جنوط لاكورد 2006

[Hawi Accord]

انا عندي اكورد 2006 4 سلندر ناقصها جنوط،
الشي اللي حاطه في بالي هو اني اركب عليها جنوطها شد بلد مقاس 16 حتى لو مستخدمة، بس هل لو حبيت اركب ماركة ثانية اصلية مثلا بمقاس اكبر كـ 17 راح ياثر على السيارة ولا ولا؟! واللي يهمني انها ما تتاثر باي شي.. أفيدوني وعطوني من خبراتكم...
واعذروني على الاطالة!

[الـمـسـافـر]

اول شي ممكن اعرف ليه حاط موضوعك مرتين بنفس القسم

ثانيا الجنوط ما فيها مشكله لو زدت مقاس واحد عن وكالتها من 16 الى 17

لكن يكون اصلي وسليم من الطعجات والضربات عشان الرجه

ثالثا ممكن يكون قومه السياره اقل وتزيد استهلاك الفرامل شوي

[Hawi Accord]

وهذا اللي مخليني اتردد ان فيها تأثير حتى ولو على القماشات
مشكور على الافادة

[لعيونها]

بما انك من الدمام انا رحت لاحد المحلات
ونصحني الهندي ما آخذ جنوط 2008 لأنها ثقيلة على السيارة مثل مايقول
لأن وزنها اثقل بكثير من وزن 2007 و 2009 والأفضل لك 2009
هذا كلامه لي .. حتى يقول اللي اخذ جنوط 2008 من قبل اغلبهم رجعوا باعوها
وبدلوها ب 2009 والسر في وزنها الثقيل على السيارة وعنده على ما أظن
جنوط مستعملة موديل 2008 .. واذا تبي اوصف لك المحل وصفته لك

تحيتي لك

[ملك مملكة جدة]

يا صاحبي جنوط الوكالة حتي في محلات الزينة ما جات 17 .. بس جات 16

و ما يأثر نهائيا على السيارة .. لانه كان على سيارتي جنط18" نيكل لمدة سنة و نص تقريبا و الحمد لله ما صار شي

بس انصحك تاخذ كفرات من نوعية ممتازة و تجنب الصيني لانه راح يسبب لك مشاكل مالها اول من اخر

و الجنوط ما تفرق ان كانت اصلية او تجاري كلها لا دخلت في رصيف ( لا سمح الله ) بتتكسر

سلام