساعد فغيرت المساعد كامل وراح الصوت عندي وبكذا أرتحت ... وإن شاء الله تكون مشكلتك بسيطة .
روح وديها لاي منجرجي و خلي يسوي لكل التواير بلنس
و انشالله تروح الرجفة
وعليكم السلام اخوي المسيقار
انت مغير المقصات انت متأكد انها تالفه لان المقصات ما يتغير غير اذا انكسر ايش السبب الي جعلك تغير المقص واذا المقص تالف المساعد عندك سليم مستحيل لان مقص الاكورد مستحيل انه يخرب
انت تقول ان الصوت من جهة الكفر اليمين ايش دخل الكراسي حق المكينة
وكراسي القير وكمان كراسي الشاصي
يمكن يكون الصوت من شيء بسيط ممكن جلدة وممكن جلبة المقص طبعآ انت مغير مقص وماغيرت جلبة مقص انا اعرف ان الجلبة تخرب قبل المقص انا انصحك انك تروح لمهندس معروف و مجرب والافضل تروح الوكالة ترى الشغلة ماهي مكلفة
ن ع ر السعودية 0005
شكراً على تواصلك معي
يبي لي أشيك على المساعدات
بس أبي أسألك سؤال اللي عندك انفك كامل أو أيش اللي حصل
وكيف انفك عندك هل صارت ضربة بالسيارة مثل ما صار لي
اتمنى الرد الله يجزاك خير
tesh
وديت التواير وضبطتهم
عبودي 2009
بالصراحة المقصات ما هي تعباانة حيل
أنا غيرت ربل المقصات وركبت اصلي وحسيت ان السيارة صارت جامدة
بس بعد ما غيرت الربل حقت المقصات حسيت ان الكفرات صارة مايلة
لذلك عملت لها وزن اذرعة بس ما احسها صارت مضبوطة 100 %
احس لما اسوق السيارة و اطلع خط احس أن السيارة مضغوظة وغير شكل
بالإضافة إلى أن السيارة تميل إلى جهة الراكب مع العلم أني عملت ترصيص للكفرات .
بس اللي قاهرني أن السيارة في جهة السواق ( الجهة اليسرى ) لما ألف الدركسون أحسه غير أحس حركت تميل على اليسار بسرعة بمعنى أحس ان الدراع مو مضبوط
والله تعبت مع العلم أن السيارة قبل ما اسوي المذكور أعلاه ما كانت كذه .
رحت للبنشري قال لي : يمكن يبي للسيارة سحب عشان الكفرات تصير مضبوظة
بس انا ما اصدق كلامهم لأنهم ما يبون يحطوا الخلل منهم .
أنا أنفك مع الوقت لانه ما حصلت له ضربة ولا شيء ومكانه من القطعة إلي ملحمة أنفك التلحم وبداء يطلع الصوت وأنت شيك في النهار على موترك من تحت ومن جو عند الميكينة يمكن يكون فيه شيء ماركب صح ولا مفتاح ناسية ونشب وبداء يطلع الصوت ولا تعتمد على المحلات أنت بنفسك شيك الموتر حتى تعرف من وين يطلع الصوت .... وبالتوفيق لك أخوي ...........
بصراحة كلامك ملخبط انت نفسك ما تدري ايش المشكلة الي تواجهها
ياخي روح الوكالة وسوي لها كشف 150 ريال وشوف التكلفة اذا ناسبت
توكل على الله واذا شفتها غاليه سويها برع بس تعرف ايش المشكلة
شيك ع العكس انا اقول منه
انا قد صارت معي وبالاخير طلعت من الكفرات. تأكد بان الكفرات مرصصه صح وتكون ماهي مصعرره. وعليك بالكفرات الجيدة, انا من يومها وانا ما استخدم إلا بريدجستون. بالتوفيق
نفس المشكله 2007
صوت قربعه اسمعه عند المرور في شوارع غير مستويه بس انجنيييت مره اسمعه وراء يمين السياره ومره في الكفر الامامي الايمن
وماعتقد انها مقصات او مساعد لان السياره راسيه وثابته في الخط وانا ماشي 140 ولافيها حذف او اهتزاز او صوت ابدا
حتى وانا واقف الدركسزن يمين ويسار ولافي صوت
أنا اليوم راح اغير شداد السير الخارجي ( شداد سير المكيف و الباور ) يقولوا الصوت منه
الله يعين أن شاء الله يروح هالصوت ويرتاح قلبي
هلا والله يا شباب
وأخيراً عرفت مشكلة الهزة و الخرشة اللي في السيارة بعد تعب وخسارة تفوق 1000 ريال
طبعاً رحت الورشة قالوا لي الشداد و بعضهم فلتر البنزين وبعضهم قالوا فلتر الهوى
طبعاً غيرت كل شي والهزة ما راحت .
لكن اليوم اكتشفت السالفة كلها
موضوع الهزة وسالفتها تكلفتها ( 7 ريال ) الله العظيم
تعرفوا شنهي السالفة رحت الورشة وشرحت لها الموضوع قال لي افتح الكبوت وطبعاً فتحته وقال لي اللحين تسمع صوت الهزة قلت له لا
تعرفوا شنهي المشكلة ( المشكلة ياشباب هي ربلة العمود اللي يمسك الكبوت مكسورة ) غيرتها وصارت السيارة 100%
ضوابط المشاركة
رد مع اقتباس
مواقع النشر (المفضلة)