السلام عليكم ورحمة الله وبركاته

شباب أتمنى آلاقي عندكم حل للكمبرسور لانه مجنني ومش محصل له حل حتى في الوكاله

سيارتي أكورد 2003 من كم شهر صار الكمبرسور يفصل بالمرة ويجيب هوا حار وأحيانا

تطول الشغله واحيانا بس فترة بسيطة ويرجع بارد واحيانا يضل يوم كامل او يومين مايشتغل الكمبرسور

وديته اكثر من محل يقول لازم تجيبه وهو فاصل والمشكله لوديته عنده وهو فاصل

مايمديه يشيك الا يشتغل << تقول السالفه عناد

وديت السيارة للوكاله وفحصوا نظام التبريد وقالوا لي ماعندك مشكله بس الراديتر يبي له تنظيف

قلت لهم عن المشكله قالو لي نفس الكلام اذا فصل الكمبرسور جيب الموتور ونفحصه

والمشكله وانا عندهم قبل لا ادخل الموتر الورشه كان فاصل الكمبروسر

وما امداني دخلت الموتر الورشة الا اشتغل << ماقلت لكم السالفه عناااد


واحد من الشباب موتره فورد وعنده نفس المشكله وللحين مش لاقي لها حل


يا ليت الي عنده حل يفيدني او اي احد مر بمثل هالتجربة