حنت الأكورد فحنيت لكم ,, !!

[أكورداوي]

السلام عليكم ورحمة الله وبركاته ,,

يالله .. شعور جميل حينما تضغط على أيقونة ( موضوع جديد ) بعد فترة ليست بالقصيره تغيب فيها عن منتداك المفضل ;)

بس ليت الموضوع ماكان في هالقسم الكئيب :p

ما أقول الا الله يعينك يالمباشر على الوضع في الورشه هنا :d

بروبلمي بروبلم ,, وفي روايه مشكلتي مشكله ,

هي قصه بصراحه لكن راح أقطع أجزاء منها عشان ما أثقل تصفح المنتدى عليكم :d

بداية القصه اني أعطيت واحد من أخوياي السياره قبل 3 سنوات ( لاحظوا قبل كم المشكله ومتى كتبت الموضوع :d )

المهم راح فيها مشوار صغير ما أخذ نص ساعه ولما رجع كنت أنا انتظره عند الباب واستلمت السياره منه وطلعت فيها ,

المهم صوت السياره متغير علي .. فيها حنه , لكن ماكانت واضحه لأن الكفرات كانت ميشلان ومزعجه

والسياره ذاك الوقت ماشيه 40000 كم (موديلها 2005 )

استحيت من الرجال ماكلمته عن الموضوع ,, ووديتها لورشه طلع مع المهندس قال ما أشوف ان فيه شي ..الصوت طبيعي ,

مرت سنه .. سنتين .. السياره تعدت الضمان وتعدت ال 100000 كم وغيرت الكفرات بنوع ( تويو ) وهو معروف انه هادي ورايق .. فوضح الصوت أكثر وصار يرفع ضغطي وجاب لي حاله نفسيه لأن صوت الأكورد الحلو أختفى ,,

الصوت باختصار .. اننننننننننننننننننننننننننننننننننننننننننننننننن ننننننننن :d

الصوت ياحلوين يكون هادئ في بداية الدعسه ويبدأ في الارتفاع تدريجيا الين تعشق السياره ثم يختفي من جديد ويبدأ في الارتفاع نفس أول ,, وتقريبا هو في ال 3 تعشيقات الأولى ,, أما في الخط فما يطلع الصوت ,,

الشي الثاني ,, لما أوقف عند اشاره وماسك فرامل والقير على D تكون السياره هاديه وطبيعيه .. لكن بمجرد أعشق احطها في N يرتفع صوت الماكينه

وديت السياره الوكاله أيام الفحص المجاني ,, وسمع واحد من المهندسين الصوت وقال هذي من تروس القير .. يقول ان اسنان التروس متآكله ( الله يهديها ماتفرش اسنانها :d) ويقول ان مافيه ضرر .. لكن صوت بس ,,

والحل ؟

قال توظيب

المشكله مو في التوظيب ,, المشكله فيما بعد التوظيب , مستحيل الأكورد ترجع تمام مثل اول ,

الزبده من موضوعنا هذا ,,

فيه أحد صارت له مشكله نفس مشكلتي وطلع من شي ثاني ؟ لأن المهندس احس انه سددها علي كذا من غير فحص دقيق ,

وبعدين يقولون ان الكرونه مدري المكرونه :dتطلع صوت حنه أحيانا .. هل فيه أحد غير كرونه من قبل لأن كانت تحن عليه ؟

يعني انا احس ان أبو المهند راح يمسح أيقونة ( موضوع جديد ) عشان ماعد أشتاق له :p

على العموم اتمنى من أصحاب الخبره والتجربه الرد علي .. اما المهايطه فيمدحون استراحة المنتدى وكرسي الاعتراف :d

تحياتي لكم جميعا

[B Unique]

وعليكم السلام ورحمة الله وبركاته

يا هلا والله بشيبان المنتدى
ويا مرحبا تراحيب المطر << على افتراض انك في ابها اللحين

مشكلة الحنة يا خالد منت لحالك اللي تشتكي منها والصوت فعلاً طالع من القير

الحل الوحيد طال عمرك انك توسع صدرك وتحاول تتعايش مع الموضوع وتكرف القير حتى يعطيك عمره
لان بصراحة ما اشوف اي داعي للخساير اللحين طالماً انه شغال معك وتنقيله مريح


هذي وجهة نظري الشخصية وبكيفك مع حبيبتك الحنانه

[lambo]

وعليكم السلام ورحمه الله وبركاته
مرحبا خالد .. ومرحبا ببروبلماتك ( عيدها 10 مرات ) معك .. :d
ياقو قلبك وياطوله بالك .. ( ماشاء الله ) .. بعد 3 سنوات بديت تحاول تدور ع حل للمشكله
بالنسبه للحنه .. اي سياره اربع سلندر ركبتها لازم اسمع فيها حنه حتى بالاكورد
وبالنسبه للحل .. أنا مؤيد لحل بي يونك .. وماله داعي الخساير على غير لازم
وبالنسبه للوكاله .. بعض المشاكل العويصه مايعرفون يصلحوها .. تقدر تقول تدقر معهم شوي
تخبر موضوعي .. ومشكله الصوت لما اشغل السياره وهي بارده .. للحين مو عارفين يصلحوها
وانا مسوي اذا عرفت الحل ان شاء الله اني راح أخبرك .. :(

http://www.hondaarabia.com/club/showthread.php?t=20729

تقبل مروري .. وبالتوفيق لكــ ..

[أبوكرم]

وعليكم السلام و رحمة الله و بركاته

أنا سيم سيم هازا بروبلم :(
و للآن الصوت مضايقني بس أخوي أكورداوي الصوت عندك يطلع من يوم ما تشغل السيارة ولا بعد تشغيل السيارة بـ شوي
تحس نفسك راكب كرسيدا ثمانين
و لا أحد يحاول يقنعني إنو الصوت طبيعي أعرف سيارتي و أعرف صوتها و هوا طبيعي <---- إشبو معصب :d

الله يعينني و يعينك و تكون المشكلة بسيطة

[kakashi-san]

وعليكم السلامْ ،

اثاري ما هووب بس انا اللي عندي الصوووت :d

انا نفسك يطلع الصووت كأني العب في سيارة بالسوني ..

نييييييييييييييين < كِذا ،

ونفس الشيء في الخط ما أسمع الصووتْ ،

بس عاادي موسّع صدري ولا ماخذ اعتبار ، بالعكس دام السيارة ماشيه وما فيها شيء ما علي منها ،

أما ســَالفة توظيب ، حسيت انه صارفها لك ، :d

[بلال العلمي]

الدفع الامامي مافيه كرونة او في الواقع هو مدمج داخل القير وبالنسبة للونة هذه من تروس القير بما انها تجي مع غيارات محددة واخرى لا

اكيد الاخ كان يلعب بالقير تفحيط ويلعب بالغيارات اللي في d3 و 2 و1 الين يوصل الخط الاحمر وتتفتف السيارة وكذا مو بس القير حتى المكينة تهتري


من اثارها انها تطلع صوت فقط وما يؤثر على القير

[أكورداوي]

B Unique

ياخي أحس انك ساحر :d

مره صليت بمسجد داخل الدمام الا انت بوجهي .. والحين انا اكتب موضوع ولاجبت طاري ابها والحين تقولي انت في أبها

على العموم ..سعة الصدر شكلها جايه جايه بعد الردود الي قريتها وشكل أسناس تروس صدري بتتكسر بعد من التطنيش الي بعطيه السياره :d
أشكرك على المرور يالغالي ;)


lambo

حنة ال4 سلندر صحيح معروفه لكن هذي حنه سلندر واحد :p صوت ما أقول الا مثل ماقال كاكاشي لأن جملته حلوه .. يقول كأنك تلعب سوني :p

وأما سالفة الوكاله فهم أدج من خلق ربي على هذه المعموره وانت اول المجربين :d


أبو كرم

الصوت يطلع من أول ما أشغل السياره .. لكن مايرفع ضغطي الا لما أدعس

الله يصبرني ويصبرك ويصبر كل مبتلى :(


كاكاشي ,,

ليتني اخذت سيارتك ذاك اليوم يوم شفتك في البنك عشان أسمع الصوت ;) .. وبعدين سالفة التوظيب ماطرت لي لأني لو بصلحها راح أشتري قير مستعمل أحسن من اني اوظب القير ,,


شكرا على مروركم جميعا

[kakashi-san]

^^^^

هههههههههههههه ، الله يرجّك اثاريك انت اللي حاط لي الورقة وتقول لي تحياتي لك ومدري وش :d

طيب على الأقل كتبت لي اسمك P:

دام السالفة كِذا ، امش بسيارتك لين يطيح اللي براسك ولا يطيح القير < بعد عمر طويل ، واشتر لك مستعمل من تراي ستار بالصناعيةْ ،

[المباشر]

حي الله اكورداوي

والله بخصوص مشكلتك لا تترجى رد مني الا بعد ماتنكرف عروستي ونشوف الخبره بعدين :d

عسى الله يحفظها وماتطلع لي مشاكل معاها.

سبحان الله توني مانزلت للمشاركات وكنت بكتب لك مالك الا بي يونيك ولا كوكوكورد يفيدونك بحكم أنهم أقدم وخبرتهم أكثر بالأكورد وهذا أخوي محمد عطاك المفيد :d وأكدها باقي الأعضاء

[accord05]

وعليكم السلام ورحمة الله وبركاته
أرحب حي الله الشايب ..
حلو ان الشيبان يطلبون استفسار والي يرد عليهم شيبان..:d
ماعليك من محمد ترى كلامه لك عليه ...
خذ الكلام مني بما انك ماتسمع طقطقه في التروس فإن شاء الله ماحول القير خراب .. وعندي احساس انك تتوهم..

أو
غير شريط البوري ... وان شاء الله تخف الحنه ..:d

[أكورداوي]

بلال العلمي ..

المعذره توني أشوف ردك الحين .. لأننا كتبنا مع بعض ..

والله بالنسبه لموضوع انه لعب في السياره فإن شاء الله ان يكون توقعك في غير محله لأن هذا خويي مره وما أتوقع انها تطلع منه هالحركات واذا تأكدت انه منه فأخليك أنت الي تتفاهم معه :d

شرفني مرورك ,,

كاكاشي ..

بالله انا ماقلت لك من ذيك الأيام اني انا الي كتبت الورقه ؟

أول مره أحس اني نذل .. لأن السالفه لها أكثر من 3 شهور :p

يالله على العموم تكبر وتنسى وبعدين ثاني مره خلك بالسرا في البنك ,, لاتصير عشوائي :p


المباشر ..

الله يحييك ويبقيك ,, وان شاء الله انك ماتشوف شر بسيارتك والله يبعدها عن الجميع ,,

شكرا لمرورك


accord05

لاتغلط على الشيبان حقين المنتدى ترى ماهم بهينين .. واحد كان مدير عام والثاني مشرف الاكسسوارات ,, والواسطات الى الراس يعني الباند مثل السلام عليكم عندنا :d