مشكلة في اكوردي 2007 فل كاملv6

**راعي الهوندا** · 24-01-2007, 03:27 AM

السلام عليكم

والله بغيت أموت السيارة ماشية 2000 كيلو مالها شهرين تفاجات أمس وانا واقف عند احد بيت
واحد من الجماعة واخرج الساعة 12 من عنده وأطالع السياره مصدومه من ورا
بغيت انجن
خدش من الأصطب على اليمين حاك في السيارة وطالعه البويه
صار مكانها اسود

فياليت تقلون لي وش الحل
أنا في الشرقية
في الظهران وش اسوي تكفوووووووون

سيارتي أكورد 2007 فل كامل v6

**BLK** · 24-01-2007, 10:40 AM

حمدلله على السلامة ...

أكثر شي يقهر أول حكة بالسيارة

ياخي حمدلله على سلامتك ...

وش تبي تسوي ..

يا إنك ترش الصدام الخلفي أو إنها تخيلها كذا ...

و الله يعينك ....

و ترى توه بدأ معاك مشوار الصدمات <<<<< الله يبعدنا و إياكم ...

**accord 06** · 24-01-2007, 12:54 PM

الله يعينا وياك .. انا سيارتي لقيتها مصدومه بالرفرف و تحتاج سمكره مب بس حكه

الرش كامل ما انصحك فيه حرام السياره توها جديده

افضل حل انك تروح للوكاله و تخليهم ينقطون بويه على الخدش

**الاخطبوط** · 24-01-2007, 02:13 PM

ياخوي مشعل مرات تقول ياريت الصدام مصدوم كان غيرته ورشيته واقل شي حاجه تستاهل

لكن حكه صغيره ودك ترشها لكن في نفس الوقت بتقول ماتستاهل ارش الصدام كامل عشان حكه هذا القهر

الله يحفظكم من شر الحوادث

الحل المؤقت اذا جيت فحص 5000 قولهم ينقطوا مكان الحكه طبعا ببلاش
اقل شي احسن من اللون الاسود الواضح

**نسكافيه** · 25-01-2007, 01:30 PM

الحمد لله على السلامه

وكانك تبي نصيحتي

السيارة جديدة ووردة ماشاء الله واكيييييد جايتها عين

وفيه شيخ يقول : ان الواحد اذا شرا سيارة جديدة وجتها حكه او صدمه لا يصلحها الا بعد اسبوعين إلى شهر عشان تطيح العين

وبيني وبينك

خلها وانا اخوك عشان تطيح عين من نظلها الله يهديه

وشكرا

**راعي الهوندا** · 01-02-2007, 06:56 PM

والله انا اشهد انها عين
أنا مأمن السيارة تأمين كامل
أبي أخذ ورقة اصلاح من المرور
واديها الوكالة يصلحونها على حسابهم

**هوندا كونكورد** · 01-02-2007, 07:26 PM

بصراحة ما ادري شو مشكلة الأكورد ويا اشخوط المتعبثين اللي فالشارع

كثير من الاكوردات اشوفها مشخوطة وانا سيارتي اتعرضت لأكثر من مشخطة في اكثر من مرة

اول ما اشتريتها شخطوها من المدعمية اللي قدام و وديتها الوكالة وصبغت البونيت والمدعمية كامل صبغ وكالة وكلفني كثير

وبعدين شخطوها مرة ثانية عاد هالمرة قلت ما بصبغها لو يشخطونها الف شخطة

اخوي راعي الهوندا

ما ادري شقول لك بصراحة الله يعينك مالك الا تصبغها وكالة بس مب الحين اصبر شوي حرام اتروح تصبغها الحين وبعد يومين اتشوفها مشخوطة مرة ثانية