Stop

**محمد الدويان** · 17-07-2009, 11:20 PM

شباب فيه انواع كثيرة للتلميع كفرات وجنوط بس المشهور منها stop وانا استعمله السؤال ؟
هل له تأثير سلبي على الكفر والجنط وهل فيه ملمع احسن منه ياليت احد ينورنا ودمتم بصحة وعافية .

**ACCORD06** · 18-07-2009, 01:12 AM

مرحبا أخوي ...
أعتقد انك تقصد step ماله تأثير ولا شي وأنا أستخدم ملمع كفرات من شركة meguiar's المعروفه أقوى بكثييييير من step ويرجع لك الكفرات جديده ويطول أكثر تلقاه بمحلات الزينه بـ35 ريال معاه الاسفنجه حقته بعد ما تغسل السياره خل الهندي يمسح المويه من على الكفر وبالأسفنجه الجديده ( انتبه يمسح لك بالاسفنجه الوسخة حقت المحل ) خله يحطه على الكفر ولا تمشي على طول اصبر 5 دقايق وحرك وراح تدعي لي وتراه جل مهب بخاخ على شان كذا أقوى

**ملك مملكة جدة** · 18-07-2009, 07:57 PM

فيه ملمع مقواير يجي بالتوت .. مره ممتاز و يعطيك لمعة بالاسبوع

**ACCORD06** · 19-07-2009, 03:34 PM

أخوي ملك برافو عليك هو هذا اللي أقصدة ياليت تحط له صورة العلبة لني عجزت أحاول أنزل صور بالمنتدى

**S.M.A.R.T** · 19-07-2009, 04:52 PM

عرج على هذا الموقع وبتلقى كل شي مع العلم ان اللي تدور عليه صورته اخر واحد بالصفحة
والمحل موجود بالرياض شارع الضباب

http://www.meguiars.com/estore/product_list.cfm?sectionname=Consumer%20(Meguiar's %20Brand)>Tire%20Care&sectionID=18101

**المباشر** · 19-07-2009, 05:29 PM

أفضل نوع

أما هذا فمشكلته أنك اذا مشيت يوصخ عليك الصدام الخلفي

**S.M.A.R.T** · 19-07-2009, 05:48 PM

^^^

صدقت يالمباشر والفرق بينهم:

الاول يعطي لمعة مطفيه
الثاني يعطي لمعة ساطعة

**أبو الريش** · 19-07-2009, 06:51 PM

^^^
صدقتوا ياخواني المباشر و جوزيف

لكن بالنسبة للثاني الي معه نسافات لايشيل هم

**ابو الجوهرة** · 19-07-2009, 07:39 PM

هذا النوع ممتاز من وجهة نظري لمعتة حلوة ومايشيل تراب و اللمعة تاخذ من ثمانية الي عشرة ايام ثم تبدا تخف وفيه بعد التحكم بمستوى الرش على حسب حجم الكفر[IMG]file:///C:/DOCUME%7E1/user/LOCALS%7E1/Temp/moz-screenshot.jpg[/IMG]

**ملك بكلمتي** · 19-07-2009, 10:01 PM

ستوب احسن شي

**tfah** · 19-07-2009, 10:33 PM

ماحد جرب كاوا

**momo** · 20-07-2009, 03:21 AM

الكاوا يخرب الكفر مع الوقت ولازم لاحطيته تقعد حول ساعات ماتتحركـ

**ابو ظافر الشهري** · 20-07-2009, 03:29 AM

بالنسبه لي استخدم ملمع العنب ب20ريال بس مشكلته يمسك التراب

اما step يشهب الكفر

**ن ع ر السعودية 0005** · 20-07-2009, 05:17 AM

بالعكس أخوي momo الكاوا من أفضل الملمعات لا يخرب الكفر ولا شيء ولا بعد يجمع غبار وبمجرد تغسل الكفر بالماء ترجع لمعته وهذا أنا أستخدمه لي أكثر من سنة ونص ولا شفت عليه أي شيء وبالعكس شف حقين الجيوب والهايلكس والددسن كف يلمعون فيه شف مواترهم على شارع التربيه النموذجية كيف لمعت الكفر ........