حيا الله الشباب..
على فكرة أنا عندي أكورد 2009 V6 فل.. وخذتها من الفطيــم اللي يسمونه عندنا في الإمارات بـ((ملك الطواغيت))..وبعض المناطق بـ((الجشع المستطير))..والبعض يطلقون عليه ((امبراطور الشـــر))
شريت السيارة بـ 119000 ومن دون أي عرض سوى عقد الصيانة المجانية حتى 20,000 كم اللي ما تكلف كلها بجلها الـ 2000درهم.ودفعت نصف المبلع تقريباً كـــاش والباقي 50000درهم أقساط راح أرتاح منها بإذن الله الواحد الأحد بحلول 2010م..
للعلم أن عندنا بالإمارات تأمين السيارة وتسجيلها كله على المشتري..وسعر السيارة غير قابل لأي تفاوض! ((يشهد الله تعالى على كلامي..والسعر مثل ما هو حتى الآن منذ أن نزلت عندنا الـ 2009- موديل 2008 سته فل كانت بــ 116000درهم)):confused:
على الأقل عند إخواننا بالمملكة السيارة تنباع بـ 115000 ويمكن فيه خصم وعروض ترزى..;)
أقول الحمد لله السيارة تمام وأنا - بصريح العبارة - أول مرة أجــرب الهـــــــــوندا (قبل جربت الكرولا ثم المرسيدس e ثم الانفنيني سيدان ثم الكامري ثم الجيب .. لكن بالنسبة للـ هـــونداكــــوردا - ((منطقياً وفعلاً)) أبد ثم أبد ما تســــــــوى لا 119ألف ولا 115 ولا حتى 105 بما أنها لا تحتوي على نظام ملاحي ولا هي بتلك المواصفات التي تؤهلها لأن تصل لسعرها الحالي.:eek:
وأنا والله إني شريتها لأني حبيتها السيارة وأدري أنها م تسوى سعرها (( ش أسوي الحب أعمى مثل ما يقولون .. :d)).. والحمد لله عاجبتني ومرتاح لها أكثر من الانفنيتي والمرسيدس وغيرهم ((طبعاً اللي أنا استعملتهم، يمكن لأاني كنت شاريهم مستعملات)) ..
ملاحظه:
..أكيد - من ضرب المستحيل - أن نقارن الأكورد الحالية فل سته ، بال BMW أو المرسيدس أو اللكزس بعد ، حيث أن تلك السيارات تفوق الهوندا بمراحل عدة وعديدة..