وأخيراً ركبت التورنزا

**accordyon** · 19-07-2009, 08:32 PM

السلام عليكم ورحمه الله وبركاته
شخباركم محـبي هــوندا
الموضوع هو أن قدر الله علي قبل اسبوع وانسلخ علي واحد من الكفرات
حقين الوكاله الميشلان وأنا في طريق بوحدرية رايح البحرين<<<النية:d
كنت امشي تقريباً 170

شوي طق طق طق شسالفة يالولد ليكون
الكفر الي معي يقول شكله الكفر واشغل الفلشر وارفع رجلي وانتو
بكرامه عن البنزين واميل يمين لين وصلت 80 مسكت بريك خفيف
لأني خفت ع الجنط وانزل القى الكفر الي قدام يمين متقطع<<<افا يامشيلان
وين الثقة يايلا ماعلية خدمو وكانو الي قدام متمسحين<<<راعي تعليق كفرات
المهم فكيته وطلعت الأستبنه جديد اول مرة اركبه ركبته وكملت طريقي
وقلت مع الراتب بركب طقم امس نزل الراتب<<<موظف حكومي كحيان:d ورحت لوكيل برجستون الي هو الطلائع دخلت المكتب استقبلنـي هندي
بس الشهادة لله محترم وكريم
س\في عندكم تورنزا
ج+س\ايش سياره
ج\أكورد موجوده بره
قام وخذ معاه ورقه صغيره وقلم ورجع كان عنده كتلوج وقعد يدور فيه
المهم قال فيه بكم قال مقاس سيارتك سعره 327 الواحد قالي لحظه
ويروح المستودع ويجيبه لي لين المكتب شفته حلو شكله ونقشته حلوه
قلت طيب ابي اعرض منه شوي قالي فيه بس يمكن يصير الدركسون ثقيل
شوي ويمكن ويمكن قلته ورني اياه قام وجاب لي اثنين كل واحد
نقشته غير قال شوف الي يعجبك طيب بكم هذا قالي 426 الواحد
قبل الخصم وبعد الخصم يطلع 362,5 الواحد بمكم الأربعه 1450
اخترت النقشه الي عجبتني وقلته ركبهم ربع ساعه وقالي السيارة خلصت
قمت اشوف شكلها تغير علي شوي قلت نجرب ونشوف
طلعت امشي هااااا سيارتي هذه والأ غيروها

قمه الهدوء قمه النعومه
في المطبات راح الطرب الي اسمعه من الميشلان كل يوم بس؟؟؟؟؟

بصراحه احس ان الرساوه مو مثل الميشلان يمكن لأنه جديد والكفر صاير
لين قلت اصبر كم يوم اكيد بيتغير لاكن الصوت عز الله انه صادق الي
سماه الكفر الصامت وفي النهايه ادري اني طولتها بس انصح كل واحد
اكتفى من الطرب الأصيل وخشونه الميشلان يركب تورنزا GR80
ويكتفي بطرب المكينه والسي دي خصوصاً المباشر:d طرب عمرك
وغير الكفرات الخايسه حقت الوكاله
نسيت اقولكم المقاس الي ركبته215\60\16 والسابق205\60\16
اسف عالأطالة

**أبو الريش** · 19-07-2009, 09:19 PM

اولا الحمدلله عـ السلامة

للأن طريق ابو حدريه طريق غثيث من جد

و مبروك عـليك الترونزا

**م ج رد حلم** · 19-07-2009, 09:30 PM

ماشاء الله تبارك الله

عالبركه

والحمدلله على السلامه

بس عندي ملاحظه نااس كثير يقولوا انه ثبات الميشلان افضل من التورانزا مدري هالكلام صحيح ولا

طبعا انا ماهمني اثبت ولا اهم شي الهدوء

وفي المنعطفاات الواحد يهدي شوي وانتهت المشكلة

تحياااتي لك

**business man** · 19-07-2009, 09:52 PM

مادام انك سلمت فالحمد لله
والف مبروك على الكفر الجديد وعقبال عندي بالقريب بصراحه تحمست اني اركبه على سيارتي ياشيخ ذبحني طرب الميشلان الصاخب مع ان الكفر لسا فيه عمر بس خلاااااص بطق من الصوت صرت موسوس بعض الاحيان اسفط السياره واشيك على الكفر لايكون واحد بنشر <<<<< في احد وصل للوسوسه ذي

**الـمـسـافـر** · 19-07-2009, 10:08 PM

الف مبرووووووووووووك

المنتدى بدى يقتنع فيه

بس حلو سعره ايام ما شريته قبل 4 شهور كان الطقم بـ 2000 ريال

**ظبياني 9656** · 19-07-2009, 10:46 PM

بالبركة عليك

لكن انا سمعت ان الميشلان من احسن التواير المصنوعة ؟؟

**AliAhmed** · 20-07-2009, 01:13 AM

مبروك عليك ..

وعقبال عندي ...

بصراحة حمستني مرة ... وفي نفس الوقت خوفتني من الثبات ....

**abu khaled** · 20-07-2009, 02:03 AM

.:..ماشاء الله مبروك عليك .:.
لكن مايضر اذا ركبت عرض اكبر أو ارتفاع أقل من عرض وإرتفاع الكفر حق الوكالة ؟؟

**momo** · 20-07-2009, 03:07 AM

المقاس كم اكيد 16

للاسف رحت لهم امس يقولي الطقم 3600وشوي بعد الكفر الواحد بعد الخصم 909ريال حكم لجنط 17

**المباشر** · 20-07-2009, 06:51 AM

المشاركة الأصلية كتبت بواسطة أأح2024 بيج

السلام عليكم ورحمه الله وبركاته

ويكتفي بطرب المكينه والسي دي خصوصاً المباشر:d طرب عمرك
وغير الكفرات الخايسه حقت الوكاله

وعليكم السلام ورحمة الله وبركاتة

آآآآآآآآآآآيه ومازال الطرب يطرب أذناي

خلك مع النيه بس :d >> شيك الثاني مع نيته ، يوم الخميس كنت طالع لمطار البحرين مستعجل وصحيح كنت مسرع شوي بس الحمدلله ميشلان للحين ماخربها عندي مع أني متوقع في الشهرين الجايه واحد فيهم بينجلد من الطريق :d

الله يعين ونتحمل الطرب الميشلاني لين الله يفرجها وأحسن مافي مواترنا ان تورنزا رخيص مايعدي الألفين

وحقين جنوط الـ 17 هم اللي مبتلشين بالسعر أتوقع أكثر

والف مبروك وأستخدام العافية يارب

الله يعطيك خيرهم ويكفيك شرهم

**AliAhmed** · 20-07-2009, 03:28 PM

ملاحظة: ارتفاع الكفر الي ركبته مو كأنه كثير !!!!

215\60\16

والشباب ينصحون بـ ممقاس

215\55\16

**admin_m** · 20-07-2009, 04:11 PM

كفرات رائعه واختيار موفق

انا من كثر ماسمع عن هالكفرات صرت افكر اشتريهم قبل الاكورد :d وادخل على الوكاله واعطيهم الكفرات يركبونها ويفكوني من المشلان :p

**accordyon** · 20-07-2009, 09:31 PM

اولا الحمدلله عـ السلامة

للأن طريق ابو حدريه طريق غثيث من جد

و مبروك عـليك الترونزا

الله يسلمك وبوحدريه صحيح غثيث بس مافي فكه منه...الله يبارك فيك

ماشاء الله تبارك الله

عالبركه

والحمدلله على السلامه

بس عندي ملاحظه نااس كثير يقولوا انه ثبات الميشلان افضل من التورانزا مدري هالكلام صحيح ولا

طبعا انا ماهمني اثبت ولا اهم شي الهدوء

وفي المنعطفاات الواحد يهدي شوي وانتهت المشكلة

تحياااتي لك

الله يبارك فيك ويسلمك
هو صحيح ان الميشلان ارسا لاكن التورنزا اهدء بكثير ولين مع المطبات
وبعدين شي على حساب شي وانت والي يريحك

مادام انك سلمت فالحمد لله
والف مبروك على الكفر الجديد وعقبال عندي بالقريب بصراحه تحمست اني اركبه على سيارتي ياشيخ ذبحني طرب الميشلان الصاخب مع ان الكفر لسا فيه عمر بس خلاااااص بطق من الصوت صرت موسوس بعض الاحيان اسفط السياره واشيك على الكفر لايكون واحد بنشر <<<<< في احد وصل للوسوسه ذي

الحمد لله على كل حال
الله يبارك فيك...بصراحه اذا تبي ترتاح وتبطل وسوسه وماعاد تسفط
بعدها ركب التورنزا

الف مبرووووووووووووك

المنتدى بدى يقتنع فيه

بس حلو سعره ايام ما شريته قبل 4 شهور كان الطقم بـ 2000 ريال

الله يبارك فيك
صدقني اقتنعت لأن ثقتي في النادي واعضائه كبيره وبالنسبه لسعره جداً ممتاز

بالبركة عليك

لكن انا سمعت ان الميشلان من احسن التواير المصنوعة ؟؟

يبارك فيك
الميشلان كويس بس عيبه قاسي واصواته غثيثه وهم البرجستون له سمعه طيبه يعني
مايقل مستوى عنه

مبروك عليك ..

وعقبال عندي ...

بصراحة حمستني مرة ... وفي نفس الوقت خوفتني من الثبات ....

الله يبارك فيك
بالنسبه لثبات مو معدوم مره لاكن اقل نسبياً من المشلان مدري يمكن لأنها
جديده

.:..ماشاء الله مبروك عليك .:.
لكن مايضر اذا ركبت عرض اكبر أو ارتفاع أقل من عرض وإرتفاع الكفر حق الوكالة ؟؟

الله يبارك فيك
اذا اعرض شوي لا مايضر بالعكس يزيد الثبات بس الأرتفاع ماعندي فكره عنه

المقاس كم اكيد 16

للاسف رحت لهم امس يقولي الطقم 3600وشوي بعد الكفر الواحد بعد الخصم 909ريال حكم لجنط 17

اي نعم 16 والله ماعندي علم عنـ17 ........بالتوفيق

وعليكم السلام ورحمة الله وبركاتة

آآآآآآآآآآآيه ومازال الطرب يطرب أذناي

خلك مع النيه بس :d >> شيك الثاني مع نيته ، يوم الخميس كنت طالع لمطار البحرين مستعجل وصحيح كنت مسرع شوي بس الحمدلله ميشلان للحين ماخربها عندي مع أني متوقع في الشهرين الجايه واحد فيهم بينجلد من الطريق :d

انتبه منه لاتأمن فيه وااجد مثل ماصارلي تركد عليهم هالفتره الصيف يذيح

الله يعين ونتحمل الطرب الميشلاني لين الله يفرجها وأحسن مافي مواترنا ان تورنزا رخيص مايعدي الألفين

وحقين جنوط الـ 17 هم اللي مبتلشين بالسعر أتوقع أكثر

والف مبروك وأستخدام العافية يارب

الله يعطيك خيرهم ويكفيك شرهم

الله يعين...صحيح السعر اعتبره زهيد بالنسه لسيارات الثانيه
الله يبارك فيك ويسلمك ويعافيك وعقبالك:d

ملاحظة: ارتفاع الكفر الي ركبته مو كأنه كثير !!!!

2156016

والشباب ينصحون بـ ممقاس

2155516

والله ياحبي بي هو نفس الأرتفاع حق كفرات الوكاله الي يختلف العرض
كفرات الوكاله 205\60\16 والي ركبته 215\60\16 الي فرق العرض مو الأرتفاع

كفرات رائعه واختيار موفق

انا من كثر ماسمع عن هالكفرات صرت افكر اشتريهم قبل الاكورد :d وادخل على الوكاله واعطيهم الكفرات يركبونها ويفكوني من المشلان :p

اذا خذت الأكورد خلهم انطرب شوي وكدهم وبعدين غيرهم
بالتوفيق

**TOP MAN** · 21-07-2009, 03:32 PM

وين مكان الطلائع بالشرقية ؟؟؟؟؟؟؟؟؟؟

**AliAhmed** · 21-07-2009, 03:42 PM

امتداد شارع الملك فهد (بن خلدون سابقا)
يجيك رد كاب على يدك اليسار.. امشي سيدا بعد الاشارة بتلاقي الطلائع يمينك

**memories** · 21-07-2009, 04:56 PM

والله ياشباب انكم خوفتوني

اجل كفرات الكوبيه بكم الواحد؟؟؟؟

جنط 18

والله اسعار مبالغ فيها جدا

شكرا

**مجنون عبير** · 23-07-2009, 04:51 AM

مساء الخير شباب .. انا ركبت كفرات فايرستون يابانيه مره ناعمه وممتازه وثباتها جيد جدا بس اول يومين تحس الموتر يلعب شوي من الليونه اللي فيه بس بعد اربعه او خمسه ايام يصبح الثبات رائع وجربتها وحبيت انقلكم وجربتها على الخطوط الطويله وعلى سرعه 160 و170 كانت رائعه لينه في المطبات وناعمه ومافيه اصوات وممتازعه داخل المدينه ومع المطبات ومع ذالك رخيصه مقارنه بالمشيلان وبرجستون .. اتمنى لكم التوفيق

**AliAhmed** · 25-07-2009, 02:33 AM

سؤال على الطاير :

كيف شكل السيارة بعد زيادة عرض الكفر !!

هل تحسه طالع زيادة عن الرفرف وصاير شكله قبيح لو انه صاير عريض بدون مايصير بارز واجد وشكله حلو؟؟

واذا ممكن صورة سريعة !

**B Useful** · 25-07-2009, 03:25 AM

215 و 205 ما تلاحظ فية اي فرق ابداً ، مثل بعض .. ( فرق بسيط تعرفة اذا شفت مكتوب ٢١٥ )

المنظر القبيح اللي تقولة اذا ركبت 225 وفوق ..

**AliAhmed** · 25-07-2009, 03:33 AM

يسلمو ياكوكوكورد على الرد ..

وطيب اذا ركبت 16\215\55 على جنوط الـ 2007

هل تزيد المسافة بين الكفر والرفرف بحكم نقص الارتفاع من 60 الى 55 !! (وخصوصا اني مركب يايات ايباخ والمسافة بين الكفر والرفرف صبع واحد)

**B Useful** · 25-07-2009, 03:41 AM

المقاسين هذي :
٢٠٥ - ٦٠ - ١٦
٢١٥ - ٥٥ - ١٦

ما تلاحظ الفرق بينهم الا اذا قربت من الكفر وشفت الارقام ، الاختلاف بسيط وغير ملحوظ وانصح بالمقاس الثاني ..

نفس الشي تراي مركب المقاس الثاني ومركب يايات ايباخ .

**AliAhmed** · 25-07-2009, 03:52 AM

:d زهقتك صح !!!!

طيب تقدر تعطيني صور !! :d لاني والله دايخ مع موضوع هالكفرات ..

وان شاء الله نهاية الاسبوع انا عند الطلائع مركب بوتنزا ادرينالين مقاس 16-55-215

والف الف شكر لك ..

(وبصراحة من كلامك .. حسيت نفسي باركبهم وانا مطمن ومرتاح خاصة بعد ماقلت انك مركبنهم !!!)

**B Useful** · 25-07-2009, 04:15 AM

^^ اعذرني عن وضع صور سيارتي في المنتدى ، لأسباب تم ذكرها في مواضيع اخرى ،،، ^^

لكن اذا انت بالرياض عطن رقمك ع الخاص وتشوفها على الطبيعة ، واذا كنت بالشرقية نهاية الاسبوع وانا عندك ان شاء الله ..

**AliAhmed** · 25-07-2009, 04:33 AM

بيض الله وجهك يامعصب بصراحة ماقصرت ..

وخلاص مايحتاج تتعب نفسك ولا شي .. وإن شاء الله أشوفهم على سيارتي نهاية الاسبوع :d لاني اقتنعت 100% خلاص ..

تعجز الكلمات عن شكرك ..