كم تكلفني هذي الدقة في الوكالة او غيرة ..((صورة))

**مالك الأكورد** · 06-08-2009, 09:15 PM

السلام عليكم ورحمة الله وبركاته ..

اليوم ياشباب شاء الله وشائت اقدارة ان اقبع قبعه خفيفه على السيارة لكن قوية على قلبي وجيبي :( << كيف الاسلوب :d

طبعا في الدمام وانا طالع للطريق ورى سوق حياة بلازا الا واشف الاكسنت طااير ويضرب الصدام بين بابين الاكسنت .. صح انا طالع عليه واعتبر غلطان لو هو منتبه كان طلع منها ..

بس الحمدلله على كل حال ..

واحدثت فجوة بصدامي .. يعني اضن سمكره ماافيه امل .. لازم تغغير صدام ..

عندي سؤالين ...

كم يكلفني صدام جديد مع الرش .. ؟؟ في الوكاله او غير الوكاله ..!!

واذا مو في وكالة ياليت تذكرون لي ورشه مضبوطه .. ؟؟

السؤال الثاني .. بكم تامين شامل على االسياره .. ؟؟ << بعد ايش :p

هذا والله واعلم .. :d

أطلق تحية للغالين ..

**Honda Alnasem** · 06-08-2009, 09:53 PM

ياحبيبي الله يكون في عونك راش الصدام اعتقد انه 800 او حولينها بس انا عندي صبغ الصدمات بس قالو لي الاعضاء لا تصبغ في الوكالة لانه غالي ومايستاهل ونصحوني بالورش بس ما حددووو

**HEMA14** · 06-08-2009, 11:04 PM

لحسن حظك اني سويت حادث ( :p)

واشتريت صدام امامي وخلفي

الصدام الامامي تحصلة يالغالي بـ (612) ريال

دون خصم الوكالة 15 %

لو أخذته من محلات هوندا اللي برة راح يآخذوها بـ بخصم 25 % بس راح يآخذوا خصم 5% لهم والباقي عليك يعني خصم 20%

اعرف اني لخبطك في النهاية راح تنحسب عليك 450 ريال غير الرش (الصدام اصلي من الوكالة برضو)

الرش من خارج الوكالة ارخص وبحدود 100 - 150 ريال

بس حسب اللي في الصورة اعتقد الصدام ممكن يتصلح ويرجع زي ما كان

والتصليح فايبر غلاس من 50 - 100 ريال والرش 100 - 150 ريال

نصيحة صلحها لانه حرام تشتري جديد وتخسر

**مالك الأكورد** · 06-08-2009, 11:33 PM

[quote=Honda Alnasem;266751]ياحبيبي الله يكون في عونك راش الصدام اعتقد انه 800 او حولينها بس انا عندي صبغ الصدمات بس قالو لي الاعضاء لا تصبغ في الوكالة لانه غالي ومايستاهل ونصحوني بالورش بس ما حددووو[QUOTE]

مرحبا اخوي ..

عاد 800 ريال شكلي بخليها كذا أجل .

الله يعافيك يالغالي ..

طيب اخوي انت من وين .. ووش افضل ورشة بالشرقية ..

المشاركة الأصلية كتبت بواسطة HEMA14

لحسن حظك اني سويت حادث ( :p)

واشتريت صدام امامي وخلفي

الصدام الامامي تحصلة يالغالي بـ (612) ريال

دون خصم الوكالة 15 %

لو أخذته من محلات هوندا اللي برة راح يآخذوها بـ بخصم 25 % بس راح يآخذوا خصم 5% لهم والباقي عليك يعني خصم 20%

اعرف اني لخبطك في النهاية راح تنحسب عليك 450 ريال غير الرش (الصدام اصلي من الوكالة برضو)

الرش من خارج الوكالة ارخص وبحدود 100 - 150 ريال

بس حسب اللي في الصورة اعتقد الصدام ممكن يتصلح ويرجع زي ما كان

والتصليح فايبر غلاس من 50 - 100 ريال والرش 100 - 150 ريال

نصيحة صلحها لانه حرام تشتري جديد وتخسر

طيب انت عطيتني امل ..

ثانيا تكاليف التصليح خارج الوكاله مقدور عليها تقريبا .. اذا الصدام 450 ورشة بـ100 او 150 .. يمكن أفضل ..

بس اذا بيصلح الصدام الحالي يمكن اوفر .. لكن بيرجعه زي اول والا لا :(

عموما ابي رايكم وانصحوني يالغاليين ..

**مالك الأكورد** · 06-08-2009, 11:36 PM

والي من الشرقية يقولي وش أفضل ورشة .. انا في بقيق يعني الدمام والخبر والاحساء كلها قريبا مني ..

في اي من هالمناطق الثلاث افضل ورشة تشوفونها ..

اطيب تمنياتي لكم بالصحه والعافيه ..

والله يستر عليكم وعلى سياراتكم من الحوادث ..

**HEMA14** · 07-08-2009, 01:43 AM

بس اذا بيصلح الصدام الحالي يمكن اوفر .. لكن بيرجعه زي اول والا لا

هذا يعتمد على الورشة اللي تتعامل معاها بس اكيد ما يرجع زي ما كان اول ولاكن شكليا مقبولة وماهي باينه الا في التدقيق (التركيز)

ولو كنت في جدة كنت ساعدك وان شاء الله الشباب ما يقصرو معاك

وتقبل مروري المتواضع

**B Useful** · 07-08-2009, 01:56 AM

تتصلح وترجع مثل ما كانت في اي ورشة !!

شغل فيرجلاس وبس ... ثم رش بوية ... التكلفة الكلية ماتعدي ٤٠٠ ريال .

**lambo** · 07-08-2009, 05:29 AM

قيمه الصدام الامامي في الوكاله بعد الخصم ب 426 ريال .. وراس ماله فيبر اسود ينطوي مثل الورق ..!!
حل آ خر .. تقدر تصلح الصدام بمحلات الفيبر جلاس اللي موجوده خلف الخضريه .. بتشوفها على يدك اليمين وانت رايح ع طريق الجبيل عند طقه الورش الكبيره ستار والملحم وسهم .. والتكلفه ماتعدي 150 بالكثييييير ..!!
صبغ الصدام يفضل يكون في ورشه حلوه بعيدا عن الوكاله لعده اعتبارات .. انهم راح يلطعونك بالايام وشغلهم مهو
ذاك الزود وغالييين بالحيل والصدام من اكثر الاجزاء في جسم السياره معرض للخدوش والعج والحكات وغيره .. اذا تبي ورشه حلوه عندك باسمير اللي بالخضريه اسعار معقوله وضمان 3 سنوات ولون مطابق لباقي السياره وعن تجربه
بالتوفيق لكـ ..

**Ëńġ․ℱάίśάℒ** · 07-08-2009, 07:17 AM

رخيص صدام الاربعة سلندر انا سالت في الوكالة عن صدام الستة الامامي 1300 ريال بعد الخصم يطلع 1000 وشوية

**مالك الأكورد** · 07-08-2009, 12:59 PM

HEMA14 ..

كوكوكورد

italian boy ..

كل الشكر يالغاليين على مرورك ومساعدتكم .. ولا نستغني عنكم ابدا ..

اخوي lambo ..

اذا ماعليك امر يالغالي ..

ودي بوصف ادق لا هنت .. حمستني لهالورشه ..

<<صرت استحي اطالع فـ سيارتي .. :d

ودي باسرع وقت اصلحها ..

**ابشر طال عمرك** · 07-08-2009, 01:22 PM

ضبطه بااي ورشه مايكلفك 300 يلحمون الصدام ويصنفرونه ويرشونه اطلق رشه زي الوكاله ب 250 بالكثير والفيبر ب 50 كله 300 لاتشتري ولا تتعب نفسك صدام امامي معرض لا اي شي

**مالك الأكورد** · 07-08-2009, 01:29 PM

^
^

تسلم والله ع النصيحه اخوي ..

خلاص فكرة صدام جديد شلتها من راسي ابشرك .

بس نبي ورشه تستاهل ادفع فيها ..

شكرا لك ..

**مجنون اكورد 07** · 07-08-2009, 01:39 PM

اقول انا اعرف لك ورشه يودي لك الصدام للفيبر جلاس ويصبغها لك وشغلم مضمون باذن الله اسم الورشه برج العرب وصفها اذا تعرف ورشة سهم اللي بالخضريه خلها على يمينك في مدخل بعدها ادخل تحصل الورشه على يسارك اذا تبيني اكلمه لك يراعيك بالسعر ارسل لي على الخاص

**مالك الأكورد** · 07-08-2009, 03:55 PM

^
^
ماقصرت ياغالي ..

ان شاء بسدد الفاتورة وادق عليك :o

**المخلود بحبك** · 07-08-2009, 11:17 PM

بدون صدام وكالة بالا هم
الدقة خفيفية جدا وتقدر تصلحها فيبر قلاص مع الرش أعتقد ما تتعدى 300 ريال وأنت وجيبك

**مالك الأكورد** · 09-08-2009, 12:36 AM

^
^

ما تقصر ع النصيحه يالغالي ..

لا حظ ياشباب انو ماحد رد على سؤالي الثاني ..

بكم تامين شامل ع السيارة .. ؟؟

**المـــــلكـ اكـــــورد** · 09-08-2009, 12:41 AM

على حسب شركة التأمين والقيمة التقديرية لسعر سيارتك

مثلا انا كنت مأمن تأمين شامل على سيارتي السابقة عند التعاونية وقيمتها التقديرية كانت ب 42 الف ريال

ودفعت 1750 ريال تأمين شامل +350 تأمين دولي<< في السنه*

**مالك الأكورد** · 09-08-2009, 01:43 PM

^
^

1750 بسسسس ..

خويي معه كامري 2009 راح لميد قلف قالوله 4300 ريال ..

هذا الي خلاني ابطل من التأمين ..

**kakashi-san** · 09-08-2009, 02:01 PM

وعليكم السلام ،

انا مرة سويتها بالفيبر غلاس بـ 50 ريال ،

ورشيت الصدام + المرايتين + تلميع كامل ،

حول 350 ريال كل الشغل :d

هذا الكلام عندنا بالاحساء ، محل كارس مقابل جامعة الملك فيصل ..

شغله مضبوط وأحلى من الوكالة ،

**مالك الأكورد** · 09-08-2009, 04:43 PM

^
^

مرااحب بالغالي كاكاشي ..

مدري ليش مافكرت ولا مره اروح الاحسا مع انها اقرب لنا .. :d

بكرة العصر افضى ان شاء الله ..

**slo7e** · 10-08-2009, 03:16 AM

شف وانا اخوك ما اشوف ان الطقه قويه اذا انت بتبيع قريب ودها محلات الفيبر وخلهم يعدلون الطقه و يلقطونها ببويه بدون رش او مايحتاج لا تلقيط ولا رش

وإذا انت بتوسوس اشتر لك صدام ورش عند اي ورشه وفيبر صدام محكوك خله في البيت لا بغيت تبيع ولا تمسك خط طويل يكون موجود

اعطيك رائي ثالث << بيضييعك

رح تشليح تلقي بعضهم يبيع وجهيات اكورد كامل انت سو معه مقايضه بصدامك وعطه 800 ريال فوق صدامك قيمة الرش وتلقي بعضهم بيوافق لو اغريته $$$

عيب الرش: يشهب معك الصدم + يتقشر مع الوقت وعوامل التعريه زي مايقولون + اي طقه بتأثر عليه وتبين فيه + عند البيع يطيح قيمة سياره +

الى اذا جت لك ورشه محترمه ترش مظبوط

**NeVeR LooK BaCk** · 10-08-2009, 08:44 AM

ماتشوف شر وانا من راي تظبطها بالوكاله مهما كان السعر لان هم عارفين البير وغطاه صدقني تصلحها برى بسعر رخيص بس يمكن الشغل يطلع مش ولابد

وبالنسبة للتأمين

انا أمنت سيارتي 2009 فل اوبشن

بقيمة 4333 ريال

وبعض الشباب بالعمل يقولون غلطان المفروض ماتأمن ولكن انا من رأيي التأمين شي مهم نظراً لاني انسان صرفي كثير والراتب مايجلس معاي الا اسبوع :(

وبالتوفيق للجميع يارب

**مالك الأكورد** · 10-08-2009, 07:40 PM

المشاركة الأصلية كتبت بواسطة slo7e

شف وانا اخوك ما اشوف ان الطقه قويه اذا انت بتبيع قريب ودها محلات الفيبر وخلهم يعدلون الطقه و يلقطونها ببويه بدون رش او مايحتاج لا تلقيط ولا رش

وإذا انت بتوسوس اشتر لك صدام ورش عند اي ورشه وفيبر صدام محكوك خله في البيت لا بغيت تبيع ولا تمسك خط طويل يكون موجود

اعطيك رائي ثالث << بيضييعك

رح تشليح تلقي بعضهم يبيع وجهيات اكورد كامل انت سو معه مقايضه بصدامك وعطه 800 ريال فوق صدامك قيمة الرش وتلقي بعضهم بيوافق لو اغريته $$$

عيب الرش: يشهب معك الصدم + يتقشر مع الوقت وعوامل التعريه زي مايقولون + اي طقه بتأثر عليه وتبين فيه + عند البيع يطيح قيمة سياره +

الى اذا جت لك ورشه محترمه ترش مظبوط

ياخوك ضيعتني بارائك .. :d

بس حكاية اغير صدام جديد وكل مابغيت اسافر ارد القديم .. هذي مرره كثر منها هههههههههههههههههه

وش هالمعاناهـ .. :d

وارائك كلها بائسه كأنك تقولي خلها كذا احسن خخخخخ ..

عموما ياغالي اشكر حضورك ومساعدتك .. واطيب تحيه لك ..

المشاركة الأصلية كتبت بواسطة NeVeR LooK BaCk

ماتشوف شر وانا من راي تظبطها بالوكاله مهما كان السعر لان هم عارفين البير وغطاه صدقني تصلحها برى بسعر رخيص بس يمكن الشغل يطلع مش ولابد

وبالنسبة للتأمين

انا أمنت سيارتي 2009 فل اوبشن

بقيمة 4333 ريال

وبعض الشباب بالعمل يقولون غلطان المفروض ماتأمن ولكن انا من رأيي التأمين شي مهم نظراً لاني انسان صرفي كثير والراتب مايجلس معاي الا اسبوع :(

وبالتوفيق للجميع يارب

والله الظاهر هذا الي بيصير .. بوديها الوكاله بكره واشوف كم تكلفني عندهم .. !!

لأني اليوم رحت لورشه سمكرة متخصصه بسيارات هوندا .. في صناعية الدمام وقالولي صدامك خربان لازم جديد ..:(

بخصوص التأمين والله غالي .. بس والله لابد منه .ز وانا ان شاء الله اني مأمن حتى لو بهالقيمة ..

الله يعافيك يالغالي ..

عموما انا غدن ان شاء الله بزور الوكاله واوافيكم بالجديد ..

**مالك الأكورد** · 11-08-2009, 07:27 PM

: :

ياشباب اليوم رحت لورشه عندنا ببقيق ..

كبيرة وشكلها محترمه وشغلهم نظيف وعمالها فلبين ..

المهم قالي اقل من 1100 ريال مااسويها لك ..

يقول لأنه الفيبر قلاس له بويا خاصه وبوية الوكاله غالية ..

الظاهر اني باصلحها بالوكاله لو يقولولي 2000 ريال .. :(

**lambo** · 11-08-2009, 11:43 PM

سلامات يبو ..!! رش صدام 1100 ريال .. لييييييييييييييه ..
انا مسمكر وصابغ الصدام الامامي والخلفي والرفارف الاماميه والخلفيه لجنب السياره وكله طلع ب 1400
بعد المكاسره .. وضمان 3 سنوات .. وموعاجبني السعر .. احسه غالي .. ؟؟
تبي ادلك ع الورشه بالدمام ... ابشر .. رح لمهم وسعر .. وشوف اللي يناسبك وبالتوفيق لكـ ..