عرض للطباعة
الله يرحم والديك اخووي
وجزاك الله خير يأخ بلال
اخوي كم السرعه المطلوبه تقريبا وكم اجلس امشي ساعه ساعتين كم بالظبط؟
ثانيا هل لازم اغير الزيت عند الي ذكرتهم قلف او الوكاله؟
اذا اعرف مشحمه وواثق فيه مايصير اغير عنده؟؟
وسؤال اخير وهو الاهم
انا معي اكوورد 2006 اخذها مستعمله 4 سنلدر
ماشيه الان 130 الف
ومدري هل صاحب السياره قبل مغير زيت اولا؟
انصحني وش اسوي الله لايهينك هل اغير ززيت القير ثلاث مررات او ازود بس او كيف؟
الله يجزاك عنا كل خير ياليت تفيدني باسررررع وقت
اقتباس:
والان نظف القير ولا تغيره الا كل 40000 كيلو لاجل حماية جيبك من الاستنزاف
يعني الحركة هذي أسويها مره واحدة فقط بعدين كل 40000 كيلوا أغيره مره واحدة ؟؟؟
جزاك الله خير على المعلومات الجيده والمهمه
بس في الشركه يقولو اول تغييره للزيت في 60000 الف بعد كذا كل 40000 الف غير الزيت
ما ادري امشي على كلامهم ولا اغير اول تغييره في ال 40000 الف
ارجو الافاده مع العلم ان سيارتي ماشيه تقريبا 37000 الف وشكرا
اقصد زيت القير او الجربوكس ...... وشكرا
اقتباس:
المشاركة الأصلية كتبت بواسطة عـ acord ـزوز
لا ما يحتاج تمشي ساعتين تكفي نص ساعة المرة الاولى والمرة الثانية بس بتسارع قوي
بالنسبة لموضوعك حاول على قد ما تقدر انك تعرف هل كان صاحب السيارة يغيرها في الوكالة ولا لا
والوكالة يكون عندها في قاعدة بياناتها في الشبكة اخر اربع شهور والخدمات اللي سووها لك اذا موجود اخر مرة غيرها
يكون افضل يعني اذا انه مغيرها اخر مرة على 80000 كذا عادي ان شاء الله غيرها
بس اذا والله من زمان وما غيرها هنا ما انصحك لاتنظف ولا حتى تغير
كثير مشوا على القير مسافات طويلة بدون تغيير الزيت يعني 100000 ويوم يجون يغيرون الزيت يخبط معهم القير تماما
حاول تشوف سجل الوكالة
اذا انت في الرياض روح وكالة طريق خريص واسألهم في الخدمات السريعة وقول ابي اطلع سجل وتاريخ الخدمات للسيارة
اقتباس:
المشاركة الأصلية كتبت بواسطة abu khaled
لاجل نظافة اطول سويها كل 80000
الطبيعي تغير الزيت كل 40000 بس التنظيف كل 80000