السلام عليكم اخواني
انا صارتلي مشكله عويصه وتبهذلت .....
عاد تخبرون الا المكيف الواحد يمشي بدون رفرف بدون كبوت :d يمشي الحال لاكن بدون مكيف وفي الرياض الساعه 2 الظهر ومراتب جلد ؟؟؟؟؟؟ مشكله
المهم 
قدر الله علي وطفى المكيف وبدون اي مقدمات وبصراحه شي يحير
رحت للورشه ماعرف السبب 
قال يمكن يكون من الرصاص حق المكيف ....طبعا المكيف الي عندي حق الفل 4 سلندر لمس ...
قال احتمال يكون فيه خلل 
طبعا قبل كذا تم فحص المراوح الداخليه للمكيف وايضا الكرومبسر والفريون وكلها سليمه !!
وفي الاخير وبعد محاولات وبعد مافكيت المسجل ورحت عند حق الالكترونيات وشيك عليه وقال مافيه شي ثبت انه مو من المفتاح حق المكيف .......
انا يأست قلت مالها الا رجالها {الوكاله}:d
وانا في الطريق تذكرت ورشه تخصص هوندا قلت خلني امر عليهم وفعلا مريت عليهم وعرضت المشكله عليهم وفي خمس دقايق جابولي الخبر اليقين 
صار من الكتاوت الي تحت الدرج المشكله انا ماصورته :o
المهم مو هذا الاكتشاف ;)
الاكتشاف هو شي ثاني الكتاوت هذا قيمته بالوكاله تقريبا 300 ريال ...
طبعا سكرو المحلات الظهر قلت خلني اروح البيت اريح والعصر بشتري واحد واركبه ..
وانا جالس في البيت والكتاوت جمبي جتني فكره قلت مدام الكتاوت هذا بيتغير وهو خربان ليش ما اتعبث فيه وافتحه 
وفعلا تم فتح الكتاوت ولقيته يحتوي على شريحه الكترونيه
قلت ليش ما اوديه حق الاكترونيات واجرب يمكن يقدر يصلحه ؟؟؟؟
وفعلا وديته للمحل وصلحه
وله الان معي شغال شهرين زي الحلاوه وغير كذا انو شد البلد يعني مابعد انفك وبكذا اكون وفرت على نفسي مبلغ كبير {{طبعا راعي محل الالكترونيات خذ علي 15 ريال}}
اسف ع الاطاله بس اتمنى اكون افدت واي استفسار عن الموضوع انا حاظر
رد مع اقتباس
مواقع النشر (المفضلة)