الموضوع: سيارتي تسخن وش الحل ؟؟؟

شيك على المراوح

ونظف الشبك الي ورا المروحه بهواء مضغوط

وديتها عند كهربائي
يقول لي المراوح مضبوطه مافيها شي

وين الخبرآآآء ؟؟؟

اجل راسل المراقب كوكو كورد ترى له خبره بهل الامور

دائما ابدأ بالاسهل
بما ان كل شي تقريبا سليم
تأكد من بلف الحرارة
تقبل مروري

اخوي دامك مسحت الراس كذا خلاص مهمة الراس انتهت


والمراوح ما يحتاج انها تشتغل اذا انت ماشي بالسرعة اللي انت ذكرتها بالنسبة لمسألة تشغيل المكيف وترتفع الحرارة فهي فيها احتمالين


1- الرديتر الخاص بالمكيف فيه مشكلة

2- او بلف الحرارة مسدود وهذه تقدر تعرفها من خلال المقطع اللي انا صورته

فك البلف وحطه في قدر موية وسخنه الى درجة الغليان وشوفه هل يفتح ولا لا

وبرده عند المكيف وشوفه هل يقفل ولا لا



[ame]http://www.youtube.com/watch?v=4Axmv2gEdic[/ame]

بالنسبه لرد الاخ B Unique

انا مغير غطآء الدريتر جديد واصلي

واستخدم المويه الخضرا الاصليه

والاخ بلال العلمي

انا كنت متوقع انه من رديتر المكيف

لاني قبل فتره سويت حادث من واجهه السياره صدمه خفيفه
ورديتر المكيف لاصق تماماً في الرديتر العادي ومطعوووج على الداخل
بس هل يسخن السياره اذا كان الجو حار بعدين لاحظ اذا طفيت المكيف السياره تبرد
وبالنسبه لبلف الحراره انا لاغيه من زمان

اخوي على العموم هي حرية ترجع لك بالنسبة للبلف بس اذا شلته تصير لك نفس المشكلة السابقة وتخرب لك الراس مرة ثانية خلال اقل من ستة شهور الى سنة بالكثير ويرجع الراس يخرب مرة ثانية

بالنسبة للرديتر الامامي حق المكيف غيره لانه اذا مسدود يسبب حرارة ومنع لدخول الهواء طبعا اذا مطعوج لكن اذا فيه خلل داخله في نقلة الفريون راح يسوي حرارة في الرديتر حق المكيف نفسه ويدخل هوا حاااااار للمكينة بس جرب النقطة هذه


بالنسبة لراس المحرك تقدر تعرف بطريقة راح اذكرها لك اشلون تعرف ان راح المكينة خرب مرة ثانية ولا لا

خلاص انا بركب بلف حراره مره ثانيه
بس واحد ميكانيكي يقول لي البلف ماينفع الا في الجو البارد عشان يحافظ على درجه الحراره
بس في الجو الحار مره ماينفع ويسبب ارتفاع الحراره في المكينه

بس اول شي ابي اتأكد من راس المكينه كيف اعرف انه مافيه شي ؟؟؟
اتمنى تفيدني

طبعا راح اقول لكم طريقة فحص راس المكينة ومعرفة ما اذا كان خربان او لا


شباب كانت فيه سيفيك حقت اخوي كانت ترتفع حرارتها وسوينا كل شي لاجل تروح حرارتها ووديتها وكالتها وقالوا ما ندري ايش فيها

بعدها وديتها ورشة وقلت له افتح راس المكينة وسوي لي خراطة في احسن مخرطة وما يهم كم ياخذون

وبعدها شريت وجيه راس وركبته وسويتها عند ورشة الجنوب وما سويتها انا لاني ما ابي اتعب

المهم تمت الخراطة وتم التركيب ومن طلعت السيارة وفيها حرارة بعد

وقبل ما يركبون الراس قلت لهم هاتوا الراس واشوف ان الراس كامل الاستقامة

المهم مرت سنة وهي حرارتها عالية وماشاء الله لا شنبرت ولا انفجر راس المكينة

بس لاحظت شي

هو انه لما تشتغل شوي بس تلقى فيه ضغط في لي الموية حتى بدون ما يكون فيه حرارة
بمجرد ما افك غطا الرديتر تسمع صوت الهواء يخرج بقوة

فكرت وبحثت ولقيت ان راس المكينة اذا خرب يعني انعوج من تحت يقوم يدخل هواء ويضغطه وايضا يهرب موية ويبخره

فعلشان تتاكد اذا كان راس المحرك خربان ولا لا

سوي الخطوات التالية

1- خلي السيارة تشتغل مدة دقيقتين فقط

2-افتح غطاء الرديتر

3-ادخل اصبعك في فتحة غطاء الرديتر بحيث لا يدخل هواء ولا يخرج هواء يعني ادخل واضغط زين

4-ادعس بنزين بشكل كثير واترك وادعس واترك وكرر العملية 5 او 6 مرات

5- يجب عند الدعس ان تتعدى دورات المحرك 4 ار بي ام

6-بعده اترك البنزين تماما وخلي المكينة شغالة على وضعها العادي

7- ابعد يدك عن فتحة الرديتر

8- اذا فارت الموية للخارج بقوة فهذا معناه ان راس المحرك خربان تماما ويدخل هواء للمكينة

9- اذا ما فارت الموية للخارج هذا يعني ان العطل اما طرمبة او رديتر او اذا كان السلندر غير ثابت ويزيد الاحتكاك بجدران المكبس ويسبب حرارة

ملاحظة

تلف وجيه الراس ممكن يدخل هواء بس فيه دواء يرقع وجيه الراس قيمته 30 ريال وبعده سوي الخطوات اللي فوق وبالله التوفيق

الطريقة مجربة على السيفيك والكورولا والاكورد والكامري

طريقة ناجحة بدون ما تفك راس المحرك وبدون نصب ورش