رجه في الفرامل مع السرعات العاليه ..

**turky** · 31-07-2009, 03:21 AM

سيارتي اذا مشيت فيها فوق 120 وسحب فرامل يطلع صووت قوي مع رجه مره قوويه مع العلم اني غيرت الهوبات والفحمات من الوكاله وقلتلهم المشكله وعطيتهم السياره جربتها بعد كذا نفس المشكله رجعتها لهم بدل الهوب ثاني مره برضوا نفس المشكله رحت لكم ورشه في صناعيه ام الحمام قالوا كلبير والكليبر سعره 3750 في الوكاله ولا ادري وش الحل ارجوا المساعده ياشباب

**ابوعليان** · 31-07-2009, 03:23 AM

ماعليك من احد هذا عيب بالهوندا الاكورد حتى عندي انا كذا

**وسيم الاكورد** · 31-07-2009, 03:34 AM

حتى عندي انا كذا طيب رح الوكاله وقلهم الي قالولك الورشه وعلى الضماااان شكلك حقاااني روووح واحنااااا معك

**Zero Cold** · 31-07-2009, 03:50 AM

إذا كنت تضغط فرامل بقوة وتحس فيه رجة هذا نظام الabs
الرجة عيب مصنعي من موديل ٢٠٠٤-٢٠٠٧
٢٠٠٨ إذا فيها دي المشكلة مدري

**HEMA14** · 31-07-2009, 04:07 AM

^^^

كلامك صحيح هذا نظام الـabs ولو ضغط على الفرامل على الاخير راح تشتغل لمبة الـ ِabs عندك في الطبلون

وعلى فكرة هذه موجودة في الاكورد حقتي كمان

والله اعلم ....

**humor** · 31-07-2009, 02:14 PM

أنا سيارتي 2009 والرجة هذي موجودة بس مو مرة بس الصوت يفجر الأذان كنها طيارة بتقلع ماشاء الله تبارك الله بس تصركذا إذا تعديت 180 وربطت فرامل حتى الفرامل ما اضغطه قوة ومع ذلك الصوت موجود

**turky** · 31-07-2009, 05:51 PM

اخووان هذا مو صووت abs واضح انه في مشكله في فرامل الهوندا عامه على العموم مشكورين وبسبه للضمان سيارتي ماشيه 213000 الف يعني الضمان راح ..

**samisaeed** · 01-08-2009, 11:21 AM

تعبتني هذه المشكلة سويت خرط هوبات وغيرت الاقمشة وتروح فترة ومن ثم ترجع رجه عند مسكة الفرامل عشان كذا شلتها من راسي ومادام المشكلة عامة هذا عيب بالاكورد

**فيصل500** · 01-08-2009, 11:35 AM

ياشبـــاب تحــبــون نعـــزم ونشتــري هوبات رياضية وقماشات سيراميك

ودي اجرب ومتخوووف

تقريبا يبيلها من 4300 ريال الى 4500 هذا طبعا كلام الوكيل اللي بجدة والهوبات dba
واللي مجرب يقولنا

وتقبلوا مروري

**ابو تمره** · 02-08-2009, 11:08 AM

نفس الشيء عندي

ووديتها الوكاله

وقالي مافيها شيء

ولان توني اكتشف ان الشعب كله مثلي

انا معي

2009 اسبشل

بس برجع لهم

وبشوف وش يسون
لان هم يوم يسون تجربه

الفلبينيني بالتست مايتعدى ال 60 او 100 بالكثير بالسرعه ويوم يوقف فرامل مافي شيء

بس لما يتعدى ال 160 او 180 من جد تحس مافي فرامل

شيء يخووف

بالتوفيق
ابوتمره انا

**بلال العلمي** · 02-08-2009, 12:05 PM

المشاركة الأصلية كتبت بواسطة turky

سيارتي اذا مشيت فيها فوق 120 وسحب فرامل يطلع صووت قوي مع رجه مره قوويه مع العلم اني غيرت الهوبات والفحمات من الوكاله وقلتلهم المشكله وعطيتهم السياره جربتها بعد كذا نفس المشكله رجعتها لهم بدل الهوب ثاني مره برضوا نفس المشكله رحت لكم ورشه في صناعيه ام الحمام قالوا كلبير والكليبر سعره 3750 في الوكاله ولا ادري وش الحل ارجوا المساعده ياشباب

عمري ما سمعت احد يغير كليبر الا بسبب حادث

عندنا كرسيدا موديل 1979 وعمرنا ما غيرنا كليبر

بالنسبة للرجة والفرامل كل السيارات كامري التيما واكورد فيهم نفس الشي

صعب انها تتحمل قيادة رياضية مع ان المحركات رياضية

بس اذا تبي تمشي 160 وتوقف خلال 3 ثواني ويطول معك ركب هوبات رياضية وفحمات رياضية والشباب ما راح يقصرون معك ان شاء الله بس السيارات هذه بس فراملها ما يتحمل القيادة الرياضية

**turky** · 02-08-2009, 01:20 PM

يعطيكم العافيه ياشباب ..

**أكورد الدخيل** · 08-08-2009, 10:56 AM

وانا متوهق جالس افر المنتدى ادور على حل لذي المشكله اثاريها مع الشعب كله ... الله يعطيكم العافيه بس لازم نقوم على الوكاله الين مايحلون المشكله هذي ..............

**نصر القصيم** · 10-08-2009, 01:49 PM

أنا عندي نفس المشكله

2009

رحت لهم ألف مره

يخرطون الهوبات ويغيرونها ويغيرون الفحمات وكل شئ سووه

ترجع المشكله

شكلها عيب مصنعي

**accordyon** · 11-08-2009, 03:26 AM

انا ماتجي عندي الرجه الآ لما تكون الفحمات قريب تخلص
او مخلصه بس من اركب جديده تروح
طبعاً اخذ الفحمات من محل قطع غيار هوندا وتوني مبدلهم قبل 3 ايام
والسياره زي الفل واليوم مجربها وانا راجع من الدوام مشيت 200 وهديت
ماصار شي

**--قصوب--** · 11-08-2009, 05:32 PM

انا اخوي صارله نفس السالفه غير الهوبات كلها الاماميه جديده والخلفيه من التشليح وزبطت واذا a b s قاهرك افصله وريح نفسك

**saalmalki** · 12-08-2009, 04:39 AM

يا ناس المشكله ذي يبيلها حل انا اغير فحمات كل 15000 مو حاله ذي
كله علشان الصوت ذا الي يخرع ويخوف ويخلي الواحد ركبه تتنافض من قوة الصوت

لازم يكون له حل

يا ناس يا هو اانا بجد اعاني اجل بالله احد يغير فحمات ويخرط هوب والسياره بعد ما مشت 14000 السياره لسى جديده

طيب اذا تعدت 200 الف وش اسوي افرمل برجولي

**اعطوني عين** · 13-08-2009, 01:36 AM

عندي نفس الكلام لكن لاتخاف تراهاabsنظام مانع الإنزلاق كذا عمله وشكرا;)

**gray2008** · 13-08-2009, 02:41 PM

ال a b s ماله صلاح في هذي الشغله

ال a b s لو اشتغل تحس فيه رجه صحيح لكن مو زي اللي يتكلم عنها اخونا راح تحس رجه حتى في دعسة الفرامل تدف رجلك وانت ضاغط عليها ----- هذا ال a b s

لكن اللي هو يتكلم عنه مشكله معروفه في الاكورد ومالها حل الشركه تقول لك نخرط لك الهوبات وانشالله تروح
وترجعلهم مره ثانيه يخرطونها لك ولا يغيرون لك الهوبات كامله ولكن ماتنحل المشكله
هذا لانك على سرعه عاليه وتبغى توقف السياره والهوب يسخن مع احتكاك القماشات فيه ويبدا يطلع هذا الصوت وتبدا الرجه وتزيد كل مازاد سخن الهوب
ولكن طبعا مالها حل الا انك تخربها وتغير هوبات رياضيه وتريح راسك -- هذا والله اعلم
انشالله اخوانا اللي عندهم خبره يدخلون على الموضوع ويفيدونا اكثر

-لاتتعب نفسك هذي احد المشاكل اللي لازم تتأقلم معاها وبعدين ياخي ليش تمشي 160 وتبغى توقف في 10 متر

هدي من بدري عشان لاتسير معاك المشكله وخلاص :d

**بلال العلمي** · 13-08-2009, 03:00 PM

الـ abs

ما يشتغل الا في حالة المطر او ضغط الفرامل الى اخر مداه

لان فكرته حساسات تقيس سرعة الاطار طبعا اهم شي انه ما يمسك ويقفل ويخليه يتحرك متى ما قفل ووقف الكفر

**some one** · 13-08-2009, 10:30 PM

السلام عليكم

......................................... الصوت هاذا شي طبيعي لي سنتين متعود عليه ....................................
........................................ ووو الحمد لله ماصار شي بالسياره اللهم الفحمات تنتهي بسرعه......................
........................................ لا تسرع وما تسمع الصوت ههههههههههههههههههه............................... ...
تحياتي...

**بوحه** · 19-08-2009, 04:38 AM

السلام عليكم ترى الصوت في كل الاكوردات انا عندي نفس المشكله كم مره رحت للوكاله بس مافي فايده اخر شي سويته خرط يدوي صنفره باليد احسن من الخرط بالمكينه وان شاء الله تفيدكم بس اهم شي غير الفحمات