معاناتي معا سائل رش وأمش بالسفر...

**بوسالم** · 08-07-2009, 01:47 AM

السلام عليكم
ماراح أطول السالفه بسرد لكم ايش صار وقت ماقلت مالك الا رش وامش

انعدمت الواجهه :

1 - راحت لمعه الصدام
2 - راحت لمعه الشبك والنيكل المحيط والشعار ايضا
3 - صارت الكشافات باهته و جزء من الأنوار
4 - صار بالزجاج الامامي مثل الحبيبات من الرمل
5 - اسطبات اللي بالمرايه ماسلمت

هذه وقت ماوصلت كشفتها والباقي الله العالم

فحبيت اعلمكم بالمعانه من أجل الفايده وتفيدوني في نفس الوقت عن حل لي هالمشكلة

بأنتظاركم

**الهنادي راس مــالــي** · 08-07-2009, 01:54 AM

والله إني داري انه هو السبب في ترميل وجهية سيارتي ....

انا حطيت هذا إلي اسمه رش وامش << ومشيت عليه ٤٠٠ كم وبعد ماوصلت احس ان سيارتي مو هي سيارتي الحقيقيه احس انها سيارة اجااااااااااااااااااااااااااااااار :o ،،،،

اقول الله يخلي برقع الوكالة ،، وان كثرت فيري ع السريع ،،،

**بوسالم** · 08-07-2009, 01:58 AM

المشاركة الأصلية كتبت بواسطة الهنادي راس مــالــي

والله إني داري انه هو السبب في ترميل وجهية سيارتي ....

انا حطيت هذا إلي اسمه رش وامش << ومشيت عليه ٤٠٠ كم وبعد ماوصلت احس ان سيارتي مو هي سيارتي الحقيقيه احس انها سيارة اجااااااااااااااااااااااااااااااار :o ،،،،

اقول الله يخلي برقع الوكالة ،، وان كثرت فيري ع السريع ،،،

هلا أخويه الهنادي

شكرا ع المشاركه وفعلا مالك الا البرقع بلا رش بلا خرابيط

دام السالفه ع نظام الأجار برد أبوها ع الوكاله وندور لنا غيرها :(

**Y.k.A** · 08-07-2009, 02:05 AM

60 رياااااااال >> ولله لو فية خير ماااااااااخلوه بهذا السعر

**meshoo** · 08-07-2009, 02:08 AM

والله انا بغيت اشتريه واحطه على سيارتي

بس بكنسل الفكره دام الشغله كذا

ماقلت لي اخوي اي نوع رش وامش حق كار كير الاحمر والاسود ؟

**ن ع ر السعودية 0005** · 08-07-2009, 03:26 AM

والله أنا حاط منه الأسبوع إلي طاف لاني رحت جدة ورجعت هذا الأسبوع يعني له أسبوعين تقريبا على الموتر لكن بغسل موتري بكرى ونشوف هل له أثر ولا لا ومع العلم أن وجهيت موتري ما أشوفة متأثر إلا بشيء خفيف يمكن مع الغسيل تروح ولا تلمع بسيط وينتهي الوضع بس شكلك ما وزعت السائل زين أو أنك حاط بس شوي على الموتر المفروض واللازم تكثر وتوزع السائل على وجه الموتر كامل .....

**R 7 a l** · 09-07-2009, 12:24 AM

اثره مضر

وابعد عن الشر وغنيله

**بوسالم** · 09-07-2009, 02:31 AM

Y.k.A

مشكور ع مرورك

ميشو
ايه لون السائل احمر والغلاف اسود
ومشكور ع مرورك

ن ع ر السعوديه
وزعنا ودبلنا الطبقات حتىا العلبه غلقت ولكن تقدر والقدر مكتوب

ومشكور ع مرورك اخويه

الرحال
صدقت
ومشكور ع مرورك

**بوعزوزL** · 09-07-2009, 02:42 AM

الله يخلي البرقع

**سعودي ستايل** · 09-07-2009, 05:16 AM

سؤال !!!!!!!
كم تمشي بالله ؟؟؟؟

**ذكرى الجراح** · 09-07-2009, 10:42 AM

رح لمعها بالصاروووخ
في كيلو 2 بـ 30 ريال

**محمد بن عبد العزيز** · 09-07-2009, 04:33 PM

انا جربت رش وامش مسيره ومعي كم عضو

الخطه .. الرياض - جده- مكه- ينبع - الفقره - المدينة المنوره - القصيم - الرياض

اسبوعين وماشفت شي

واعلى سرعة مشيتها 210

و وخمسة اشخاص راكبين بالسياره

يمكن الي يشتكي منه ماعرف يحطه زينه او ماحط يعني استخدم شي بسيط

وهذي مب دعاية له ..بس انا ماشتكيت منه .. وحاليا اسافر وماحط شي ع الوجهيه والحمد الله ماصار شي
واذا على الصدامات تراك بالرياض واكيد ان الصدامات راح تنرش >>من كثر مارشها

**يامطنش** · 09-07-2009, 08:31 PM

شوف هو مهو منج خارق هو يحمي بس خفيف

على سرعات عاديه

يحبيبي والله من قوت العج مره على خط الشرقيه البرقع تنتف الجلد الي برى وطلع القطن

وش عاد رش وامش هو يحمي بس على الاشياء الخفيفه مو عاصفه رمليه

**اابوسعود** · 10-07-2009, 07:26 AM

الله يهديك .. لا تحط هالرشه اللي تعدم اوووم البوووية ..

ياخي احسن لك فصل برقع بـــ 300 الى 350 ريال من الغرابي ان كانك من سكان الرياض وريح عمرك ..

كل ما جيت تسافر ركب وامش .. انا مسوي ذا النظام من زمااااااان والحمد لله مرتاااح لا رشه ولا بطاطس ...

وعلى فكره تركيب البرقع سهل مره مايحتاج تروح محل يركبه لك ...

**بوسالم** · 10-07-2009, 01:31 PM

بو عزوزـا
أشكرك ع مرورك

سعودي ستايل
مشيت كل السرعات مابين 210 و 170 :(
تعرف خط السفر ملل
ومشكور ع مرورك

ذكرى الجراح
تم التلميع ولكن لن ولن ترجع زي ماكانت

ومشكور ع طلتك

**ملك مملكة جدة** · 10-07-2009, 01:35 PM

يا استاذي

كم طبقة رشيت ؟

صاحبي طلع من جدة الين ينبع و رش طبقة واحده فقط .. لان الطريقة قصير

لكن واحد ثاني رش المنتج على واجهت السيارة الين خلص .. و لما وصل على الرياض شال الطبقة الي على الواجهه و كل شي رجع زي ما كان

سلام

**ملك مملكة جدة** · 10-07-2009, 01:39 PM

المشاركة الأصلية كتبت بواسطة محمد بن عبد العزيز

انا جربت رش وامش مسيره ومعي كم عضو

الخطه .. الرياض - جده- مكه- ينبع - الفقره - المدينة المنوره - القصيم - الرياض

اسبوعين وماشفت شي

واعلى سرعة مشيتها 210

و وخمسة اشخاص راكبين بالسياره

يمكن الي يشتكي منه ماعرف يحطه زينه او ماحط يعني استخدم شي بسيط

وهذي مب دعاية له ..بس انا ماشتكيت منه .. وحاليا اسافر وماحط شي ع الوجهيه والحمد الله ماصار شي

واذا على الصدامات تراك بالرياض واكيد ان الصدامات راح تنرش >>من كثر مارشها

الجواب الاليم

**بوسالم** · 10-07-2009, 01:44 PM

المشاركة الأصلية كتبت بواسطة محمد بن عبد العزيز

انا جربت رش وامش مسيره ومعي كم عضو

الخطه .. الرياض - جده- مكه- ينبع - الفقره - المدينة المنوره - القصيم - الرياض

اسبوعين وماشفت شي

واعلى سرعة مشيتها 210

و وخمسة اشخاص راكبين بالسياره

يمكن الي يشتكي منه ماعرف يحطه زينه او ماحط يعني استخدم شي بسيط

وهذي مب دعاية له ..بس انا ماشتكيت منه .. وحاليا اسافر وماحط شي ع الوجهيه والحمد الله ماصار شي

واذا على الصدامات تراك بالرياض واكيد ان الصدامات راح تنرش >>من كثر مارشها

هلا أخويه محمد
أعذرني لو ع سرعتك هذه والطريق غبار وربي لا عاد تحصل لا تغبيره ولا رش وأمش ولا حتىا برقع بيتقطع تقطيع

أسأل مجرب :d

وربي اني غلقت العلبه من كثر ما اسوي طبقات اقولك تقشرت من الغبار

سؤال اخويه محمد دامك مخاوي السفر بسألك الزجاج الامامي كيف معك ما تتأثر بالسفر معا السرعه والغبار ؟

ومشكور ع مرورك أخويه

**xxxsalhxxx** · 10-07-2009, 01:47 PM

طيب ما احد جرب حماية الوجهيه بالتغليفه اللي عند درايف سفن وهالمحلات

**الـمـسـافـر** · 10-07-2009, 01:48 PM

واذا على الصدامات تراك بالرياض واكيد ان الصدامات راح تنرش >>من كثر مارشها

هذي زبده الموضوع اللي ما عليها خلاف

وبالنسبه للزجاج الامامي تظليله خفيفه وريح بالك

**بوسالم** · 10-07-2009, 02:09 PM

يامطنش
وابو سعود
وملك مملكه جده

مشكورين ع مروركم

واشكر كل مداخله وكل مشاركه بالموضوع
وكان ودي قبل ما ادخل السياره التلميع والمعها كان شلت لها صوره وابرهن لكم بالصوره

بس بعد التلميع
الصدام رجعت ملامح حلاته
اوما بالنسبه للشبك معا النيكل المحيط بالشبك والشعار مازال وسيظل لمعته مختفيه وصار باهت

وملاحظه ايضا جربت احط السائل ع الكشافات ولكن ماسوىا شي فيها

واللي يبغىا يجرب السائل يجربه ع خط الساحل من جده لـ الليث بس 180 كيلو ويعطينا النتائج

انا طلعت في العصريه وقت الغبار وذلك الضروره اجبرتني وللضروره احكام فعشان كذا كنت بوسط الغبار وقلت مالك الا رش وأمش

وتحياتي

**SAND** · 11-07-2009, 06:01 AM

ماحصل لي مشكله معاه
ولله الحمد

**محمد بن عبد العزيز** · 11-07-2009, 03:15 PM

المشاركة الأصلية كتبت بواسطة بوسالم

هلا أخويه محمد
أعذرني لو ع سرعتك هذه والطريق غبار وربي لا عاد تحصل لا تغبيره ولا رش وأمش ولا حتىا برقع بيتقطع تقطيع

أسأل مجرب :d

وربي اني غلقت العلبه من كثر ما اسوي طبقات اقولك تقشرت من الغبار

سؤال اخويه محمد دامك مخاوي السفر بسألك الزجاج الامامي كيف معك ما تتأثر بالسفر معا السرعه والغبار ؟

ومشكور ع مرورك أخويه

هلا بك
اذا على السرعه مب كل الطريق بامشي بهالسرعه ولازم تراعي عوامل الجو ماله داعي تمشي بسرعه عاليه بالعج وتاكل هوا وتحط اللوم علي :d

والله ياصاحبي انا مضلل السياره كامله حتى الزجاج الامامي

انا من النوع الي اي وقت امشي الساعه2 الظهر او 2 بالليل او بالصباح او اي وقت مب الوقت يحكمني >>خرباااااان هالادامي

واللي بالطريق انت ماتدري وش بيصير عج او عواصف رمليه ..

ضلل الزجاج الامامي لو بزيرو زيرو اخف شي وامش بالخط على راحتك

مره كنت رايح للشرقيه وحطيت رش وامش ولما وصلت هناك شلته بدون ماء يعني كانك تشيل طبقه بلاستيكيه

>>من كثر مارشيت عليها

بس الان تحط المنتج بطريقه كويس تستعمل فرشه البويه اما الاسفنجه تكسب المادة الي ترشها وبكذا ماراح تستفيد بقدر ماحطيت

واذا على البرقع اشتر لك البرقع الاصلي من النت وافضل لك من التفصيل

كثيرين يواجهون مشاكل من البرقع الي مفصلينه
وفيه ناس ماشتكو منه

كلن على ممشاه بالخط

**ابن السلمان** · 11-07-2009, 11:35 PM

سلام شباب
تبون نصيحه مجرب وراعي خطوط بلا رش وامش بلا برقع اصلي وتفصيل

ما إلك إلا ( قنينية فيري ) عطية الله ;)وأول ماتوصل اغسله وانتهى الموضوع وبالنسبة للشمعات حط تجليده شفاف من النوع الفاخر يعني صناعة انجليزي وقصها على حد الشمعات كأنك تظللها ولاتنسى الكشافات والشغله هاذي ماراح تكلفك إلا 15 ريال فقط بس أهم شيئ أن يكون شغل التجليده على الشمعات شغل نظيف

يعني قصها على حدها بالضبط..
وراح تدعون لي على هالطريقة

تحياتي وتقديري ،،،،،،

**ابو ظافر الشهري** · 12-07-2009, 12:04 AM

^^^^^^^^^^^^^

انا عن تجربتي في الفيري حطيته على الوجهيه ومشيت فيه 1200كلم متر تقريبا وبقى اسبوع

بعدين غسلت السياره حصلت البويه مخضره شوي قلت مافي مشكله يمكن الغسيل مو ممتاز

فغسلت مره ثانيه ولا فاد اضطريت ارش الوجه بويه جديده

ام التغبيره تشيل اللمعه