الصيانة لدى الوكيل ... و مشاكلها

**NEO FOX** · 10-05-2006, 03:56 PM

السلام عليكم

نواجه مشكلة مع صيانة هوندا لدى الوكيل بالسعودية .. و هي المواعيد !!!

اتصلت من 3 اسابيع لأحجز موعد لصيانة سيارتي الـ 2005 و التي وصلت الى 20000 كلم ... و قالي بعد 5 ايام ... قلت طيب ... طبعا من هنا الى 5 ايام ما تدري ايش يصير و جا الموعد و ما قدرت اوديها يومها لظروف العمل ... جيتو بعدها قال لا اتصل و احجز !! .. قلت انا الغلطان ... بعد اسبوع اتصلت لأحجز !! .. قالي بعد 4 ايام قلت اوكي متى تخلص قالي بعد 3 ايام !!! وكانت هذي القشة الي قسمت ظهر البعير ( او الثعلب) ... سألتو ايش السبب الي يخلي السيارة عندك 3 ايام ... السيارة يبغالها فحص و ماهي مصدومة ولا شي !!

قالي الفلبيني عشان ضغط !! ، قلتلو الضمان يجبرني اجيبها لك .. ولا خسرت الضمان .. و ما عندي الا سيارة واحدة ... و تاخدها و تبيتها عندك !! .. وانا امشيها كعابي !! ... يوم قمت ارفز على السماعة صرفها و قالي الفنيين بجدة للتدريب !! .. وعلى فكرة فرع مكة و جدة نفس المشكلة !!!

تويوتا وصلو 60 دقيقة الفحص و صيانة هوندا لورا ... اذا كانت هوندا مهتمة تبيع و تسوق ... طيب وبعدين !؟

ما أدري الشباب واجهو نفس المشكلة ولا انا محظوظ ؟

**أبان الطباع** · 10-05-2006, 04:06 PM

إن كنت محظوظ فهو تميز حقاً حتى بالحظ!
واسمح لي بالمناسبة أن أعبر عن إعجابي بتوقيعك الذي يخلوا من هوندا!

أما عن مواعيد الصيانة فهي مزعجة حقاً إن كانت كذلك مع الجميع.
أنا واجهتها بغيار الزيت، فأصبحت لا أغيره إلا في وقت متأخر مساءً فلا يكون هناك ضغطاً، أما عن الصيانة ننتظر آراء الزوار، وإن كنت واثقاً من إعطائهم مواعيد متأخرة مما سمعته.

ولمزيد من التوضيح نرجوا ذكر المنطقة التي واجهتك بها المشكلات مع الوكالة، لعل وعسى أن تصل نسخة من هذه المواضيع إلى وكالة عبد الله هاشم.
شاكر لك موضوعك المهم حقاً.

**اتــشـــــ** · 10-05-2006, 05:28 PM

اخوي NEO FOX حاول انك لابغيت تسوي صيانة انك تروح للوكالة في نص الاسبوع لانه اوقات يكون عندهم امكانيه انهم يستقبلون منك السيارة حتى لو ماعندك موعد مسبق .
انا عن نفسي اوقات ازرقلهم (امرهم) الصباح القاهم من قوة الفراغ يهشون ذبان :D .

**NEO FOX** · 13-05-2006, 10:38 AM

السلاك عليكم ...

المشكلة صارت معي بفرع الدمام .. الي على طريق الدمام الخبر .. بصراحة أنا كنت اوديها لهم من غير موعد .. وياخدوها و آخذها اليوم التالي !!

لكن لأنو قالي المرة الجاية لاتجي من غير موعد فهذا التظام الجديد ... قلت لازم نمشي على النظام ... وواحجت هذي المشاكل ... شكل بطب عليهم و علي و على اعدائي

هوندا ... بصراحة وانا اسوي التوقيع ... فكرت احط صورة سيارتي ولا نافورة جدة ... يختي عليها نافورة جدة ... لكن انشاء الله اصور سميرة (سيارتي الأكورد 2005 ) وانا معاها واحطها يالتوقيع ....

اتش ... مشكور على المداخلة وفعلا شكلي بسوي الي تقول عليه

تحياتي