الموضوع: أكورد 4 سلندر ... مرّة اتقوم ومرّة اتنوم؟! ليش يعني

انا حسبت خبرتي اعتقد اهوه سبب عدد لفات المكينه
يعني اذا كان ضغط المكينه على 1500 راح يكون اقوى تجاوب معاك
واهيه مرحله انتقال الجير من التغير الاول الى التغير الثاني ومن هالحاله تفرق القومه معاك بالسياره

انا لاحظت الشي هذا في سيارتي سيفيك موديل 2000 قير عايدي بعض احيان تحسه تنطلق بمجرد لمسه خفيفه على البنزين وبعض احيان تدعس الدعسه كلها وعزمها عادي
مشكور على طرحك للموضوع اتمنى المختصين يفيدونا

بالنسبة للكورد اللي معى 03 اربعه سلندر .

لاحظت هذا الشيء بكل وضوح .مرررات بالريحه تحس انك قفزت من المقعد .

خاصه مع البنزين الجديد

ان شاء الله الأخوان يفيدونا

شاكر لكم يا الخوية

لحد الحين ما شفنا خبراء الهوندا و ردودهم


ابا اعرف شو السبب؟؟


وان شاء الله بطرح لكم استفسارات وتجارب أخرى خضتها بوساطة الأكورد

اخوي في سبب ما ادري هل الشباب يوافقوني عليه ولا لا وهو انك لما تكون مفلل السيارة بنزين تحس انها ثقيلة بعكس لما تكون السيارة شبه فارغة تعطيك عزم اكبر هذا اللي انا الاحظه

المشكله دي خصوصن بي الصيف تسير معي لمن تكون السياره مكيفه شغال او حاره في الصيف احيان عن الاشاره يالله تقوم واحين ريشه
وصراحه وسوسة بس في البرد قلت الى اد مسكة خط وسرعة مره ادا مريت محطه او نقطة تفتيش احس المشكله دي

قرينا ردودكم

ومازلت متعطش للردود الاخرى


شكرا لكم

بالنسبة لي ما قد حسيت بالشيء هذا (نـــصــاب)
اتوقع انها تفرق بسبب اختلاف درجة الحرارة والوزن الزايد على السيارة وكمية البنزين الموجودة وضغط الاطارات ........الخ.
بس عموما ما شاء الله على الاكورد امشي فيها 220 وتقولي عطني بعد بس المشكلة التحديد اللي ما له حل تتوقعون لو مو موجود كم توصل يعني مثلا؟

حتاء لة ما فيه تحدي فيه طاقه لي المكينه وتنتهي وبعدين دا الي تقوله تحديد نظام يحمي المكينه عشان ماتجاب حتا تلاحظ لو فيه سياره قديمه لمن تدعس لها بنزين على الاخير ما تقطع لكن الجديده كلها تقطع ادا دعست على الاخير

المشاركة الأصلية كتبت بواسطة م م و السعوديه 5 5 7

بالنسبة لي ما قد حسيت بالشيء هذا (نـــصــاب)
اتوقع انها تفرق بسبب اختلاف درجة الحرارة والوزن الزايد على السيارة وكمية البنزين الموجودة وضغط الاطارات ........الخ.
بس عموما ما شاء الله على الاكورد امشي فيها 220 وتقولي عطني بعد بس المشكلة التحديد اللي ما له حل تتوقعون لو مو موجود كم توصل يعني مثلا؟

فيه اشياء بسيطه ما كنت اتوقع ان لها تأثير الا بعد ما جربت

مثل كمية البنزين .. قبل فتره كنت ماسك خط و البنزين على الربع و بالراحه اوصل للـ 200

و بعد ما فللت صارت تاخذ وقت طويل شوي الين اوصل لنفس السرعه

الأمر طبيعي جداً
حسب ممشاك انت
واقف ولا ماشي
مسرع ولا مهدي ؟
كلها تفرق

ياريت تحطلنا شنو الوضعية الي انت فيها لما يصير معاك هالشي

بعدين تره كل هالسيارات على هالشكل

إذا انت ماشي بهدوء ودست البانزين تلاقي السيارة تفز فز

وإذا انت كنت مسرع وهديت ورديت دس الدعسة حدها ماراح تفز معاك عدل

وبالصيف والتكييف شغال هذا الشي أكيد المكيف تره يذبح الماكينة

انا اشوف الأمر عادي

تحياتي