طبيعية جداً :d
السلام عليكم ورحمة الله
كيفكم شباب ان شاء الله تكونوا تمام و بخير خلينا ندخل على الموضوع بسرعة .
كنت ماشي بسيارتي ماسك خط جده مكة وفجأة لاحظت وانا ماسك الدركسون في وضع متوسط ان السيارة بتحذف يسار مو ماشيه في خط مستقيم بس قلت خليني اعيد امسك الدركسون بقوة والله ونفس المشكلة والمصيبة انو الحذفة واضحة لما تركز فيها وبعد كم يوم جاء واحد من الشباب معاه اكورد 2007 فل وقلي نفس الكلام ماصدقت جربت سيارته بنفسي قسما بلله نفس الحذفه الي في سيارتي السيفيك2006 ما ادري ايش المشكله هاذي. لازم نسمع رايكم في اسرع وقت علما بأني رحت وزنت ميزان الدركسون طلع سليم ووزنت بعد هواء الكفرات مافيها شي؟؟؟ طيب معقووول يكون عيب مصنعي؟؟؟ هذا عاد موضوع انتوا تحددوا وشكرا.... واسف على الاطالة بس الموضوع والله مخوفني.... ((أتمنى اكبر عدد من الردود لكي نستفيد))
التعديل الأخير تم بواسطة الملك الماسي ; 22-01-2007 الساعة 04:28 PM
والله اخوي المشكله دي اول مره اسمعه من احد عنده هوندا احتمال يكون الخط الكفرات مدري احتمالات واجد بس من الساره مدري محد شكا قبلك من المشكله دي ولا حتاء من سياره جديده غيرى الهوندا جربه بخط زين
انا عندي سيفيك 2006 ونفس المشكلة بس العكس يعني تحذف يمين
انا ما عندي حذف لا يمين ولا يسار وسيارتي اكورد
و الحمد لله
بس انا اتوقع ان المشكلة من نوع الكفرات
حسب الجو
اذا كان هواء قوي تحذف
وحسب اتجاه الهواء مره يمين مره يسار..
او انك معك ركاب ومحمل عفش تحذف
مو بالضرورة كل شى يكون خلل مصنعي !!
التعديل الأخير تم بواسطة 922 ; 22-01-2007 الساعة 09:26 PM
معروف ان الاكورد فيها عيبوب مصنعيه اما السيفك مدري عنها ...,
ومن ضمن العيوب الحذفه سواء كانت يمين او يسار ولو تراجع الوكاله عند اي صيانه لسيارتك وتشيك على دفتر عيوب سيارات الزبائن يقين اليقين انك بتحصل ان الحذفه مشكله لكل واحد يراجعهم
والشي الثاني اقصد العيب الثاني اللي كل الناس تتشكا منه وانا اولهم تنسيم الهواء عند السرعه العاليه
وهذا شي طبيعي ولو تشوف مجلة (سعودي اوتو ) العدد ما اذكره لكن اول ما نزلت الاكورد 2006 كتبوا كل شي عنها من مواصفات ايجابيه وسلبيات ومن ضمن السلبيات المكتوبه الحذفه ....,
والوكاله بيظبطونها لك ان شاء الله
بدش فالموضوع على ارتفاع
مع احترامي لجميع الآراء
انا اول مرة اعرف ان حذفة السيارة عيب من عيوب الأكورد!! ( حق اللي قال هالكلام)
ما سمعت وانا اعرف كذا واحد عنده اكورد وما اشتكى من هالشي
واحب اقول بعد ان هالشي ما يدش فالبال تدرون ليش؟؟ انا بقول لكم ليش مب باب المنطق
ليش : لأنه الأكورد المعروف عنها ان فيها خاصية الثبات وما دام ان فيها خاصية الثبات هاذي فكيف يطلع فيها هالعيب (حذفة السيارة يمين او يسار) اللي يلغي شي اسمه ثبات!! تناقض
وبعدين حتى لو حذفت ليكون تتحسبونا ن كل الشوارع القار اللي عليها امعبد بشكل مستقيم 100% .. اللي بيفكر كذا بقول غلطان
وقوة الهواء الخارجي وسرعة الرياح واتجاهها تؤثر بشكل كبير على حذفة السيارة
وشكرا
كونكورد
حتى بالمنتديات الامريكيه يشتكون من نفس المشكله :(
انا عندي الاكورد فل كامل 6 سلندر 2006 تحذف يمين...
انا عندي سيفيك 2006 مالاحطت اي حدفة بس في تنسيم من الباب حق السواق تنثيم قوي حتى لمن ودتها لصيانة 5000 جلست يومين عشان يوزنو الباب لكن الحين خفت 40%من اول
ولي عندو سيفيك 2006 يقولي في تنسيم ولا عندي بس س
كانت السالفة حذفة استوت تنسيم باب!
انا عندي سيفيك وفيها تنسيم وحذفة يمين
انا عندي اكورد 2006 واول ماطلعتة اعتقد كان فية حذفة ولأني مركب رنجات زينة وحجمها كبير توقعت انها من الرنجات معى انها سليمة وموزونة والتواير جديدة ؟؟ والمسألة مومسألة حذفة معى الوقت الخرابات اللي بتصاحب الحذفة اذا اهملتها لأنها اولا تعدم الكفرات وتخرب ربلات الهيئة الامامية بالكامل اذا وزنتها ولاحظة هالشي بسيارتي:( نصيحة مني روح للوكالة واليوم قبل باجر
طيب إذا خذيت السيارة للوكالة شراح يسوون ، ميزان بس ؟؟
انا بعد ما بدل الديسكات بالوكالة صارت تحذف يسار وبقوة
الميزان يصير عليهم ولا راح يقولي لازم تبدل التواير والحذفة من التواير لأنه صراحة التواير عندي تعبانه شوي
وكم راح تكلفني بالوكالة تقريباً ؟؟
تحياتي
أنا أعتقد إنه المشكلة تكون في نظام الباور للدركسون...يعني مش باور 100 % والدليل إنه مجرد ما تدوس على حاجه مثلا حصاه صغيرة راح تلاحظ إنه الدركسون يفتر بشكل خفيف ...والي أعرفه إنه الباور يكون نظام هيدروليكي مما يعني إنك ما تقدر تعكس القوة بسهولة إلا إذا كان فيه خلل كتنسيم مثلا...وبكذا نستنج إنه نسبة الباور تكون أقل من 100 % ..يعني بالعربي هذا سبب الحذف والله أعلم
غريبين انتم كل شي تكبرونه !!
من اول تقولون تضليل وما تضليل وقلت والله ما اضلل الا زيبارت وحركات عشان الخطوط الطويله
وضللت عند اقرب محل طلعت خطوط ما تنشاف الا بالشمس الساطعه ما يشوفه الا انت
ثاني شي الحذفه كنكم تقولون السياره تنطل على البيبان كلها حذفه خفيف مره
الي يدقق مره مره مره بيلاحظها ولا الحذفه اشوفه مهب مضايقه عاديه !!
اقول ياشباب خلونا صريحين الاكورد فيها حذفه وهذا عيب مصنعي .
شكرا شباب على تفاعلكم مع الموضوع وكل تعليقاتكم جميلة جدا ومفيدة بس الى الان ماتوصلنا الي قرار حاسم في الموضوع..
مرحبا
بعد تجربه شخصيه والسؤال من فتره ماضيه 2000 و2003 و2005 سيفيك
يوجد حذفه يسار . للعلم السياره غير جديده والظاهر ان المشكله تظهر بعد فتره من الاستخدام .... والله اعلم
سلام
انا عندي اكورد 2006 في البدايه مكان فيها حذفه وبعدال40 الف بدت تحذف لليسار
بشكل واضح
مواقع النشر (المفضلة)