تسارع الهوندا اكورد 2007 بدون الفصلة
اذا كان محرك الهوندا مع الغيار الاوتو يوصل بالرابع الى 220 والضغط باقي على 5
طيب ايش يصير لو كمل الى 6000 RPM ثم غير الخامس وبعد ما يدخل الخامس يكمل الى اقصى سرعة ممكنة للسيارة
تعالوا نشوف في المقطع هذا
http://www.mediafire.com/download.php?2ottmzoqnnm
المحرك: 4 سلندر 2.4 لتر
الاحصنة : 187 حصان
التسارع : الى حدود 260 مع 50 % من طاقة المحرك فقط
نصيحه : السرعه مابه خير
أدخل اليوتيوب وابحث عن (حوداث)
وشف الحوادث اللي أعوذ بالله الله يكفينا شره
الله لا يبلانا
والله يحسن خاتمتنا
نصيحه لوجه الله
اللهم قد بلغت اللهم فاشهد >>>>> منفعل والله حوادث توحش الله يكفينا شره
سيارة منقسمه نصين أو متقطعه قطع
أو واحد ميت والدم يصب
الرجاء عدم تعديل ردي >> للعظه والعبره وترك السرعه اللي مابه خير
وش مستعجل عليه مستعجل على الموت الله يهاديك
والله أني أبيلكم الخير ولاّ كان قلت أصفط والدين الطبلون على 240 أو خله تتعداه مثل مقطع شفته لأكورد تمشي 260
الحوادث توحش وشباب بعمر الزهور ماتوا
أكيد قضاء الله وقدره لكن الانسان يفعل الأسباب ولا يؤدي بنفسه إلى التهلكه
الرجاء ثم الرجاء أن تضع ادارة المنتدى موضوع عن السرعه والحوادث للتوعيه والتنبيه والتذكير
أو وضع موضوع عن السرعه كل عضو يضع كلمه من عنده أو صوره للتوعيه
ولا تنسون الأجر وكثير أعضاء مرة عليهم حوادث الله لا يعيدها
غالبا الإنسان يتوب ويتأثر ويترك السرعه بعد مايصير له حادث وخاصة اذا كان عنيف وشنيع أو توفى له أحد
وأنا أقول للي يحبون السرعه وما يرتاح الا وهو صافط الطبلون اختصرها وريح نفسك تجنب السرعات العاليه
أحسن من يصير عليك حادث أو يتوفى لك أحد
الله لا يقوله
وترك السرعه بسيط ((شف الحوادث اللي صارت من وراء هالسرعه والتهور وياكثرهن )) الله يكفينا شر الحوداث
والله العظيم أني شفت واحد بحادث (اصبعه طالع من الدريشه ويتشهد وباتل أصبعه ماتحرك)طبعا هو ميت
سبحان الله تشهد
وهذا شيئ طيب والحمد لله تشهد
الظاهر مصدوم أو داخل بتريله
اللهم أحسن خاتمتنا في الأمور كلها
الرجاء ثم الرجاء عدم حذف الرد أو تعديله لأن فيه مصلحه للجميع
وغالبا أسباب السرعه :
تهور
طيش
احيانا الواحد يعجب بنفسه والخ ... أنه سريع وخطير
يكون معصب
يحس أنه متميز
الخ...
طبعا مو كلهن شرط , بعضهن
اللهم أرحم من ماتوا بسبب الحوداث وموتى المسلمين أجمعين اللهم آمين
واللي ما اعجبه كلامي من محبين السرعه أو اللي مايحب النصيحه أقوله بكيفك ان بغيت امش 400 من القهر
هذا شيئ راجع لك بشرط أنك ماراح تضر أحد ثاني
ولا تفكر أنك مت بحادث خلاص
أهلك ماراح ينسونك وراح تفجعهم وتغثهم وهم اللي أكثر الناس يحبونك
خاصة الوالده صعب أنه تنسى
وما أظن أحد يبي يفجع ويغث أهله ويسبب لهم أحزان
وفيه حوادث وناس ماتوا , مو شرط سرعه قضاء الله وقدره مكتوب
ومكتوب أنه اليوم الفلاني بالشهر الفلاني في السنه الفلانيه أنه راح يموت
وأحيانا الواحد بغى يصدم وهو مسرع مره حده واحد مثلا أو الخ... وعدة على خير ثم بعد مايمشي بشوي أو بنفس اليوم يموت
مكتوب
سبحان الله
وانتبه ثم انتبه تموت على معصيه والعياذ بالله
في قصة يقولها شيخ المهم باختصرها شخصين مسافرين صار عليهم حادث
وواحد الحديد دخل براسه (طلع مخه شوي) حسب كلام الشيخ وكان عليه جنابه أعوذ بالله وكان الشاب هذا راعي معاصي كثيره
الثاني اصابات ولكن مامات عاد يسأل الشيخ مات فلان قال لا ما مات قال والله انه عليه جنابه والخ...
وسأله مره ثانيه قال الشيخ لا ما مات ,, مايبي يعلمه انه مات وعلى جنابه الله لا يبلانا
طبعا السيارة خشت باللي يفصل بين الطريقين
مو يكون طريق رايح وطريق جاي واحيانا يفصل بينهن شبك
مثلا سيدين رايح ,,شبك,, سيدين جاي
ومو شرط تموت
ممكن تتمنى الموت
تكون معاق أو مشلول أو الخ...
أحمد ربك انسان سليم معافى انعم الله عليك بسياره كذا تشكر النعمه سرعه جنونيه 200 وطالع 240 أو 260
طبعا كلامي للجميع ولمحبي السرعه
انا قبل كنت أسرع بس الحمد لله الحين
وترى موب شرط أنك ماتسرع أنك ماتتعدى 80 أو 120 بالطرق السريعه
ممكن 160 أو 180
ولا تقولون ماتفرق 180 عن 240 تفرق ونص 60 كيلو / ساعه
ال 60 كيلو/ساعه تنفعك بالفرامل
والسياره ماتآقف على طول يبي له مسافه ووقت
بس انتبه من النايمين أو الخ... (ماتدري الا صادمك ومعدمك)
والله يحفظكم ويوفقكم
التعديل الأخير تم بواسطة THE SILVER ACCORD ; 25-07-2009 الساعة 11:15 AM
هذا نزل 260
هذا ستة سلندر ولا اربعة ..
ماعتقد اربعة.. اكيد ستة ..
آسفين على المحاضره >>> صارت محاضره من طوله :o
العذر والسموحه
حبيت أضيف شي :
طبعا السواق والحريف واللي له زمان وهو يسوق ومرة عليه مواقف أكيد راح يتصرف ويدبر عمره
طبعا بطريقه معقوله في الغالب راح يقلل الأضرار والأخطار
وتصرفه لا يمنعه من الموت (الوفاة) ولكن يفعل الأسباب
وتراي انا موب مطوع << ياليتي ملتزم بكل شيئ وما أعصي ابدا بس مافيه أحد معصوم عن الخطأ
يعني مثلي مثل غالبكم بس عرفت خطر السرعه واخطاره وشفت الحوداث
المجتمع تعود على المخالفه لا التوعيه ومعرفة الأخطار ((مثلا يمشي ويسرع 260 أو 240 هذا أقصى سرعه في السيارات غالبا))
ويخاف من المخالفه لا الحادث في الغالب أو مايخطر بباله
وحتى لو عرفنا الأخطار بعضنا ما يستغني عن السرعه وتمشي في عروق دمه :p
ترى كلامي أرجو ما أحد يفهمه غلط كل كلامي نصيحه وتوعيه وتذكير فقط لا غير
وشكرا جزيلا
المشاركة الأصلية كتبت بواسطة accord_2003
تبون تكتشفون اذا كان المقطع ملعوب فيه ولا لا ابيكم بس تشوفون عداد الكيلو مترات كيف يتغير تحت بسرعة لما تعدى 220 هل تقدر توصل سرعة مثل هذه في تغير عداد الرحلة والكيلومترات بدون الوصول لسرعة 240 وفوق؟؟؟؟؟
طبعا لا وغياراته سليمة والغيار الخامس دخل بعد 220 وهذا الصحيح في الاكورد لما تدعس البنزين للاخير
المقطع صحيح تماما وما فيه اي تلاعب
بلال العلمي
كان تبي أحذف محاضراتي من موضوعك أبشر بسعدك
أخاف أني ضايقتك :o
:d
التعديل الأخير تم بواسطة THE SILVER ACCORD ; 25-07-2009 الساعة 01:40 PM
بلال العلمي
كان تبي أحذف محاضراتي من موضوعك أبشر بسعدك
أخاف أني ضايقنك :o
:d
ههههههههههههههههه
لا بالعكس كلامك صحيح وهذا تنبيه المفروض الكل يسمعه ويفهمه لاني شفت مقطع الاكورد اللي انقسم لنصفين
والسرعة ما تجيب خير بس هي رؤية لامكانيات السيارة فقط
مثل البوغاتي في برنامج توب غير وصلوا سرعة 407 فقط لرؤية ايش تقدر تسوي السيارة مو انها اصلا ممكن تمشي فيها في طريق الملك فهد مثلا لو اشتريتها اصلا يخلص طريق الملك فهد وانت ما وصلت 400 :d
ومشكور اخوي اكورد فضي وبالعكس نصيحتك على العين والراس
العفو , الله يسلمك ومشكور يالغالي
رابط الأكورد اللي انقسمت نصفين
[ame]http://www.youtube.com/watch?v=f6dvbqpm-R4&feature=PlayList&p=75F4016723445B57&playnext=1& playnext_from=PL&index=23[/ame]
اخواني السرعة هذه فقط للتجربة يعني تشوف قدرات سيارة هوندا اكورد ووين تقدر توصل بمحركها وايش امكانياته بس بالنسبة للسيارة هي اربعة سلندر وواضح من التسارع انه حق اربع سلندر طبعا
لان الستة سلندر راح تتسارع بشكل اسرع من الاربعة سلندر بكثير انت تقارن 187 حصان في الاربعة سلندر ب 271 حصان كامل في ستة سلندر
فهمت عليك يابعد حيي أحسبك تبغاها دايم 240 وأكثر
آسف على المحاضره :d
فكره حلوه والله تشوف السرعه القصوى اللي تقدر تجيبها
كفو والله أنك ذيب
بالتوفيق
على فكرة السرعة فوق 240 كم للاكورد جدااا خطيرة
والسبب يعود الى الكفرات لانها تتحمل 240 كم فقط اذا كانت v واذا رحت اكثر من هذه السرعة احتمال كبير يسبب انفجار لحد الكفرات وتنقلب السيارة
كلامك صحيح بس انها رؤية لوين توصل قوة السيارة بس وهذا حنا اكتشفنا القوة الكاملة بدون الفصلة الالكترونية في برنامج كمبيوتر الاكورد
بالذات الفرملة جربوا الاكورد مرتين لاجل التاكد وفي المرتين وقفت قبل الخط
تم دمج الموضوعين بموضوع واحد وشكرآ
################
ادخل هنا - يوسف سعد الدريويش (kakashi-san) إنقطع عمله وانتم أمله !!
################
أخوي بلال ... بدون ما اقصد اي اهانة تجاهك .... من كلامك حسيت انك مو راعي السيارة اصلا ولا تعرف راعيها !! ....
ارجع واقولها بالفم المليان .. مستحيل هذا تسارع اكورد 4 سلندر ستوك مستحيييييييييييييييييييييييل !!
اذا الاخ اكورد مجنونة يقول لك كان معه 6 سلندر موب 4 .. وما جابت الا 250 .. فـ كيف لـ 4 سلندر انها تجيب 260 وبالراحة بعد !!
وبالنسبة لقوة محرك الاكورد انا متأكد منها مليون في المية .. انت عندك سوء تفاهم بالموضوع والارقام اللي تتكلم عنها هي الاجمالية بينما الارقام المتداولة والرسمية هي الصافية اللي هي : 2003-2005 قوتها 160 حصان .. 2006-2007 قوتها 166 حصان .. 2008 وطالع قوتها 178 حصان ... وانت من كلامك تقول ان 2006 اقوى من 2008 !!! طبعا ما يقبلها عقل !!!
أخوي AcCo7rD ... كلامك بالنسبة للمقطع الاول صحيح ... بالنسبة للمقطع الثاني للأسف غلطان .. هذي الاكورد 4 سلندر واعرف راعيها بعد وهو معانا بالمنتدى بس بلاش فضايح هههههههه ... وبالنسبة للـVSA فهو موجود في موديلات الـ2006-2007 في الـ6 سلندر وايضا في الـ4 سلندر الفل كامل فقط .... وترا لمعلوماتك تسارع الاكورد 6 سلندر افضل من كذا بكثيييييييييير ..
اخوي بالنسبه لقوة المحرك انا مع الاخ محجوب مليون في الميه وكلامه سليم
ومثل ما قلك من سابع المستحيلات انها توصل الى 260 بالراحه هذي وسبق وقلت لك لما وصلت عندي على 250 كان الار بي ام قبل 7 بشوي بالعربي يسبح في المنطقه الحمراء
واي واحد امتلك سته سليندر يعرف تسارعها بالنظر
اكرر شكري للاخ محجوب
انا ما اعرف راعي المقطع بس شوف الزمن من من 120 الى 220
كم ثانية
وايضا في المقطع الثاني اربعة سلندر شوف الزمن من 120 الى 220 وانتم تعرفون انها اربعة سلندر
صحيح اني ما اعرف راعي المقطع بس حللت المقطع وفعلا واضح انه اربعة سلندر
واخوي محجوب الاحصنة الصافية دائم تقال وتذكر في الياباني
شوف الاحصنة الصافية بانهم يقيسون خرج المكينة وهي على اعمدة او قواعد حديدية ويشوفونها كم حصان مثل تجارب فورملا ون
اما الاجمالي هو قياس القدرة بعد تركيبه على الهيكل ووضعها على الداينو وهنا يكون فيه نقص حول 10 الى 15 حصان
ويا شباب السرعة ما فيها خير
المسألة انها رؤية لقدرة المحرك وين توصل وبس
يعني ما اتوقع بيعيدها
بالنسبة للاكورد 2003 الى 2005 قوتها الحصانية الصافية يعني المكينة فقط بدون سحب على الداينو 173 حصان
والاجمالي على الداينو 160 حصان
بالنسبة للاكورد 2006 -2007 الصافي في الاحصنة هو 187 حصان
الاجمالي على الداينو 177 حصان
مهندس وفي الرياضيات تعبان !صحيح اني مهندس كمبيوتر بس ترى في الرياضيات تعبان
طيب انت حسبت المسافة اللي تحت عند العداد صح؟
أخوي المسأله هذي جداً بسيطه وما يحتجلها هندسه
وصحيح أني أنا طالب هندسه ,, لاكن قبل ما أدخل الهندسه أتوقع أني حـ أحلها بكل سهوله ^_^
يمكن الأشكاليه لبعضكم كانت في التحويل ,, مافي مشكله أعيد حلها بتحويل كل معطى على حده
المسافه = 1000 متر = 1 كيلو
الزمن = 18.06 ثانيه = 0.301 دقيقه = 0.0050167 ساعه
طبعا تحويل (الثانيه > دقيقه) بالقسمه على 60 ,,, وتحويل (الدقيقه > ساعه) أيضا بالقسمه على 60
الآن السرعه = المسافه \ الزمن = 1\0.0050167 = 199.3 كيلو متر في الساعه (^_^)
صدق يوم قالو العلم نور
ايه هندسة الشبكات مافيها رياضيات كثير واللي فيها خفييييف جدا مو مثل الهندسة المعمارية
مشكور ادميرال انت كذا اقنعتني بس باجربها فعلا بدون الفصلة كم تقدر توصل 4 سلندر
على الرحب والسعه (^_^)
أجل أنت والسيسكو صُحاب ~_^ يالله عقبال ماتاخذ الـ CCIE :d
وأنا مني معماري,,, أنا تخصصي هندسه كهربائيه البعيد عنكم :p
هذه اكورد 2008 وايضا مفتوحة السرعة وصل 260
بس ما ادري هل هي واضحة ولا لا
[ame]http://www.youtube.com/watch?v=VorQ7ogscyA&feature=related[/ame][ame="http://www.youtube.com/watch?v=VorQ7ogscyA&feature=related"][/ame]
من الشاشة هي الظاهر 4 سلندر
ضوابط المشاركة
رد مع اقتباس
مواقع النشر (المفضلة)