الموضوع: اللي راح لفحص المكيف المجاني بالوكالة

يفحصون المكيف بشكل كامل ويطلعون لك العطل بالضبط وينه

يقيسون ضغط الكمبروسور وبعد يتاكدون من نظافة الثلاجة والفلتر وايضا يشوفون الشبك الامامي وقوة دوران المروحة الدافعة وايضا المراوح الخارجية اللي عند الرديتر هل تشتغل ولا لا


العام الماضي اخذت السيفيك حق اخوي ووديتها وطلع ان الثلاجة وسخانة وان الكمبروسور ضعيف ضغطه


يعني يطلعون العيوب بالتفصيل

انا رحت وانلطعت ساعتين ونص هذا ويقالي رايح لهم بدري الساعه 7,15 وانا مسنتر عندهم على مجرد فحص

بصراحه تندمت ههههه

اذا كانت عندك مشكله بنظام التكييف فأنصحك تروح عشان عندهم تخفيض على قطع الغيار

اما اذا كانت سيارتك سليمه والتكييف عال العال فخلك بدوامك ازين لك

الف شكر أخوي على سرعة ردك بس ماتعرف كم تاخذ الشغلة من وقت يعني تسلمهم السيارة وتجيهم بعد كم ؟؟؟؟

المشاركة الأصلية كتبت بواسطة أبو سليمان

انا رحت وانلطعت ساعتين ونص هذا ويقالي رايح لهم بدري الساعه 7,15 وانا مسنتر عندهم على مجرد فحص

بصراحه تندمت ههههه

اذا كانت عندك مشكله بنظام التكييف فأنصحك تروح عشان عندهم تخفيض على قطع الغيار

اما اذا كانت سيارتك سليمه والتكييف عال العال فخلك بدوامك ازين لك

يعطيك العافيه أخوي
بس والله نكبه يعني لازم أروح مكيفي يطلع ذاك الصوت اللي خبركم طوووووووووط

اخوي اذا انت في الرياض روح لفرع الخالدية

تراه ما احد يدري عنه وما فيه زحمة لان اغلب الناس يروحون فرع المروج وخريص


انت روح الخالدية لاني وديت الاكورد حقتي هناك نص ساعة وخلصوها وطلعوا برنت كامل فيها

المشاركة الأصلية كتبت بواسطة بلال العلمي

اخوي اذا انت في الرياض روح لفرع الخالدية

تراه ما احد يدري عنه وما فيه زحمة لان اغلب الناس يروحون فرع المروج وخريص


انت روح الخالدية لاني وديت الاكورد حقتي هناك نص ساعة وخلصوها وطلعوا برنت كامل فيها

مع اني كذا مره رحت لفرع الخالدية أوقات الصيانة ويصرفني مهندسهم ذاك الـ ...... بس عشانك بروح هالمره أجرب حظي ... ثانكس

المشاركة الأصلية كتبت بواسطة accord06

مع اني كذا مره رحت لفرع الخالدية أوقات الصيانة ويصرفني مهندسهم ذاك الـ ...... بس عشانك بروح هالمره أجرب حظي ... ثانكس

اذا على المصري اللي كان فيه فهو راح جا بداله هندي وعلى طول يستقبل السيارة

فقط تنظيف فلتر مكيف واعتقد انه سهل تنظيفه اما الشغل الباقي مجرد دخل سيارتك وتعال خذها من البوابةبس لااكثر والله ماعندهم الا الدجة

انا عندي مشكلة في التكييف ونزلت موضوع عن المشكلة تصدق رحت للصيانة فرع خريص عشان فحص التكييف
دخلت الصيانة الساعة 7 الصباح ودخلوا سيارتي للكشف الساعة 10 مع انه مافيه قدامي الا سيارتيين في كشف التكييف
المهم جلست اراقبهم وش يسون
لمى دخلوا السيارة وقفها وفتح الكبوت وساب التكييف شغال وراح تقريبا عشر دقايق بعدين رجع وطلع فلتر الهواء اللي خلف الدرج ونظفه بهالهواء ورجع قفل الكبوت وطلع السيارة وقالوا لي كل شي تمام
قلت لمهندس الصيانة نادي الشخص اللي فحص سيارتي لمى وصل الرجال سألته وش سويت قال شيكت عليها كامل وكل شي تمام
قلت له طيب اذا انا جالس اتابعك من دخلت السيارة وانك سويت كذا وكذا ثم رحت للسيارة الفلانيه وتارك سيارتي تشتغل ولا سويت شي
صراحه قلب وجهه جلس يتاسف لي مهندس الصيانة حق الاستقبال وانه راح يدخلها مره ثانيه ويكشفون عليها ويتأكد هو بنفسه من الموضوع هالمرة دخلوها وشيك صح او هذا اللي يتهيأ لي لإني شفته شيك على الفريون وجاب جهاز معاه مدري ايش يسوي فيه
المهم انه في الاخير العطل اللي انا اساسا مدخلها عشانه ما صار شي ولا اكتشفوووه ابدا
انا حاليا انتظر اخذ لي اجازة عشان اعرف استقعد لهم لإنه من جد طفشت من الموضوع

اسف على الإطالة اخواني

المشاركة الأصلية كتبت بواسطة hu1981ss

انا عندي مشكلة في التكييف ونزلت موضوع عن المشكلة تصدق رحت للصيانة فرع خريص عشان فحص التكييف
دخلت الصيانة الساعة 7 الصباح ودخلوا سيارتي للكشف الساعة 10 مع انه مافيه قدامي الا سيارتيين في كشف التكييف
المهم جلست اراقبهم وش يسون
لمى دخلوا السيارة وقفها وفتح الكبوت وساب التكييف شغال وراح تقريبا عشر دقايق بعدين رجع وطلع فلتر الهواء اللي خلف الدرج ونظفه بهالهواء ورجع قفل الكبوت وطلع السيارة وقالوا لي كل شي تمام
قلت لمهندس الصيانة نادي الشخص اللي فحص سيارتي لمى وصل الرجال سألته وش سويت قال شيكت عليها كامل وكل شي تمام
قلت له طيب اذا انا جالس اتابعك من دخلت السيارة وانك سويت كذا وكذا ثم رحت للسيارة الفلانيه وتارك سيارتي تشتغل ولا سويت شي
صراحه قلب وجهه جلس يتاسف لي مهندس الصيانة حق الاستقبال وانه راح يدخلها مره ثانيه ويكشفون عليها ويتأكد هو بنفسه من الموضوع هالمرة دخلوها وشيك صح او هذا اللي يتهيأ لي لإني شفته شيك على الفريون وجاب جهاز معاه مدري ايش يسوي فيه
المهم انه في الاخير العطل اللي انا اساسا مدخلها عشانه ما صار شي ولا اكتشفوووه ابدا
انا حاليا انتظر اخذ لي اجازة عشان اعرف استقعد لهم لإنه من جد طفشت من الموضوع

اسف على الإطالة اخواني

أخوي أنا عارف ان هذا أسلوبهم وحتى مره بعد سويت صيانه وعطاني موظف التسليم المفتاح وقالي مع السلامة وأقوله طيب وش صار على المشاكل اللي قلتها للمهندس قالي دور عليه وأسأله و طبعا انلطعت ومالقيت أحد ورحت ولقيت نفس المشاكل ما انحلت ....الله يعين بس بروح السبت على الأقل أستفيد من خصم الـ20% لن خلاص الفحمات بدت تغرد ويبيلي بواجي وفلتر هوا وخرابيط ثانيه ....

المشاركة الأصلية كتبت بواسطة هيموالمسعودي

فقط تنظيف فلتر مكيف واعتقد انه سهل تنظيفه اما الشغل الباقي مجرد دخل سيارتك وتعال خذها من البوابةبس لااكثر والله ماعندهم الا الدجة

ينظفون فلتر المكيف

أنا حتى الفلتر شكلهم ما لمسوه :d

قبل امس فكيت الفلتر والقاه وسخ وكله ورق شجر

والله ما وراهم إلا الدجه شكلهم ما لمسوا سيارتي

حرام والله على الوقت اللي مسنتر فيه عندهم ومواصل كل الليل عشان هالفحص

حسبي الله عليهم
يمين بالله فشخ في فشخ