الموضوع: عضو جديد

اولا: احب ارحب فيك بين اخوانك بنادي محبي هوندا

واعتبر البيت بيتك :d



1 / هل لابد من ضغط الزر الذي في القير عند كل تعشيق
اي نعم لازم تظغط زي ماهو مذكور بالكتاب المرفق للسياره
2 / هل يستحسن ان اقوم بغسل المكينة أو تركها كما هي من المصنع
بالنسبه لي ماغسلتها لان اتوقع مايحتاج وان شاء الله الشباب يعلمونك
3 / كثير من الزملاء يحذر من علبة الدركسون !!! وش القصة ياشباب
اذا اخذتها جربها لين الالف كيلو اذا فيها شي ودها لهم ويظبطونها لك
4 / ماهي الاشياء التي أعملها عند أستلام السيارة ؟ كتمرين السيارة , وتشغيل المكيف , وتلبيس الارضيات ,
تشيك على السياره بالكامل يعني الشنطه هل فيها كل المستلزمات وتلبيس الارضيه راح تلقاها بالشنطه

وبالنسبه للمكيف من اول ماتدقها سلف شغل المكيف ماعندك اي مشكله انا سويت كذا والحمدلله مافي اي مشاكل

اهم شي لين ماتوصل الالف لاتتعدى 120

تحملوني ياشباب ,,, تحياتي للجميع
شدعوه حنا هنا نخدم بعض بقدر الامكان

اتمنى اكون افدتك ولو ببعض الشي --- متعوب عليها ببعض الشي:d

تحياتي

أشكرك أخوي NeVeR LooK BaCk على ترحيبك و ردك السريع ,
جعله الله في موازين أعمالك ,

هلا بك في المنتدى وانشاء الله نستفيد منك وتستفيد منا
ـــــــــــــــــــــــــــ
وبالنسبه للموضوع ما عاد فيه شي اقوله بعد اخوووي كفى ووفا

ياهلا بالـ عضو الجديد وهلا بي :d

أولا مبروك على السيارة .
ثانيا القير ما يتحرك إلا لين تظغط على القير .
ثالثا المكينة ما يحتاج لها غسل لأنها جديدة.
رابعا علبة الدركسون ما أظن فيها شي.
خامساً أول ما تطلع السيارة أمسك خط جدة صد ورد بعدين رح الشرقية صد ورد وحاول ماتتعدى140 بعدين إذا جيت الرياض رح الغرابي ولبس الإرضيات والمراتب وبس.

يعطيك خيرها ويكفيك شرها
مليون تريليون مبروووك
زي ماقالك اخوي بس عندي تعليق بخصوص غسيل المكينة
انتبه من غسيل المكينة لالا تغسلها
اعرف شباب مسوينها صارت لهم مشاكل
بالنسبة وش يجي مع السيارة
1- طفاية حريق
2-عدة الاسعاف
3-الاسبير (الاستبنة)بالنسبة للكفرات
4- الدعاسات
5-كتيب داخل الدرج (قلم+مقياس كفر+ميدالية)
6-كوب شاي علامة هوندا عليه>>>>>ههههه
7-مناديل هوندا>>>>هههه
8-عدة طوارئ(العفريتة+المفاتيح)

ألاخوان
ا ا ب السعوديه 6 6 5 5
اكـورد وبـس
ركود وأكورد
هيموالمسعودي
شكراً على مروركم

أخوي هيموالمسعودي
"انتبه من غسيل المكينة لالا تغسلها
اعرف شباب مسوينها صارت لهم مشاكل"
اقصد الغسيل بالماء من عند الوكالة , امس رحة شفت السيارة وهي مغسلة بالماء فقط البدي والمكينة
هل هذا الذي تحذر منه ؟
لكم تحياتي

عفوا حبيبي
لا مو كذا قصدي
توقعت غسيل داخلي مرررررة لالاتغسلها حتى لو بعدين

الف الف مبروك على السياره والله يعطيك خيرها ويكفيك شرها

وحياك الله في المنتدى وكلنى انشالله بنكون عند حسن ضنك

تقبل مروري اخوك سعودي

أخواني
هيموالمسعودي
راعي الكامري saad

جزاكم الله كل خير
وشكراً على تعقيبكم , دمتم بخير