الموضوع: جرس انذار السرعه والحزام وكللش .....اخييييييييييييرا عرفت افصل امه تعال شف وشلون

سلاااااااااام
هالحركه من اختراعي فا لحقوق محفوضه <<<اقول اها بس


المهم طبعا بما اني دايم امسك خطوط بهوندتي السياحيه اللي بفتحه

كان الجرس الحبيب اكبر اعدائي
وطبعا ما بقيت محل الا وسألته عن فصل الجرس قالولي ما فيه الا فصل الطبلون كلله
كلت عاد كولو موز <<<ما وده يخربها وتطردونه




المهم طبعا مع التعطيل والفضاوه
قلت يبو ماني طالع من السياره الا وانا لاقي من وين يجي الصوت

طبعا فكيت الطبلون وهنا الطريقه
http://www.hondaarabia.com/club/showthread.php?t=1470

وبعدين اذا طلعت العداد بتلقاه مشبوك في سلك
لا تفصل السلك وخل عيونك على الخلفيه البيضا للعداد
وثم شغل السياره وطبعا بيطلع صوت الجرس
وراح تسمعه واضح مره


طبعا ترا هو مكانه جنب عداد الحراره بالضبط


المهم افصل السلك وطلع العداد
وثم فيه كلبسات على الخلفيه البيضا للعداد
فككها وبتشوف الجرس لونه كحلي وجنب عداد الحراره من ورا
ملاحظه : ما يحتاج انك تفك العداد من قدام الا اذا تبي تلمس عقارب السرعه والا تبي تسوي فيها ماشي 260 زي واحد من الاخوان اللي هنا <<<ملحوس

المهم راح تلقا ذا الجرس الكحلي ولو تبي تتأكد ارجع اشبكه في الطبلون
وشغل السياره وتأكد مره ثانيه



طبعا انا اول شي حاولت اقشع الجرس بكبره ما قدرت
ملحمين ام امه جنب عداد الحراره

فا قلت ما لي الا اني اقعد اخرم فيه

واجيب السكروب واقعد اخرم فيه اخرم فيه لين تكسر <<<<حط حره كل الخطوط اللي مسكها عليه

ويوم كسرت امه وشبكته وشغلت السياره
طلع صوت الجرس بس مرررره واطي ويالله يالله ينسمع كنه واحد منطق طق الحمير




طبعا هذي تجربتي الشخصيه واللي يسويها وتخرب سيارته
يعلمني عشان اضحك عليه واقول محد قاللك اسمع كلامي


لكن انا مرتاح عليها



واتمنى يتثبت الموضوع للفايده
واعتذر عن عدم وجود صور واجد لان اللنك فيه صور كفايه


لكن الصوره اللي في المرفقات مفيده

الدواير الخضرا هي الكلبسات اللي تفكها
والدايره الحمره هذا الجرس اللعين <<<حاقد عليه




وشكرا

يعطيك العافيه اخوي على الطريقه

وتحياتي لك
ابوفهد

مهستر ياخي انت رهييييب

موضوعك جاء بوقته

المطاقه بعد اسبوعين ان شاء الله

يعطيك الف عافيه يالغالي اتمنى لو تدعم الموضوع بالصور والف شكر

السلام عليكم

انا حليت المشكلة بس بدون تكسير

حطيت غراء على الجرس "سليكون"

واذا بغيت ارجع الصوت اشيل الغراء بس

ومشكور على الطريقة وتسلم

بعد اذنك باضيف العبارة هذي ..

المنتدى والعضو مهستر غير مسؤول عن اي اضرار تنتج عن هذي الشرح
واي خطأ او اصابة تتعرض لها هي من مسؤوليتك الشخصية

ومهستر كل مواضيعه مثبته بدون مايشاور

وااااااااااااااااااوك مشكورين على الردود

ابو فهد :
الله يعافيك

neo fox:
بالنسبه للصور
تراها موجوده في اللينك
والصوره اللي في المرفقات
فيها الشرح الوافي انشالله


انا ودي احط صور بس المشكله اني قعد سنه ارجع الطبلون محلله لأنه مررره مشدوود
فا قلت والله ما افكه مره ثانيه <<تكسرت يدينه

لاكن اللي عنده سؤال ابد يسألني واجاوبه
مع ان الموضوع ماهو ذيك الدرجه صعب

اكورداوي: مشكور على الرد
ومو لازم تكسره زيي انا
حط عليه صمغ زي اخونا 992 ومتى ما اشتقت للجرس فك الصمغ

اكورد 6 :
انت الأرهب وتكفى اعزمنا على المطاقه
وحط صور انكانك فاضي

ه س ى :

الصور موجوده في اللينك والمرفقات


992:
مشكككككككككور على التثبيت

وانت ترا طريقتك يمكن احسن
لكن انا الصراحه قلت ووالله لأطقه طق
لأني حاقد عليه


واخيرا مشكورين على الردود
ويا 992 مشكور على التثبيت مره ثانيه

المشاركة الأصلية كتبت بواسطة الاخطبوط

أما الجرس اللعين هذي توب خخخخخخخخخ

الصراحه بهذل فينا ذا الجرس اذا مااسرعت ازعجك بالحزام

وشكلها بتصير مطاقه بس مثل 922 بنحط عليه صمغ سليكون ومتى مااشتقنا رجعنا

بس الخوف لافكيت الطبلون اجيب والعيد وماعاد يتركب مكانه

تسلم والله يامهستر وبالله كثر مثل هالمواضيع المميزه

والله نفس تفكيي إذا فكيته ما أعرف أركبه

يسلمووووووو


على الطريقة الرايقة

اللي مايشرح الطبلون اليوم

ههههههههه

8
8
8
8
8

والله مدري يمكن ناسي من اللي كاتب الموضوع



ومشكورين على الردود

مشكوووووووووووووووووووووووووووووووووووووووووووور اخوي
فكيتني من ذا اللي ما يعرفون يروحون للنك ويقولون لي حط صور




وانت كلكم حبيبين مع الجرس لانكم ما تمسكو خط كل خميس وجمعه من الرياض الى الخبر

وترا حركهه التكسير اعتبرها مفيده للي مقهور من شي في حياته والا مقهور مثلا من مدرس <<<موب انا ابد

ويبي يحط حرته
فا حطها في الجرس احسن لك راح ينفعك صدقني


مشكورين على الردود

يعطيك العافية على الموضوع المميز

اتوسطلك عند استاذنا 922 للتثبيت :d

ألم نقل أن لك صلاحيات خاصة في كل الأقسام!!، أم ما ميزة اللون !! ، تم تثبيت الموضوع بناء على تزكية أنور :p (أمزح فالموضوع يستحق التثبيت بكل الأحوال )

شكراً أبو راكان على الصور الآن اكتمل الموضوع
كنت أنوي تثبيته فوجدت أخونا المشرف 922 قد سبقني (ماشاء الله سباق دائماً )

مشكورين على التثبيت
احسس اني شخصيه مهمه <<<والله محد جاب خبرك


ومره ثانيه مشكورين على الردود

^^^^^ لحظة لاتتسرع

تراه طبلون موب مغسلة :p

لازم يكون قدامك الجرس وباستخدام مفك عادي صغير

تقوم بسد فتحة الجرس بس لاتكثر من السليكون

واتركه ينشف ....

بعدين اربط الطبلون والف مبروك ..

ايه

قصده يعني لازم تفتح الغطا الابيض اول لانك لازم تشوف الجرس وجه بوجه

ما شاء الله تبارك الرحمن ................


اما انا يا جماعه فهو فاقع مرارتي فلم تفاهم بالتكسير ولا السيلكون ..............

..




..


ما ابي اسمع له همس ..

فجبت كماشه اخت الزرادية ( مهيب قماشه )

وفررته فرا حتى اخذ لفه على نفسه وبعدها قلت بسم الله نجرب ..!!



وركبته وشغلت السيارة كلش مضبوط يوم دققت لقيت عداد البنزين ما تحرك واعيد المحاوله ما نفع...:(


وانا اللي اعصب على مهستر

واقعد ادبر فقشه للوكاله علشان يصلحونها:p


ولكن تعوذت بالله من ابليس وقلت ما يحتاج عداد نحسب بالكيلو:d

يوم ركبته وجربت وكانت المفاجاة حيث نجحت الخطة واشتغل عداد البنزين

واما الجرس فما عاد سمعته ابدا




لكن تبون الصدق ..



له فقده ..

اقول اها

وعندي بعض الصور ابنزلهل بعد السفر ان شاء الله

موضوع يستحق التقدير والاحترام لصاحبه المبدع mhaster
وصراحة انت قدمت خدمة لبعض الناس اللي مضيق صدرهم الجرس
بس ننتظر صور للجرس نفسه بعد مافكيت الطبلون .. سواء منك او من احد الاعضاء اللي جربوا
والله يعطيك الف عافية اخوي

تحياتي وتقديري للجميع

المشاركة الأصلية كتبت بواسطة M.A.M

بس ننتظر صور للجرس نفسه بعد مافكيت الطبلون .. سواء منك او من احد الاعضاء اللي جربوا
والله يعطيك الف عافية اخوي

حبيت احط صورة للجرس نفسه علشان تكتمل تفاصيل الموضوع
وعندي سؤال اخوي mhaster هل المطلوب اني اسد الفتحة اللي فوق بسيليكون ولا وين احط السليكون بالضبط ؟؟
وايضاً عندي اقتراح : لو كان المطلوب سد الفتحة اللي فوق فاقترح نسدها بلزق (شطرطون) اسهل ومايبغى لها تعب ولا ريحة السيليكون ولا شي

تحياتي وتقديري للجميع

8
8

اليوم جربتها

حطيت لزق ثقيل ( 3M ) طبقتين على الجرس مباشره

و طبقتين على الفتحات من برا على الغطاء الابيض

بس للاسف ما حسيت فرق كبير بكتم الصوت

الظاهر ما ينفع معه الا العنف مثل ما سوا مهستر