سـؤال عن الفحمات

[ملك الأكورد]

السلام عليكم ورحمة الله و بـركاته ..
أخـواني عندي إستفسار عن :
- الفحمات كم سعرها بالوكـالة ,؟
و كم سعرها مع التركيب .. ؟
وكم يستغرق الوقت .؟
متشكر آوي آوي ..

[ياسر الشمراني]

وعليكم السلام

اعتقد سعرها 347 ريال (بعد الخصم)
التركيب اعتقد 100 أو 150 ريال .

الوقت : على حسب الظغط في الوكالة

موفق حبيبي .

[دكتور هوندا]

انا غيرت الفحمات و خرطت الهوبات , ركبت فحمات صينيه ممتازه ماعليها خلاف , بس عيبها يطلع بعض الاحيان صوت و ريحه .انا مانى راعي خطوط .

الفحمات من شركة Uke بصراحه يوم شفت الاقمشه الاصليه اللي كانت مركبه كانت قطعه واحده و مشقوقه مع النص , الصينيه قطعتين بينهما فاصل .

الاقمشه رخيصه مع الخرط و التركيب حوالى 200 ريال .

[ل م س 3 3 4]

هلا اخوي الفحمات الاماميه والخلفيه تحصلها عند الوكاله بحدود 450 وفيها وبخصوص التركيب يمكن تكلف 200

[الطبل]

الكلام الاكيد:p

الفحمات الاصلية في الوكالة
بـ 347 قبل الخصم بعد الخصم بـ 270
وتركيب اليد قي الوكالة بـ 100 ريال
وخارج الوكالة بـ 30 ريال

وخرط الهوبات في الوكالة ( ماتخرط هوبات بس تغير )
وخارج الوكالة الهوب بـ 25

وسلامتكم

[JUVENTUS]

الوكاله خارطين الهوبااات الأماميه حقتي
والفحمات الأماميه غيروها على الضمان وكنت ماشي عشرين ألف كيلو:p

[الطبل]

الوكاله خارطين الهوبااات الأماميه حقتي
والفحمات الأماميه غيروها على الضمان وكنت ماشي عشرين ألف كيلو:p

سيارتي وقت صيانة العشر الاف
عند موظف اسمه ( شهباز)
رئيس العمال

قلت له عندي رجة جامدة اذا هديت وانا ماشاي فوق الـ110
شيك الفحمات لقاها سليمة
والهوبات معدومة:p

وقت استلام السيارة سالته وش سويت
في الهوبات خرطها ولالأ ؟؟؟قالي والله الشاهد على كلامي
هنا مافي خرط هوب انا غيرت لك هوب جديد....وانا فرحت وقلت انت احسن واحد هنا
مع السلامة


كان معي واحد من العيال قالي بدالهم غيرو الهوبات
غير فحمات جديد قلت اوكي
وغيرتها من الوكاله بالسعر الموظح
في الصناعية بـ30 ريال




احس اني طولت;) ;)

[ن ك د السـعــــوديه 3 5 7]

الوكاله عندهم خرط هوبات

[k363k]

تبي نصيحتي الله يخلي ورشة الجنوب بالصناعية تركيب ب 30 والفحمات في نوع ياباني 95 زي الحلاوة انا مركب منها كرتونها ازرق حقين الورشه يعرفونها

[kandeno]

الاقمشة الخلفيه ...
سعر الاصلي 190 ريال طبعا من الموزعين وليس محلات قطع الغيار التابعه للشركة
وسعر الياباني (تجاري) 90 ريال

طبعا وحسب اللي المقارنه اللي شفتها الفرق بينهم الكرتون فقط لاغير

وغيرت التجاري والحمدلله ماشيه زي الحلاوه

[JUVENTUS]

حياتي يا قلبي ياعمري أنا عندي فاتورة الوكالة فيها خرط الهوبااات وتشيك الفحماااات من شهباز أبو شنب حبيب مره.!.!.
فرع خريص ....

يمكن هوباتك تحتاج تغيير مو خرط.!.!.!.
:d

[الطبل]

حياتي يا قلبي ياعمري أنا عندي فاتورة الوكالة فيها خرط الهوبااات وتشيك الفحماااات من شهباز أبو شنب حبيب مره.!.!.
فرع خريص ....

يمكن هوباتك تحتاج تغيير مو خرط.!.!.!.
:d

يمكن والله :o

معناة سيارتي توها كانت ماشية 11,000
تحياتي على مرورك ;)

[kandeno]

توضيح ياشباب ...

خرط الهوبات في الشركة يسونها للاماميه فقط
اما الخلفيه فيتم تغييرها بجديده ...
لان الخلفيه اذا تعرضت لخرط تضعف ويمكن ان تتعرض للكسر بسهوله ...

هذا للتوضيح والله اعلم

[ياما نسيت]

السلام عليكم ورحمة الله

انا طلع لي صوت لما وصلت 15000 كلم وديتها الوكاله وغيروا الهوبات على الضمان مع الفرامل

امس رحت اغير الفرامل الأماميه عند ورشة الجنوب التركيب 30 والخرط 50 الأمامي فقط

اما القطع من عند المحلات اللي قدامه اصلي قبل الخصم 270 بعد الخصم 200 ريال كلفتني كل شيء 280 ريال يابلاش

غيرتها اول قبل سنه عند الوكاله تقريبا 500 ريال فرق