اول شي السياره تجي معاها الوطايات وتلاقيها في الشنطه مايركبونها لك تجي في كيس كبير في الشنطه وانت تركبها بنفسك
شيك على الاستبنه وعدتها - وهم يعطونك اوراق استلام السياره وتسلم نسخه منها لقسم قطع الغيار بيعطونك على قولتهم هدايا - طفاية حريق و شنطه يجي فيها الشماسه وحقيبة اسعاف اولي وملف جلد اسود وفيه وسطه قلم تحطه في السياره تخليه للإستماره والاوراق والشغلات هذي
وبالنسبه للصيانه اول صيانه اللي هي 1000 كلم مجانيه
وبعدها كل صيانه لها سعر معين وقطع الغيار كمان لها اسعار مختلفه والضمان مايشمل الا العيوب المصنعيه
هذا الضمان العادي اللي انا اعرفه لكن حسب ماتقول انت اشتراك وفيه شباب تكلموا عنه في المنتدى انه يشمل شغلات كثيره لكن ماعرف عنه اي فكره للأسف انشالله اللي عنده علم من الشباب يأكد لك الموضوع
وبالنسبه للمكيف انا اول ماستلمت السياره جا معاي المندوب اللي اشتريتها منه وركب معاي السياره يوريني فيها شغلات واول ماسخنت السياره هو بنفسه شغل المكيف وقالي عادي مايضرها شغل المكيف وتبرد ولا تشيل هم
واول ماخرجت من عندهم على محطة البنزين عبيتها بنزين 95 فل
وبالنسبه للعازل الحراري انا اللي جربته في كول v-kool وبصراحه تظليل ولا اروع
ومرتاح فيه اما بالنسبه للشركات الثانيه بصراحه ماجربتها فما اقدر اشكر او اسب فيها
وبالنسبه للسرقه كلنا معرضين لها مهما كان نوع السياره انت حصن نفسك وحصن سيارتك وسمي عليها واستودعها ربك وانشالله مايجيها شي
وكل واحد مايجيه الا اللي مكتوب له
اتمنى اني جاوبت على كل شي وتكون استفدت من اجابتي
وانشالله يجون الشباب ويفيدونك اكثر
تحياتي واشواقي المشتاقه
مواقع النشر (المفضلة)