اشكرك اخوي بلال على الموضوع المفيد جداً
ردي هنا ما كتبته الا تأكيد لكلامك اللي موجود في دليل المالك لكل سيارات هوندا .. بس وين اللي يقرا ؟!
يا شباب طريقة التنظيف هذي مفيده جداً للقير وتحافظ على طول عمره . واللي يحب يتأكد من اللي ما يغيرون زيت القير الا بعد مسافات طويلة الله لا يهينه ينزل تحت السيارة ويفك الصرة وقت التغيير ويشوف بقايا برادة الحديد في الزيت . ترا ما يعدم قيور سياراتكم الا الزيوت اللي تمشون عليها حتى تفقد لزوجتها وتصير اقرب للمويه وآخرتها تبدا الكلتشات والتروس تاكل بعضها حتى ينتهي بها الحال للتوضيب !!
بس في ملاحظة :
في نظري الموضوع هذا مفيد اكثر لأصحاب الـv6 لانهم اكثر من يشتكي من اعطال القير
والسبب والله اعلم يرجع لعدم تحمل القير لقوة المكينة مثل السيارات الامريكية
يعني تطمنوا يا اهل الدبابات (الاربعة سلندر) الموضوع ما يعني الا الحريص منكم . اما الاكوردات من 1998 الى 2002 وبعض موديلات الاوديسي فهذي فيها عيوب مصنعية بالقير بس شركة هوندا للحين ما تبي تعترف !!
رد مع اقتباس
مواقع النشر (المفضلة)