الموضوع: لأهل التجربة وين القى مفتاح اسبير ؟؟

هلا اخوي

انا قبل كم اسبوع نسخت مفتاح الاكورد مالتي موديل 2009

نسخته ب 45 درهم .. هيه نعم .. بس 45 درهم ويشغل السياره وبدون برمجه

قال لي اذا تبغي البرمجه ب 450 درهم ..ويكون المفتاح خاص في CHIP

بس قلت له ابغيه عادي .. ( ابغيه حق الدريول - اقصد السواق لوول - لاني عطيته نسخه عشان ينظف السياره من الداخل)

رجعت البيت وجربت المفتاح شغال .. وقلت خله اجرب اذا يشغل السياره .. وبالفعل .. شغل السياره ..

شي غريب .. كيف يقولون انه فيه كود داخله؟؟؟ ما اعرف ..

والله شي عجيب فعلاً
أنا اللي أعرفه واللي مجربه فعلاً
كانت معاي لومينا وضاع المفتاح المشفر وحاولت أشغلها بالمفتاح الثاني السبير طبعاً بدون تشفير ( ما اشتغلت ) لأني على قولة الفني مقفلها مرتيين ( ضغطتين ) على زر الاقفال واللهم فتح الباب فقط .. وأخذت لها مفتاح من ( عالم القطع بالدمام ) وقصيت وشفرته ( بالعمودي ) ...
عن الهوندا أظن نفس الشيء بس حالتك ( غريبة ) والا أنا ماعندي معلومة كافية عن الهوندا .. بس بعد ما سألت الفني بـ ( العمودي ) جاوبني بأن الشفرة أو ( الكود ) ما وصلهم للحين .. وليس لي الا الوكالة ...... منتظرين مداخلات الأخوان ...

ومشكور Mr-AlJoKeR على المرور والتعليق .. يعطيك العافية

العفو ..

بس انا المحل اللي رحت له .. كان عنده الجهاز اللي يقرا الكود .. وقال يقدر ينسخ لي مع الكود

الله يوفقك وايسر لك امرك

الله يجزاك خير يالغالي
يعني على كذا نفصل مفتاح بالأمارات !! فيه محل قريب من ديره دبي ؟!
تحيتي لك وتقديري لشخصك الفاضل

المحل اللي رحت له في منطقه ( هور العنز ) في ديره

والله نسيت اسمه .. بس الريال سوري اللي يشتغل هناك ..

واذا انت تبغي تتاكد انه شغال وكل شيء ..انسخ المفتاح اللي ب 450 ..

وان شاء الله باجر بجرب السياره بالمفتاح المنسوخ .. لان سيارتي مب موجوده عندي الحين

السعر 450 درهم شامل قيمة المفتاح مع التشفير ؟
على كذا يبي لنا روحة لدار الحي ...... تحيتي لك

هيه نعم اخوي .. ب 450

وحياك الله ... الدار دارك ..

الله يعلي شانك ومقدارك
وتسلم لي ويسـلم راسـك