قدر الله وما شاء فعل.... افيدوني محتاجين لكم + صور

**ا ح و** · 31-07-2009, 10:11 AM

السلام عليكم ورحمة الله وبركاته

كيف الحال؟ اخباركم

يوم الخميس اللي قبل اسبوع

قدر الله وحصل حادث لـ اخو خويي بسيارت خويي الله يكفينا الشر والسامعين>> سامعني!!

المهم

الحمدالله على سلامته في الحديد ولا فيه

سيارته هوندا 2005

الصدمه قويه نوعن ماء

المهم ابيكم تفيدووني يا اخوااان الصور موجوده

ابي ورشه تصليحهااا زي الوكااله

وسعرهاا حلو وارخص من الوكااله افيدووني تكفوون

الصوره الاولى مع الوجه

وهذي الثانيه

وهذي الثالثه اللي احس انهاا اشنع شي

وهذي الرابعه

وهذي الخامسه والاخيره

واسف على الاطاااله

وياليت تفيدووني لان ما فيه خبره والله

الموتر مذبووب عند البيت

لكم ودي

**7abib** · 31-07-2009, 10:16 AM

وين ساكن حتى نقدر نفيدك اكثر

**ا ح و** · 31-07-2009, 10:23 AM

المشاركة الأصلية كتبت بواسطة 7abib

وين ساكن حتى نقدر نفيدك اكثر

ساكن في الرياااض

**THE SILVER ACCORD** · 31-07-2009, 01:16 PM

وعليكم السلام والرحمه
بخير الحمد لله

الله يكون بعونكم

مكتوب قضاء وقدر
ان لله وانا اليه راجعون

وعسى الله يعوض راعيها

**ELEGANT BOY** · 31-07-2009, 01:48 PM

الحمد الله على السلامه

**jassim7779** · 31-07-2009, 02:43 PM

الحمــــــــدالله ع سلامتك
ف الحــــــديد ولا فيك

**TOP MAN** · 31-07-2009, 02:44 PM

الله يعوض عليه ويرزقه بسيارة أحسن منها .. انتظر الشباب اللي من الرياض !!

**العميل السري** · 31-07-2009, 03:08 PM

حمدالله على السلامة

**Classic Design** · 31-07-2009, 11:13 PM

الحمد لله على السلامة

و ترا عندي صدام 2004 و شبك 2004 نفس 2005 تبع السيارة وكالة أصلي لأني مغير الصجام و الشبك لـ 2006 و الصدام و الشبك حق الوكالة موجودات عندي إذا خويك ناوي يشتري ترا جاهزات عندي و مايبيلها إلا بوية بس

**gσℓ∂ нєαят** · 31-07-2009, 11:52 PM

يالله :(
الحمدلله ع السلامه

لو انك من جده عندي لك ورشتين مضمونه ..
لو بدك هيه راح اسردها لك :(

والحمدلله ع السلامه مره تانيه :(

**اكوردي...** · 01-08-2009, 02:17 AM

الحمدلله على السلامه والله يعوضكم خير منها يارب

**اكورد 506** · 01-08-2009, 02:20 AM

هلا وغلا

الحمدلله على السلامة

فيه ورشة الوفاء بس غويليه

وشغلهم صح بالصناعية القديمة

وشكرا

**Serendipity** · 01-08-2009, 04:28 AM

الحمدلله على السلامه...

لو تبغى تتعبر بجنوط 2006 انا حاضر اذا كانوا جنوطك جاهم شي, عندي طقم 4 جنوط مكحلات اثنين منهم فيهم كفرات تورانزا لكن عيبهم الوحيد يبغوا غطيان لانه طارت علامة هوندا منهم. تراهم فداك ولا ابغى منك شي

**المـــــلكـ اكـــــورد** · 01-08-2009, 04:56 AM

الحمد لله على سلامة اخو خويك والحديد يتعوض

بالنسبه للسياره فيه اكثر من ورشه شغلها جيد <وبتركها لاصحاب التجارب يقولونها لك

اما القطع..

تحتاج صدام ب350 ريال اصلي من التشليح
شمعه يسار 660 ريال جديده
رفرف جديد ب450 ريال او من التشليح ب250 ريال
باب خلفي يسار (فاضي)* ب700 ريال <<*يعني بدون القزاز والديكور من التشليح
رفرف خلفي :تغيير قشره خارجيه .. ولايشتريه من التشليح <لانهم يبيعون رفرف كامل مع اجزاءه الداخليه وانت تحتاج القشره الخارجيه فقط

مقص علوي ب150 ريال من التشليح
مقص سفلي ب250 ريال من التشليح
مساعد ب600 ريال <<ينصح بالجديد
عكس <اذا مضروب ب500 ريال في التشليح
ايضا الدوده ان تأثرت سعرها تشليح ب900 ريال

الايربقات في الوكاله ب7000 ريال
في التشليح ب3000 ريال
من امريكا ب2300 ريال وموجوده في موقع ebay<<انتبه لازم تكون ايربقات 4 سلندر

واذا مايبي يرجع الايرباقات فيه غطيان نفس غطيان الوكاله ب600 ريال الطقم الاثنين (ديكور فقط)ّ<<موجوده عند محلات النعماني
ولايلعبون عليه محلات الفيبر ويقولون له بنقفلها ونرجعها وكاله ..

اي استفسارات اخرى نسيت اذكرها لايردك الا الخاص

ّّّّّ

**هوند1** · 02-08-2009, 12:17 AM

اعتقد الاخوان كفوووو ووفووو

الحمد لله على السلامة

**nassermoh6890na** · 02-08-2009, 12:56 AM

ما قصرو الاخوان

**صمت الانين** · 02-08-2009, 03:51 AM

الحمدلله ع السلامه في الحديد ولا فيك

**بوعزوزL** · 02-08-2009, 07:09 AM

في ورشه أسمها ورشه فيصل في الخضريه في الدمام خاصه حق وهوندا
أخوي عنده أكورد2007 وصار له نفس الحادث ألي صار لك ونفس الكفر ألي صار له الحادث (الكفر الايسر) بس الخلفيه ما تأثرت
وصلحها في نفس الورشه
وأتحدى أي واحد يعرف أن السياره مصدومه من قبل

**عاشق بريده** · 02-08-2009, 12:42 PM

ـأذا خويك مستعد يدفع كثير

ورشة الوفا حلوه

بالصناعيه القديمه

من سنين معروفه

**turky** · 02-08-2009, 01:27 PM

الحمد لله على السلامه الله يعوضكم خير

**عاشق HONDA** · 02-08-2009, 03:39 PM

الف حمد الله على السلامه ..

حبيبي في ورشه في الصناعيه القديمه بصراحه حلوه وميزتها انها خاصه لهوندا ( الجنوب لصيانة هوندا ) .
موقعها :
وانت داخل الصناعيه وعند اشارة السالم لزجاج عديها وخليها على يمينك بتجيك تيوتا ادخل بعد تيوتا وبيصير على يسارك بنشر وبجنب البنشر ورشة الوفاء ادخل يمين وبعد 3 ورش على اليمين ورشة الجنوب .
رح وشفهم وانشاء الله راح يعجبونك .
وخاصة المعلم ظفر . هههههههههههههههههههه

**المـــــلكـ اكـــــورد** · 02-08-2009, 05:21 PM

^^^
ورشه الجنوب كان شغلهم كويس الحين نصب في نصب

واذا ماكنت صاحي ياكلونك وانت تضحك ..

شغل الميكانيكا عندهم جيد لكن السمكره ماانصح
<<وللعلم سيارتي مصلحه عندهم

**مهبول هنادي** · 03-08-2009, 12:14 AM

الحمد الله على السلامه
بس والله حراااااااام هنادي يصير بها كذا والله حرااااااام :(:(

**اكورد 2006 وبس** · 03-08-2009, 03:19 AM

الحمد لله على السلامة والله يكفيه شر العين والحوادث ويكفينا لو انت من جدة كنت اقدر اساعدك لوجه الله ولو تقدر تجيب القطع وودها الوكالة يمكن يصلحولك يسير ما ياخذه الا التصليح الوكالة اضمن وانتبه من الورش لازم ورشة موثوق فيها