اكورد 2007 .. همـمـمـ .. والله محيرتنـي الجنـوط
الـســلامـ عــلــيــكم
والله الجنـوط شغلتنـا
انا معي اكورد 2007 .. سياحي ..
ابيلها جنوط .. رساوه + شكل
والله ادري مواضيع كثيره عن الجنوط ..
حاولت ادخل اشوف وش مشاكل هذي وش عيوبها وكم سعرها ..وجع رآآس ..
"" احسكم تقولون ذا عجآز :d "" .. لا والله بس انا في بالي جنوط والحيرة اوجعت راسي
يعني يمكن افتح موضوع اعرف وش اخذ واطلع منه ..
السالفه :: اني انا نويت جنوط 17 آو 18 ..
حلو
حطيت فـ بالي جنوط هوندا 2008 .. يعني شكل حلو على بيطلع على موتري ..
وواحد من الشباب يقولي انها تركب ومضبوطه على 2007 افضل شي لهآ << ياليت تعلقون على كلامه كانه صحيح او غلط
وابي جنوط لي ولزمن + شكل + ما تكلف + قوية ولا تخرب السيارة
وخصوصاً اني ساكن بالرياض فـ حي الياسمين "جنب الصحافه"
وياعلينا شوارع تعجبك كل يوم حفرة جديده والا طلعات ونزلات .. ملاااهي ..
فـ جنوط 17 ممكن تناسب اكثر من الي ابيه
رحت الغرابي وكلهآ جنوط صينيه وشفت جنوط 2007 مقاس 16 .. بـ الجنط بـ 300 ريال ..
وجنوط الـ 2008 مقاس 17 بـ 330 ريال .. ""ميب شينه حطيتها في بالي""
بس المشكله كلمه " صينيه " ..
ماحد يمدحها ابد وكلامهم : ما يصلح عليها سرعه وترج بالكفر وتتكسر من مطب قوي والا حفرة والا من الحرارة ".. هذا الكلام يضيق الصدر خلاني ابعد عن الصيني ولو انه رخيص مرة ..
فكرت اشتري جنوط اصليه من الوكاله ..
ماسآلت عن السعر بس الوكاله معروف انها غاليه :( يعني اتوقع الجنوط الآربعه توصل 5 آلاف وفوق " والي عنده السعر يحطه "
رحت لوكاله هوندا قالولي بخريص عندهم اكسسوارات هوندا اسآل عنها ما تجي غاليه ..
"" ياليت الي عنده خلفيه عن الاكسسوارات فـ وكاله هوندا والآسعار اهم شي ""
بروح اسآلهم بس حبيت اخذ خلفيه قبل ..
"" قالولي الاكسسوارات تختلف عن الآصليه ""
آسف على الآطاله ياشباب .. بس ياليت اي واحد يفيدني ..
ودي بجنوط هالشهر كفرآتي رااايحه فيهآ :p
رآيكم يهمني .. اشتري جنوط سيارتي الآصليه آو جنوط اكورد 2008 الفل من الوكاله ؟؟
والا اخذ الصينيه ؟؟ << ما اضن :(
والا فيه جنوط ممكن تكون متوسطه السعر و تكون مثل حقت الوكاله .. آو ممكن اردى شوي :d
بليز " ياليت الي يفيدني من تجربه آو عنده معلومه اكيده ..
عيوب آو مشاكل آو اشياء ضروريه مع الجنوط
للآسف مالي خبره بهالمجال كثير .. لكن منكم نتعلم
طبعا ياليت تكون الردود على جنوط هوندا بالوكاله آو اي محلات ثانيه .. اهم شي الجنوط تكون تركب وماعليها اي مشاكل
نصيحه لك
أشتري جنوط الوكالة وياريت تكون أصلية , هذا موضوع راح يفيدك بالتعرف على الأصلي والتجاري
طبعا ً شكل جنوط الوكالة صراحه جميل وماينمل منه مثل باقي الجنوط !
ركبه وانبسط وأفضل للسيارة ولك , بعدها بفتره اشتري جنوط من نوع ثاني وركبها وفلها بعد ماتمل منها بيعها وارجع على جنوط الوكالة
تصير ضربت عصفورين بحجر واحد
:(
خذ حق 2008 اسبيشل فيه اعضاااااااااااء واجد عارضينها في الموقع > اصلية
ولا ركب الاصلية حقت 2007
والله نصيحتي لك انك تاخذ حقت 2008 تراهاا رووووووووووووووعة مررررررررررررررررررررررة لابعدددددددد حددددددددد خخخخخخ
جنوط الفل حقت الـ 2007 لا يعلى عليها الاصليه
ممكن تحصلها على 2200 ريال اصليه من الغرابي
الـ 2008 حلوه بس فيها عيب اللي هو المطب اقسى بحكم الدعسه اقل
غير كذا كفراتها غاليه جدا (كفر التورنزا لجنط 16 = 500 ريال .. جنط 17 = 850 ريال او اكثر)
* ابعد عن الصيني لو تخليها على طيس الوكاله
..
....
الله يعطيكم العافيه .. King , Y.k.A . mr. brhoome , المسافر
اما الكفرات يا المسافر والله من جد غآليه ..
ان شاء الله امرها سهل .. كفرآت هانكوك قويه ورخيصه .... والمقاسات ان شاء الله موجوده
فكرت والله بجنوط الفل كامل لـ 2007 .. ميب شينه حطيتها في بالي وواحد من الشباب في المنتدى عارض لي طقم جنوط عنده
وجنوط 2008 الفل كامل .. هي تركب على هوندتي 2007 .. بس في احد جربهآ ؟؟ او تعرف اي واحد معهـ وش ايجابياتها وسلبياتها .. بس تكفون غير الصيني هذا ما هضمته ابد :p
وياليت إذا ماعليكم امر عطوني فكرة عامه عن الجنوط المستعمله .. (( والحيل الي تستخدم فيها )) ممكن يلعبون علي فيها
والي عنده اسعار الجنوط فالوكاله يحطها .. يوفر علي مشوار يوم السبت للوكاله الي بطريق خريص :o
انا شفت بالاغرابي جنوط يابانيه بس مهيب هوندا بــ1100 والصينيه 900 والاصليه مستعمله بــ2400
الجنوط الاصليه بالوكاله بـ 1550 ريال للواحد
بالغرابي الطقم نظيف تلقاه على 2200 ريال
..
....
^^^^^
آوووف والله ما يمزحون الوكاله 4 جنوط اجل بـ 6200
ويالمسافر وslaitr .. الله يعطيكم العافيه على الردود والإفاده ..
والله بسير على الغرابي ادور لي جنوط مستعمله .. الف الف شكر لكل من رد وافادني
ضوابط المشاركة
رد مع اقتباس
مواقع النشر (المفضلة)