سرااااحا ياإخواني الاعزا بعد التفحيط والمطارده التي دامت يومين
في المنتدى بحثا عن معلومات كافيه عن الايبود حصلت مواضيع
بس للاسف ماتفتح معي ولا موضوع
لاكن لازم ياشباب تعلموني إيش مزايا الايبود وإش يشغل من صيغ وكيف طريقة تركيبه على الاكورد 2008
وكم يكون سعره
هلا وغلا أخوي سمو المشاعر ..
طبعا الايبود أنواع كثيرة ومثالا أنا عندي ايبود تتش .. والايبود جهاز يغنيك عن المسجل من وجهة نظري وتقدر تشبكه عندك عن طريق فتحة الــ aux الموجودة عندك في الدرج اللي بين الأسيات بس راح تحتاج وصلة aux وراح تلاقيها أظن في إكسترا ..
طبعا تحتاج برنامج إسمه اي تونز وتنزله عن طريق موقع ابل وتحتاج تنقل كل الصيغ مثلا الأغاني إلى إم بي ثري علشان تقدر تنقلها للايبود ..
هذي نبذة بسيطة عن الايبود وإذا إحتجت أي خدمة أنا حاضر ..
وليه التعب وصلة جوال وانتهى الموضوع وخزن اللي تبغاه في 8 قيقا وتستفيد سبيكر جوال والاستماع الى الاغاني بوضوح رائع
آيبود تاتش ( يجي 8 جيجا و 16 جيجا و 32 جيجا)
يبدأ سعره 8 جيجا بـ 800 و الـ 16 جيجا بـ 1380 ريال و الـ32 جيجا 1660 ريال و ما انصح فيه اذا كنت تبيه لـ سيارة لأن موجود عندي و استخدمته فترة في السيارة تحس يضيق الخلق من حجمه و يبي له عنايه شوي و الـخ
الأزرق: آيبود نانو الجيل الجديد يجي 8 جيجا و 16 جيجا
و الـ 8 جيجا بـ 640 ريال و الـ 16 جيجا بـ 840 ريال
و هذا لطيف جدا اذا كان لـ السيارة للأن صغير و خفيف و ينحط في كل مكان و احسن ما فيه انه مش ستيل من ورى
و اذا كنت تحتاج الى مساحة نوع ما كبيره خذ الـ 16 جيجا
وهذا أفضل شي لـ السيارة بالنسبة لي
الإثنين الآخيرين نانو الجيل القديم ( يجي 4 جيجا و 8 جيجا )
هذول حـليوين كمان و كنت استخدمه في الموتر الى اليوم لكن الحـين أفضل النانو الجديد عليهم
و اسعارهم 4 جيجا بـ 280 ريال و 8 جيجا بـ 350 ريال
^^
هذا السعر بالنسبة لآخر يوم رحت فيه آي ستايل فرع ماك في الخبر كانو هذول اسعارهم
و هذا آيبود كـلاسيك و يجي ( 60 جيجا و 80 جيجا و 160 جيجا )
و يبدا سعره من 800 لين 1400 ريال
و هذا اذا تحط فيه موسيقى و أفلام ما عنده ريوس :d
حط قال جيب
طبعا هذا احلا ما فيه ان مساحته تجي كبيره و يمديك تحط في افلام و فيديوهات الى آخره
و زين انه يكون في السيارة لكن حجمه يجيب الغثه :o
و تبقى عندك آيبود شيفت
هذا جهاز صغير مره و ما عندي خلفيه عـليه
و نوع ما يعتبر جيد
لكن مدري ليه ما يدخل مزاجي
اتمنى اني افدك ولو بقليل
^^
ايوه تقدر تركب فيه افلام وصوتيات وبرامج والعاب وووو كل شي يروق لك
والجهاز يجي انجليزي من الشركه بس تقريبا في برنامج حق التعريب
وانا اختلف مع اخي ابو الريش في هالنقطه :
يبدأ سعره 8 جيجا بـ 800 و الـ 16 جيجا بـ 1380 ريال و الـ32 جيجا 1660 ريال و ما انصح فيه اذا كنت تبيه لـ سيارة لأن موجود عندي و استخدمته فترة في السيارة تحس يضيق الخلق من حجمه و يبي له عنايه شوي و الـخ
بالعكس الجهاز ممتاز لأبعد الحدود واستخدامه حلوو سواء خارج السياره ام داخلها
تخيل معي مثلا كنت مودي الأهل السوق ( عاد تعرفهم اااااابد مايتأخرون ومايلطعووك بالساعات برى :p)
يمديك تستخدمه بأكثر من حاجه وانت تنتظرهم
- تشاهد
- تلعب
- تقرى
- تشبك ماسنجر تشيك ع الايميل وتستخدم النت( اذا كان فيه شبكة وايرلس متوفره )
غير ان فيه آلالاف البرامج مفيده تقدر تستخدمها
وانا عن نفسي بنتظر نزول الـ iphone 3g's هو نفس جهاز الـ Ipod Touch بالضبط وهذي صورة للجهازين جانب الى جانب
بس في فروقات داخليه
واهم ميزه في الايفون هي انك تقدر تستخدمه كـ جهاز جوال
وتقدر تستخدم النت في أي مكان بدون الحاجه لوجود شبكة وايرلس
معالجه الداخلي اسرع وافضل من معالج الـ Ipod touch
البطارية اقوى تدوم اكثر من الايبود توش
فيه كاميرة فيديو
يقبل الاوامر الصوتيه .. مثلا تقدر تقوله " اتصل على فلان " ويتصل عليه .. او تقوله شغل هالأنشوده من هالشريط ويقوم اوتوماتيك بتشغيلها,, او تقوله اسم القارئ الفلاني,, يجيب لك كل المقاطع الا بآسم هالقارئ ويشغلها
والاهم انو يقبل العربي رسمياً من شركة آبل
الجهاز بينزل عند موبايلي في بداية الشهر الجاي ان شاء الله
فـ اذا بتسمع بنصيحتي انتظر الجهاز لان مابقى عليه شي
واذا ماكانت تهمك المميزات الباقيه توكل على الله وخذ الايبود توش
سامحونا ع الاطاله
ولكم شكري وتحياتي
^ ^ ^ ^
مشكووووووووووووووور
يعطيكـ الف عافية
الله يوفقكم ياشباب والله المنتدى احسن منتدى
لاكن أبي اي واحد تختارونه لي ويكون حجمه كبير
والله انا اشتريت الايبود اللي مساحته 80 قيقا مستعمل سعره 500 ريال بس ماني عارف كيف انزل فيه الاغاني والافلام وماني عارف انزل برنامج اي تونز
ياليت تفيدونا ومشكور اخوي ابو الريش اعطاك تقرير كامل عن الايبود
آيبود الكلاسيك أحسن شيء للسيارة
إستخدامه مريح أثناء القيادة و يشيل أغاني كثيرة
لكن الآيبود إلي من جد فلة هو التاتش
العاب-أفلام-أغاني-برامج-إنترنت-يوتيوب...إلخ
خاصة آخر سوفت وير 3.0 صار الجهاز يدعم اللغة العربية
مواقع النشر (المفضلة)