السلام عليكم ..
ياجماعة الخير اللي يفيدني له جزيل الشكر :
انا مشكلتي ( إني باخذ الدوار وانا ماخذ المديور عشان ارجع للسايد الثاني كنت مسرع شوي والشارع فيه مطبات زي المطانيج ولا مسك معي الموتر )

المهم / اني وانا على اللفه ومسرع شووي ضرب عندي الكفر الايمن الامامي حق الراكب في الرصيف والصدمه جت على طرف الجنط وربكم ستر ولا رقينا فوق الرصيف ودخلنا بوسط الجزيره ..

اللي صار معي :
1- حكوك في الجنط الايمن الامامي ( حق الراكب ) والحكوك جايه على نص الجنط يعني مو كله ، مكان الصدمه فقط .
2- الطاره عندي صار فيها ميلان ، يعني الدركسون صار لاف يسار شوي ، واذا صلبته خليته سيده يروح الموتر يسار ( يعني خربت الوزنيه حقته )

فقط هذا اللي صار لي ..
تتوقعون وش يبي لي ؟ لان بصراحه انا قلقان على اللي صار وعلى الجنط اللي أحتك ..
واذ أحد يقولي هل أشتري جنط جديد ولا لآ .
لان ضاايق صدري وانا رجالن محافظ ع الموتر وأسوي الصيانه في مواعيدها ..

* [ ابي الحل منكم والرأي يالأجواد ]
السياره ( إكورد ، 2006 ) ماشيه 80.000 ولكم مني جزيل الشكر .:o