وش السبب برائيكم ؟

**لعيونها** · 02-08-2009, 01:12 AM

طلع صوت في السيارة يعني تحس ان المكينة مخنوقه ( حنة اشوي ) كنت اتوقع انها البواجي وغيرتهم ( بس اطلعوا محترقين اشوي ) وكان لازم أغيرهم .. بس الصوت لازال مافيه هدوء .. والكهربائي يقول ممكن عندك الدبة الصغيرة اللي بأول الشكمان ( فلتر العادم ) تعبانة ويبي لها تغيير ولا أكد انها هي .. بس يقول احتمال انها كاتمة الهواء مايخرج براحة .. حتى المكينة حااااره مره أول مافتح الكبوت ....

اللي ودي اعرفه من خلال خبراتكم .. تتوقعون هي اللي قال عليها .. واذا شلتها أركب واحده من اللي عند حقين الشمكانات أو لازم حقت الوكالة .. مع ان واحد من الشباب يقول ان اللي تباع في وريش الشكمانات افضل من حقت الوكالة .. لأنها على حسب كلامه تكتم الهوا بعكس الثاني اللي تسمح بمرور الهواء بسهولة .. وش رايكم هي السبب أو في غيرها أسباب لهذا الصوت .
السيارة اكورد 2007 .... 4 سلندر

الله يعطيكم الف عافية

**K.H.A.L.I.D** · 02-08-2009, 01:21 AM

نفس المشكله عندي من ثلاث شهور

بس اني متجاهل الصوت

ويطلع عندي بس لادعست للسياره وخليها تعشق على الظغط 4

ماتوقع انها مشكله كبيره ~

**لعيونها** · 02-08-2009, 01:49 PM

يسلم راسك ياخالد على المرور
والمشكلة والله بصراحة فكت مخي مدري وش هي
وأخاف أغير هالدبة اللي بالشكمان وتطلع موب هي واتحسف

منتظرين آراء الخبرات .. يعطيكم الف عافية

**بلال العلمي** · 02-08-2009, 02:38 PM

سيارة موديل 2007 صعب ان الدبة تنسد فيها

الشي اللي يسد الدبة في السيارات القديمة هو انك تمشي والتانكي فاضي يعني مولع لمبة التانكي

فعلشان كذا استبعد انه من الدبة

وسيارتك جديدة لسه 2007 ماشاء الله فمستحيل الدبة تنسد

تنسد اذا كانت قديمة اكثر من 10 سنوات واذا كنت تمشي بالتانك الفاضي فقط بس اذا والله مهتم ان شاء الله ما تنسد الا بعد 20 سنة تلقاها خلاص كاتمة السيارة كتم

**لعيونها** · 02-08-2009, 10:57 PM

ربي يسعدك يا بلال .. ويطمنك
بصراحة رحت العصر الصناعية وسألت عن القطعة وسعرها .. كل محل ادخلة يقول ماعندنا هذي القطعة الا بالوكالة .. وعلى قولتهم غريبة تسأل عنها .. هذي ماتخترب ولا نحرص على توفيرها .. لأنها بالعربي مش مطلوبة بكثرة .. وقليييييييل من يطلبها ... المهم في الأمر ان فيه واحد من المحلات الثلاثة اللي دخلتها سألني العامل يقول تبي نوفرها لك من الوكالة طلبية ؟؟ قلت له طيب هي بكم سعرها أصلاً .. بعد مافتح الكاتلوج وأخذ رقم القطعة وراح لكمبيوتره قام يطقطق وبعدها قال هذي سعرها في الوكالة 3000 ريال تقريباً وعلينا بعد خصم الوكالة 2400 تقريباً وراح نعطيك اياها بخصم الوكالة الـ 25% أي بنسبة 20 % علي وخمسة % لهم .. يعني تطلع علي 2500 تقريباً يبي لها حسبة .... وبصراحة يقول انت أول واحد يطلبها !! ما جانا أحد يطلبها قبلك ... وعلى كذا شبة تأكدت ان مالها دخل بها الصوووت .. واللي قطع الشك ردك الجميل .. يسلم راسك ..... الله لا يحرمنا من الطيبين أمثالك .. تحيتي للجميع

**King** · 03-08-2009, 12:38 AM

حاول ان تفحص السيارة قبل ان تدخل في متاهات ومشاكل قد لا تكون هي السبب

و قد تكون المشكلة بسيطه وانت تحل مشكلة آخرى , سوف تتعب بالطريقة هذه

الفحص بإذن لله سوف يظهر لك المشكلة , بالتوفيق

**المباشر** · 03-08-2009, 04:56 AM

مجرد أقتراح : مافكرت تبدل فلتر الهواء مع تنظيف المنظم

**بلال العلمي** · 03-08-2009, 08:37 AM

المشاركة الأصلية كتبت بواسطة المباشر

مجرد أقتراح : مافكرت تبدل فلتر الهواء مع تنظيف المنظم

صوت الكتمة يجي من الفلتر وكملها تنظيف منظم بخاخ وتطلع السيارة طيارة

**لعيونها** · 03-08-2009, 02:08 PM

المشاركة الأصلية كتبت بواسطة المباشر

مجرد أقتراح : مافكرت تبدل فلتر الهواء مع تنظيف المنظم

ووالله البارحة بعد ماخرجت من الصناعية .. رحت لأحد هالبناشر وقلت له نظف لي فلتر الهوا .. ونظفه ماقصر بس قال لي ترا عندك شق في الجلدة ... أي جلده ؟؟ قال الجلدة اللي تحيط بالفلتر أما الفلتر ماعليه تمام .. ووراني اياها .. وبالفعل مقطوعة يعني ماتكمل على اطار الفلتر .. ووقتها كنت بشتري فلتر على بس المحلات قفلت .. وباذن الله باشتري واحد .الليلة وأشوف ..
أما عن المنظم ما أدري يالغالي عن طريقة تنظيفة .. وهل أي ميكانيكي يستطيع ذلك ؟ ربي وفقك ويرعاك

**لعيونها** · 03-08-2009, 02:12 PM

المشاركة الأصلية كتبت بواسطة بلال العلمي

صوت الكتمة يجي من الفلتر وكملها تنظيف منظم بخاخ وتطلع السيارة طيارة

المنظم هو على ما أعتقد البخاخ .. بس يالغالي لو كان مكررربن يطلع صوت السيارة كنه مخنوق .. وافضل مادة تنظيف له وش هي .. هل ببخاخ تنظيف الكولبليترات العادي .. أو فيه مادة افضل للسيارة .. يطول لي بعمرك عزيزي

**بلال العلمي** · 03-08-2009, 03:08 PM

لا اخوي منظم البخاخ يتنظف بالطريقة هذه اللي في الفيديو

[ame]http://www.youtube.com/watch?v=KwdYzWzc170&feature=player_embedded[/ame]

**لعيونها** · 03-08-2009, 11:27 PM

تسلم يمينك يابلال
أبشرك يالغالي غيرت فلتر الهوا الليلة واحس انها تحسن الصوت
وأخذته بـ 90 ريال بعد الخصم .. هل هذا سعره والا مبالغ فيه ؟
لأني أخذته من الوكيل مارحت لأحد ثاني .. خوفي من التجاري .

يعطيكم ربي الف عافية