وش مستعجل عليه مستعجل على الموت الله يهاديك
والله أني أبيلكم الخير ولاّ كان قلت أصفط والدين الطبلون على 240 أو خله تتعداه مثل مقطع شفته لأكورد تمشي 260
الحوادث توحش وشباب بعمر الزهور ماتوا
أكيد قضاء الله وقدره لكن الانسان يفعل الأسباب ولا يؤدي بنفسه إلى التهلكه
الرجاء ثم الرجاء أن تضع ادارة المنتدى موضوع عن السرعه والحوادث للتوعيه والتنبيه والتذكير
أو وضع موضوع عن السرعه كل عضو يضع كلمه من عنده أو صوره للتوعيه
ولا تنسون الأجر وكثير أعضاء مرة عليهم حوادث الله لا يعيدها
غالبا الإنسان يتوب ويتأثر ويترك السرعه بعد مايصير له حادث وخاصة اذا كان عنيف وشنيع أو توفى له أحد
وأنا أقول للي يحبون السرعه وما يرتاح الا وهو صافط الطبلون اختصرها وريح نفسك تجنب السرعات العاليه
أحسن من يصير عليك حادث أو يتوفى لك أحد
الله لا يقوله
وترك السرعه بسيط ((شف الحوادث اللي صارت من وراء هالسرعه والتهور وياكثرهن )) الله يكفينا شر الحوداث
والله العظيم أني شفت واحد بحادث (اصبعه طالع من الدريشه ويتشهد وباتل أصبعه ماتحرك)طبعا هو ميت
سبحان الله تشهد
وهذا شيئ طيب والحمد لله تشهد
الظاهر مصدوم أو داخل بتريله
اللهم أحسن خاتمتنا في الأمور كلها
الرجاء ثم الرجاء عدم حذف الرد أو تعديله لأن فيه مصلحه للجميع
وغالبا أسباب السرعه :
تهور
طيش
احيانا الواحد يعجب بنفسه والخ ... أنه سريع وخطير
يكون معصب
يحس أنه متميز
الخ...
طبعا مو كلهن شرط , بعضهن
اللهم أرحم من ماتوا بسبب الحوداث وموتى المسلمين أجمعين اللهم آمين
واللي ما اعجبه كلامي من محبين السرعه أو اللي مايحب النصيحه أقوله بكيفك ان بغيت امش 400 من القهر
هذا شيئ راجع لك بشرط أنك ماراح تضر أحد ثاني
ولا تفكر أنك مت بحادث خلاص
أهلك ماراح ينسونك وراح تفجعهم وتغثهم وهم اللي أكثر الناس يحبونك
خاصة الوالده صعب أنه تنسى
وما أظن أحد يبي يفجع ويغث أهله ويسبب لهم أحزان
وفيه حوادث وناس ماتوا , مو شرط سرعه قضاء الله وقدره مكتوب
ومكتوب أنه اليوم الفلاني بالشهر الفلاني في السنه الفلانيه أنه راح يموت
وأحيانا الواحد بغى يصدم وهو مسرع مره حده واحد مثلا أو الخ... وعدة على خير ثم بعد مايمشي بشوي أو بنفس اليوم يموت
مكتوب
سبحان الله
وانتبه ثم انتبه تموت على معصيه والعياذ بالله
في قصة يقولها شيخ المهم باختصرها شخصين مسافرين صار عليهم حادث
وواحد الحديد دخل براسه (طلع مخه شوي) حسب كلام الشيخ وكان عليه جنابه أعوذ بالله وكان الشاب هذا راعي معاصي كثيره
الثاني اصابات ولكن مامات عاد يسأل الشيخ مات فلان قال لا ما مات قال والله انه عليه جنابه والخ...
وسأله مره ثانيه قال الشيخ لا ما مات ,, مايبي يعلمه انه مات وعلى جنابه الله لا يبلانا
طبعا السيارة خشت باللي يفصل بين الطريقين
مو يكون طريق رايح وطريق جاي واحيانا يفصل بينهن شبك
مثلا سيدين رايح ,,شبك,, سيدين جاي
ومو شرط تموت
ممكن تتمنى الموت
تكون معاق أو مشلول أو الخ...
أحمد ربك انسان سليم معافى انعم الله عليك بسياره كذا تشكر النعمه سرعه جنونيه 200 وطالع 240 أو 260
طبعا كلامي للجميع ولمحبي السرعه
انا قبل كنت أسرع بس الحمد لله الحين
وترى موب شرط أنك ماتسرع أنك ماتتعدى 80 أو 120 بالطرق السريعه
ممكن 160 أو 180
ولا تقولون ماتفرق 180 عن 240 تفرق ونص 60 كيلو / ساعه
ال 60 كيلو/ساعه تنفعك بالفرامل
والسياره ماتآقف على طول يبي له مسافه ووقت
بس انتبه من النايمين أو الخ... (ماتدري الا صادمك ومعدمك)
والله يحفظكم ويوفقكم
رد مع اقتباس
مواقع النشر (المفضلة)