انا جديد على الهوندا

**ACCO-2005** · 22-01-2007, 10:53 AM

يا اخوني انا اشتريت هوندا اكورد 2005 من الحراج ماشية 23 الف كيلو فقط ولكن بعد ما جربت السياره لاحظت ان في هواء يدخل من جهة باب الركاب . شيكت على السيارة عند واحد سمكري قالي ان السيارة اخذت صدمه سطحيه على الباب والرفرف لكن السمكري الي سمكرة ماعرف يسوية كويس وانا الان حايس في هذي المشكلة وكمان في هزه بسيطة في الدركسون اذا كانت ماشي 70-100 كيلو ودعست فرامل وحد قلي خرط هوبات اعطوني الحل .
وعندي مشكله ثانيه ابغ اغير كفرات وش احسن شي ويكون رخيص .
وعلى فكره اشتريت السيارة 41 الف ريالا ما ادري تستاهل ولا لا

**r9onaldo9** · 22-01-2007, 01:30 PM

الله يوريك خيرها ويكفيك شرها إن شاء الله، وتشوف على وجها الخير

لاحظت ان في هواء يدخل من جهة باب الركاب . شيكت على السيارة عند واحد سمكري قالي ان السيارة اخذت صدمه سطحيه على الباب والرفرف لكن السمكري الي سمكرة ماعرف يسوية كويس

صوت الهوا في جميع السيارات الياباني موجودة بس تختلف من سيارة لآخرى
انت أخوي سيارتك جايتها دعمة، حتى لو سطحية راح تأثر عليها وخصوصا انه الصدمة على الباب والرفرق
الله يهداك أخوي ليش مافحصت قبل لاتشتري ؟؟!!

وكمان في هزه بسيطة في الدركسون اذا كانت ماشي 70-100 كيلو ودعست فرامل وحد قلي خرط هوبات اعطوني الحل .

الخراطة تنفع مؤقت على كلام الوكالة، الأفضل تبديلهم على الضمان ماشاء الله سيارتك ماشية 23 الف بس ، يبدلها الضمان بس المشكلة في الدعمة لاتقولهم السيارة مدعومة ولا شي. انا سيارتي 2003 وماشية 65 الف وبدلتها على الضمان

وبالنسبة للكفرات والسعر في شباب إن شاء الله يعطونك نصيحة ومتخصصين ماشاء الله عليهم

ونصيحتي إذا السيارة راح اتكلفك تصليح بالنسبة للصدمة لا تلفلف وايد على المصلحين ، اسأل عن واحد ممتاز حتى لو شوي غالي وخله يضبطها ويعطيك كفالة عليها

أو إذا شفت حالتها شوية مو مضبوطة بيعها وريح راسك وشوفلك وحده انظف منها، لأنه السيارة المصدومة وراها مشاكل ، واسألني عن هالشي

إلا إذا كانت الصدمة خفيفه ومقدور عليها بسيطة إن شاء الله

بس افحص السيارة عدل وتأكد انها مافيها غير هالصدمة هذي

تحياتي

**accord 06** · 23-01-2007, 02:20 PM

مثل ما قال الاخ r9onaldo9 رجة الفرامل ان شاء الله
تنحل بخرط الهوبات و صرنفرة الفحمات
و لو تغيرها افضل

اما بالنسبه للصدمه فـ يا ليت تقولنا انت من وين عشان ننصحك بورش للسمكره