صوت الدقه في الريوس..

**الصامت** · 14-11-2009, 05:04 PM

السلام عليكم و رحمة الله وبركاته..
أخباركم ..
بخصوص الصؤت أثناء ماتحط الوضعيه (القير) في الريوس r يمكن مر عليكم الصوت واحد من الشباب الله يعطيه العافيه قالي طريقه بإذن الله ماراح تسمع الصوت
وهي لما تكون السياره في p والجلنط مسحوب وتبغى ترجع ريوس تحط السياره في n وتفك الجلنط وتحطها في r والله أعلم
قلت لازم اعطي اخواني في منتدانا الحبيب خبر انا ماني ميكانيكي ولا عندي ذيك الخلفيه في السيارات يعني ليش ماادري واتمنى من أصحاب الخبره أذا كانت هاذي الطريقه الصح الرد على الموضوع مع ذكر السبب؟؟..
واتمنى أني أفدكم..
وتحياتي للجميع..

**مجوووودي** · 14-11-2009, 05:08 PM

والله حتى واحد من الشباب .. قال لي حط القير على الـn بعدين فك الجلنط ..

في كل الحالتين يتمشي قدام او تدق ريوس ..

قلت له ليش .. قال عشان مايكون الضغط على القير ..

هذا اللي اقدر افيدك فيه بس ..

**meshoo** · 14-11-2009, 05:14 PM

شكلك توقف في طلعه دائما !

الحل انك لاتوقف في طلعه واذا اضطريت لاتهمل الجلنط خله مشدود عشان مايكون كل الثقل على القير وارجع ريوس عادي حط القير في r بعدين فك الجلنط

**King** · 14-11-2009, 05:14 PM

الصوت هذا طبيعي جدا ً

وهو عبارة عن تأمين القير عند التحريك للـ D او للـ R

وإذا ودك تتأكد زيادة روح الوكالة واسئلهم وشوف وش يقولون لك

بخصوص طريقة إستخدام قير الأوتوماتيك بالشكل الصحيح :

شغل السيارة اضغط فرامل وحطه على الـ N نزل الجلنط همن عشق للـ D اصبر إلى بعد طقه القير إلي نسمعها عادة

إذا وقفت وطولت يفضل انك تحطه على الـ N عشان تريح الماكينة والقير ( يفضل )

إذا جيت توقف السيارة وتطفيها حطه على الـ N اسحب جلنط اترك رجلك عن الفرامل همن بحركة سريعة تحطه على الـ P

* اتمنى تكون الفكرة وصلت