كيف أستخدم القير

**أبو زيــاد** · 30-06-2009, 07:47 PM

السلام عليكم ورحمة الله وبركاته:
أخباركم ياشباب
إن شاء الله طيبين
فقط حبيت أستفسر عن طريقة إستخدام القير الأتوماتيك في الهوندا
يعني عن طريقة إستخدام d3,d2,d1
يعني مثلا لما أكون في طلعة طويلة مثل الخطوط إللي في الجنوب
هل من الضروري إني أوقف تماما وأعشق السيارة أو أعشق السيارة بدون توقف وبدون
ما أضغط على الفرامل
وكذلك في النزول
يعني بصراحة ماني فاهم الشغلة مع القير الأتوماتيك
ياليت أحد يفيدني
وشكرا

**B Useful** · 30-06-2009, 08:06 PM

^^ يا كبتن .. خل الوسوسة عنك وخل كلام الناس ^^

يعني بالعقل ..

انت في نزلة واحتجت تهدي اسيارة وحسيت الفرامل ما عطتك الاداء المطلوب .. كيف بتوقف وتحطة D3 ثم ترجع تكمل حفلتك ؟؟

ولا انت في طلعة جامدة وتحس عزم السيارة ميت تبي توقف في نص الطلعة عشان تضغط فرامل وتحطة D2 ثم تكمل الطلعة ؟؟؟

معليش بس الواحد يفكر بعقلة ولا بمخة ولا براسة ولا بأي شي ثاني قبل ما يكتب .

استخدم القير بشكل عادي وطبيعي ،، متى ما احتجت تنزلة الى D3 او اقل استخدمة ...

ولا مانع من قراءة دليل المستخدم فية تفاصيل عن هالشغلة وعن السرعات المناسبة لكل D << مدري وش اسمة في القير .

**أبو زيــاد** · 30-06-2009, 08:50 PM

أشكرك يا كوكو
بس وش فيك زعلان
هدي أعصابك
أنا متعود على قير عادي
وفجأة طبيت على القير الأوتوماتيك
ومرة ثانية شكرا لك ياكوكو يازعلان

**Serendipity** · 01-07-2009, 02:26 AM

اصلا ماعليك خليها على d وتوكل على الله الهوندا ماشاء الله قويه وماعليك من طلعه ونزله اصلا الموتر راح يرجع نمر اتوماتيك اذا عطيته دعسه وانت راقي. والنمر الثانيه d1 و d2 انا استخدمها في البر مثلا رمل خفيف مطينه علشان مايسرع الموتر.

**B Useful** · 01-07-2009, 03:40 AM

المعذرة عزيزي ابو زياد ، ابشرك اني في قمة البرود في ردي السابق ،، ;)

هل من الضروري إني أوقف تماما وأعشق السيارة أو أعشق السيارة بدون توقف وبدون

معليش بس الواحد يفكر بعقلة ولا بمخة ولا براسة ولا بأي شي ثاني قبل ما يكتب .

اعيد واكرر ، راجع دليل المستخدم والجميع ايضاً ..

تعرف وش السرعة الاقصى للـ d1
وش السرعة القصوى للـ d2
وهكذا للبقية ،،،
وغير بينهم في حدود السرعة المسموح فيها بدون اي مشاكل ...