حبيت أقولك من البدايه الجنوط الأصليه غاليه $$
طبعا اذا ودك بأصلي ووضعك المادي يسمحلك بكيفك انت حر
بس ماقلت كم موديل سيارتك (علشان نحاول ننصحك باللي يضبط على موديله أو يناسبه)
من الخيارات الجنوط الأصليه :
جنوط 2006 - 2007 16 مقاسهن
جنوط 2008 - 2009 مقاسين يجن للسبشل والفل الفل أفضل شكل ونصبه ماشاء الله
من الخيارات الجنوط التجاريه :
جنوط 2006 - 2007
جنوط 2008 -2009 حقات الفل (وارد دبي) بالوكاله الظاهر تقريبا حول 1500 جنوط بس
نقطه مهمه : الجنوط الأصليه والتجاريه تتشابه لكن فيه طريقة للتفريق بينهن (في موضوع بالمنتدى)
الخيار الثالث :
ينصحونك الأعضاء بمحل جنوط ممتاز وأسعاره معقوله (أنا والله ما أعرف محلات جنوط زينه)
وتآخذ شيئ يعجبك ويدخل راسك (ويكون لك طابع مميز) طبعا من 16 وفوق الأفضل لا تتعدى 18 بالكثير
لأن تكبير الجنوط له أضرار (فرق عن السياره المصممه مع جنوط 19 مثلا عن سياره مصمم له 16 وتحط 19)
المهم انه فيه أضرار اذا تعديت ال 17 :
شغله ويمكن تحك وحاله (سمعت ولم أتأكد)
الجنط كل ما كبر غلى الكفر
اضرار ميكانيكيه
الخيار راجع لك انت اللي تقرر
وترى فيه جنوط تجاريه وكويسه وتدوم معك (طبعا حسب النوع وحسب الاستخدام) بس بعضهن تتقشع شوي بويه منهن خفيف بس لهن حل طبعا بس ما أدري يضبط أو لا (بويه ,تغطيس ,تنكيل) ويكون شغل نظيف
ممكن تكحيل (زيادة النصب في نظر البعض وليس في نظري لأني لم أجرب على أكوردي فما أقدر أفتي لك)
وياليت في المرات الجايه اذا بغيت تستفسر تضع نوع وموديله وسبب التغيير او الرغبه في جنوط .....
علشان نقدر نساعدك
وسبب التغير مثلا مليت انت من الشكل الفلاني أو ودك تغير لنيكل مثلا
والسلام عليكم ورحمة الله وبركاته
مواقع النشر (المفضلة)