95 ولا تشيل هم
السلام عليكم ياخبراء منتدى محبي سيارات هوندا ,,
لكم مني جزيل الشكر ,, ولي طلب عاجل يأخوان ,,,,,,,,,,
غداً بأذن الله سوف أعبي بنزين لسيارتي الكورد (اول تعبئة بعد أستلامها من الوكالة ) الوكالة تعبئ السيارات بنزين 91 وأرغب بتعبئة سيارتي 95 , فما هي الطريقة السيلمة لفعل ذلك ,
واحد في الوكالة قال امش حتى تولع لمبة البنزين ثم امش لمسافة 15 كيلو ثم عبئ 95 .
وش رائكم بكلام الرجال
دمتم بحفظ الله
95 ولا تشيل هم
صحيح كلامه ..
اذا ولعت اللمبه امشي فيها شويات فضي التانكي كلووو بس اهم شئ انتبه لا تطفي عليك :d
و عبيها فل 95
و لا تخاف كثير من المنتدى سواها و الحمد الله ما صار شئ
عب 91 ترا مافيه فرق
^^ الا فية فرق ^^
المهم اخوي كاتب الموضوع ...
الطريقة هي : وقف عند محطة البنزين وقول لة عب فل ٩٥
وارفع راسك .. انت سعودي ...
طيب وش الفرق انا كنت اعبي 95 والحين 91 ولا في اي فروق
95 احسن لك والله وانت بكيفك
91 انا كنت اعبي وغيرت لأنو حسيت مافيها عزم مررة
عب عب عب عب95 والله ماتخسر شئ وجررررب
الاعضاء
هوندا وبس والباقي يندس
accord 04
امبراطور الاكورد
كوكو كورد
سي دي2
هيموالمسعودي
شاكراً ومقدراًحسن مشاركاتكم وتفاعلكم
وكل عـــام وانت بخ ـــير
دمت بكل الخ ـــير
التعديل الأخير تم بواسطة محمد ألاول ; 18-08-2009 الساعة 08:53 AM
يا شباب..
في احد فاهم و يشرحنا لنا بطريقة مقنعة انه افضل يعبي 95 ؟؟
لأنه في الوكالة قالوا 91 .. و طبعا هذا القرار يعتمد على المكينة نفسها ..
حسب علمي بعض المكاين ما ينفع تعبيها 91 عشان الرصاص..
يا ريت لو واحد فاهم يشرحنا.. ولا يجي واحد و يقول "عب عب والله تفرق" <<< فسر الماء بالماء بعد جهد!!
وان شاء الله مانكون زعلنا احد
شباب روقوا بس عن الخربطه الزايده واحد يقولي اذا عبيت 91 ينقص عزمها واذا عبيت 95 يزيد العزم سلامات :d
اصلن الوكاله نفسها يقولون لك عب 91
وانا عن نفسي ماشي معاهم
الشركه الام موصيه بــ91 وايذا منتو مصدقين راجعو كتاب السياره
الشركة الام والشركة الاب تقول كلام ، والشعب السعودي يثبت العكس ... وش بتصدق ؟؟؟
ابقول تجربتي واللي خلتني اقتنع ان ٩١ موية موب بنزين .. <<< موب موية يعني موية ،، قصدي انة بايخ بس
في تجمع الشرقية الاول قبل كم سنة كنت بسيارتي والعضو جوفتنس بسيارتة ..
السيارات موديل ٢٠٠٦ نفس المواصفات فل مخمل سيارتي لؤلؤي وسيارتة اسود ..
عبينا في نفس المحطة في الشرقية انا ٩٥ وهو ٩١
في الخط سرعتنا من ١٨٠ الى ٢٠٠ ، نقاوم مع اي احد ، وحنا ورا بعض يعني الممشى والدعسات مثل بعض ...
وكل سيارة في شخص واحد ..
وقفنا في محطة ..وهنا بان الفرق ... بنزين ٩١ يخلص بشكل اسرع !!
باقي في تانكي السيارة الربع تقريباً ، وهو ٩١ على وشك تولع اللبة .
الشي الثاني ، تجربتي في نفس سيارتي .. من يوم ماشريتها واعبيها ٩٥ ..
جت فترة واسمع العالم ٩١ و٩١ وتوفير ومدري ايش وكنت مطفر بعد ، واحتري التانكي يخلص واعبي ٩١ ...
السيارة ميب نفس اللي اعرفها ... العزم اقل بشكل ملحوظ من اول .. وكل شوي اعبي بـ ١٠ ... واعبي بـ ١٠ وين التوفير ذا اللي يقولونة الا طفرت زود ... الـ ١٠ ايام ٩٥ كانت تمشيني واحد .. وبعد فية رجة ملحوظة خفيفة بالمكينة ..
المهم اني مسكت خط الشرقية وصادف ان اللمبة ولعت في الخط وانا معبي ٩١ ، والحمد للة في ذيك المحطة طلعت بهالقرار : لو معي سيكل ما اعبي الا ٩٥ .
* اذا كانت سيارتك من يوم ما شريتها تعبيها ٩١ ، لا تحكم على انة الافضل حتى تجرب الاخر ٩٥ على نفس السيارة .
فية كلام جيد كتبة accord 2007 بحكم عملة في ارامكو وحلل بشكل جيد سبب ان ٩١ يخلص بسرعة وكم ملحوظة اخرى علية .. اللي يبي يتنور يبحث عنة
تحياتي لكم ..
وكلن يمشي على قناعتة ،، وكلن ينام على الجنب اللي يريحة .
اثناء التغيير بين نوعي البنزين ،، هل اقوم بإجراءات معينة ؟؟
بعطيك مثل خفيف وصغير ... معك كاس واحد ... توك شارب فية برتقال كبس ، وفية في الثلاجة برتقال خلاط هل يحتاج انك تسوى سالفة طويلة وتروح تغسل الكاس
مثل ثاني ،،
انت في البر .. وصبيت قهوة في كاس ورق كبير وشربتة... ثم تبي شاهي ... يا خي انت في بر ليش تغير الكاس ،،، صب في نفس الكاس
وش رايكم في الامثلة بس
انا من انصار اللل95 والفرق بينهم بكل بساطة ان ال95 يحترق اسرع من 91 بسبب وجود شوائب اكثر في ال 91
لذلك لما تعبي 95 تحس عزم السيارة زاد
بجرب الـ ٩٥
و نشوف..
مشكورين شباب
مواقع النشر (المفضلة)