أكورد 2010 وتشغيلها بزر (صورة)

**kakashi-san** · 18-08-2009, 02:48 PM

أكورد ، أكورد 2010 ، Accord2010 ، أكورد 6 سلندر
Accord V6 , اكورد الشكل الجديد ، اكورد الجديدة كليا

السلام عليكم ،،

أسعد الله أوقاتكــُم بكل خير ..

رمضان على الأبواب ..

كل عام وأنتم بخير مقدماً ..

الكل ينتظر الشكل الجديد من الأكورد 2010

الوكالة تحاوِل أن تصرّف الأكوردات والهوندا بكشل عاام من 2009 والعروض متتاليةْ ،

نسمع من الكـَثيرْ ، اللي يقول لك بيحطون اسطبات شرايحْ ..

والثاني يقول لك شاشة نفقيشنْ ... ألخ

لكن هل فكرتوا أن الهوندا سـ تستمر تشغــّل سياراتها عن طريق المفـتــاح ، ؟!

ما فيه أحد فكّر أن الهـُوندا تفكّّر في سياراتها الجديدة أنها تشتغــِل بزرْ ،

وبالنـَظر إلى السيارات المنــافسةْ ، الأوريون ، الأفالون ، الألتيما / كلها تشتغل بزر ودخولها ذَكيْ ،

انظر إلى الصــُورةْ ( تم اِلتقاطها من سيارة من نوع ألتيما )

..

طبعاً أنا لا أعلم إن كان الهـُوندا تطمح لهذهِ المواصفاتْ أم لاْ ،

السؤال / ماذا تتوقع من التغييرات في الأكورد 2010 ، ؟!

السؤال الثاني / أشياء ودّك تكــُون في الأكورد 2010 ، ؟!

و . . شسمه هذا ، نشــُوفكـُم في موضوع ثــانيْ ،

سلامْ

**f a w a z** · 18-08-2009, 02:51 PM

ما ابي يتغير شي :(

**kakashi-san** · 18-08-2009, 02:52 PM

ما شاء الله ،

توني حاط الموضوع :d

خل الاكورد تتغير اِن شاء الله ،

نبي نشوفها تتطوّر حبتينْ ،

**المسافر shehab** · 18-08-2009, 02:56 PM

ودنا بس يضيفون نفقيشنْ بصراحة بس لايرفعون السعر علينا واجد
غير هذا اساسا الاكورد في الخليج مافيها نفقيشنْ او تشغيل بزر لانه تبي تنافس هي الان سعرها غالي وبالمواصفات اللي ناقصة فيها مابالك لو صارت فيها المواصفات هذه
لانك لو تابعت موقع هوندا الرسمي راح تلقي ان السيارة اساسا فيها الخدمات هذه وبالاخص نفقيشنْ

بس تظل السيارة هذه حتى وان ارتفع سعرها فانه تستاهل المبلغ

وانا امس كلمت الوكالة وقالو لي ان مافي تغيير في الشكل في 2010 نفس السيارة وعلى كلام المندوب ان مافي عروض خاصة في رمضان والله اعلم

والله يوفقني والقى سيارة فل كامل لون اسود بسعر ممتاز واشتريها

ومشكور على الموضوع

**UniQue StyLe** · 18-08-2009, 02:58 PM

.. بس لو يضيفون البطاقة هذي زي حقت الـbmw .. اللي تشتغل بدون مفتاح .. بس لمجرد أن البطاقة تكون معك السيارة تتعرف عليها أوتو .. يعني كل اللي تسويه انك تركب وتضغط هالزر ويالله انطلق ..

ميخآلف لو يزيدون بالسعر 10 أو 15 ألف ..

ويحطون سستم صوت محترم .. بوز أو شي قوي .. برضه يزيدون كم قرش مافي مشكله .. :(

وأهم شي مايغيرون الشكل الحالي .. الشكل الحالي ياخي قسم ملكي وكشخة وكل شي .. تحس أنهآ شي لاشفتها ياخي ..

شكرآ لك

**lambo** · 18-08-2009, 03:00 PM

أقول كاكاشي الحين بدون زر وسعرها طاير فوووق .. شلون لو سيصير التشغيل بزر ..!!
( تدري خلهم بدون مواصفات كذا ابرك )
وبعدين جات ع الافالون والاوريون والالتيما ..طيب والكيا البايخه والمازدا 6 ... :d
اهم شي يغيرون صوتها البــــــــا يخ جدا .. ( صوت المكينه ) .. اللي يحسسك انك راكب
تشيري 0.8 .. نشوف ماتخفيه الأيام قصــــدي الهوندا .. سلام ..

**Solo** · 18-08-2009, 03:08 PM

امممم لو يقولون وش ودك يتغير فيها..

اول شي السكن او الكشافات الي تحت الانوار.. شكلها دائري

ودي انها تكون مثل على ما اظن اكورد 2007 جايه طويله ولها هيبه..! :d

الانوار لو تكون عدسات تجي احلى.. :d

الخلفيه لو تجي ليد.. يا سلام .:d

لو كمان اممم يكون فيه مكيف خلفي للركاب الي ورا يكون اطلق خصوصاً أجوائنا الباريسيه لا تقاوم.:d

^
^
أحس اني رهمت السياره..!.:d

اما الي اتوقعه يكون بـ 2010 امم مكيف خلفي

تشغيل ستارت

ايرباجات للي ورا. :d << مهتم جدا للي ورا..هههههههههه

يعطيك الف عافيه خيوو جوزيف<< دلع يوسف .:d

**kiss18** · 18-08-2009, 03:12 PM

يعطيك العافية على طرحك للموضوع
بس انا كمان ما اتمنى يتغير الشكل الحالي لاني اريد اطلع وحده خلال هاذي الفترة

**حمودي007** · 18-08-2009, 03:13 PM

اول شي انا عند اخوي التيمتا وانا احب اخبرك انه هذا الزر حق التيما ومتأكد من كلامي

**راعي الكامري saad** · 18-08-2009, 03:19 PM

اماذا تتوقع من التغييرات في الأكورد 2010 ، ؟!

والله انا احس انهم بيحطون الاسطبات شرايح وممكن بصمه لي التشغيل

أشياء ودّك تكــُون في الأكورد 2010 ، ؟!

بصمه لي التشغيل شبك نيكل انوار زونون شاشه افقيشن

وهذا الي انا اتوقعه وانشالله يكون فيها سعودي

**ABO.YOUSEF** · 18-08-2009, 03:25 PM

وانت بصحه وسلامه...
اتوقع يتغير الصدام الامامي بس ,,
ولو ع الي ابيه ما ابي يتغير شي لأن لو تغير يبي يرتفع سعرها كفايه سعرها الحين لو يحطوون زياده مواصفات وين يبي يوصل سعرها !!
وتقبل مروري ..

**محمد بن عبد العزيز** · 18-08-2009, 03:49 PM

اول شي انا عند اخوي التيمتا وانا احب اخبرك انه هذا الزر حق التيما ومتأكد من كلامي

^^^
روح عند الصوره واضغط على ctrl+a

وشوف وش بيطلع لك بي بالضبط الكلام الي فوق الصوره مباشره

علشان تكون فاهم بالموضوع وماتدخل وانت مطفي النور

**@اكورد وبس@** · 18-08-2009, 04:08 PM

هلا وغلا كاكاشي :d..

هلا بالسحبات :d..

أهم شئ الي ودي يصير بالأكورد (( دخول ذكي , تشغيل بصمة , شاشه ملاحه , حساسات , ستاره خلفيه , عدسات , اصطبات شرايح ليد , وأشياء كثيره :p.. ))

تحياتيـ)~

@اكورد وبس@.

**Aςςοrd ζοοly ΗβΚ** · 18-08-2009, 04:43 PM

المشاركة الأصلية كتبت بواسطة @اكورد وبس@

هلا وغلا كاكاشي :d..

هلا بالسحبات :d..

أهم شئ الي ودي يصير بالأكورد (( دخول ذكي , تشغيل بصمة , شاشه ملاحه , حساسات , ستاره خلفيه , عدسات , اصطبات شرايح ليد , وأشياء كثيره :p.. ))

تحياتيـ)~

@اكورد وبس@.

^^

مستعد تدفع 160 ألف

والله لو على كذا أقرب وكالة هيونداي وجنيسس فل أوبشن 8 سلندر والمواصفات لا تعد ولا تحصى وعيش حياتك

--

والله أنا ما ودي يتغير شيء << دوبه اشترى الموتر خلوه يتمتع شوي :d

**@اكورد وبس@** · 18-08-2009, 05:09 PM

المشاركة الأصلية كتبت بواسطة Accord Loly

^^

مستعد تدفع 160 ألف

صاحب الموضوع قال وش ودك يكون فيها :d..

أنا ودي يكون فيها المواصفات الي قلتها :d..

لأني عارف ان هوندا مو حاطه ولا شئ منها فقلت نتخيل :p..

تحياتيـ)~

@اكورد وبس@.

**AlGaTTaS** · 18-08-2009, 04:14 PM

اذا كان التغيير بس في زر التشغيل هذا لايعتبر تغيير نبي شي اكبر من كذا

انا مستعد اركبه ويركب على اي سيارة مو بس الاكورد نبي تغيير كلي ولا اتوقع في 2010 تتغير

يمكن بعض الاضافات او بعض التغييرات الشكلية فقط

**amer09** · 18-08-2009, 04:45 PM

انشاء الله ما يغيرون فيها ولا مسمار وش ذنبنا ياحقين

08&09

**الحظ الميت** · 18-08-2009, 05:08 PM

اتمنى يظيفون الدخول الذكي والنافيقيشن والكاميرا للريوس ومسجل6 سيديات لـ كل الفئات ...

**Pink Dream** · 18-08-2009, 05:13 PM

أنا اتوقع من وجهة نظري ماراح تكون في أي تغييرات تذكر !!

يمكن يضيفوا بعض اللمسات للشكل الخارجي

عشان يميزوا الموديلين 09 و 10 زي ماحصل مع الموديلين 08 و 09 بإضافة نظام الـ VSA للأربعه سلندر بشكل أساسي ..

خلينا نحسبها بطريقتي وتحليلي الخاص ..

الأوريون - الألتيما كلها تشتغل بلمسة زر وها الشي مو غريب عليها ..

لأن من الأساس ها النظام موجود في الفرع الأفخم لشركة تويوتا (لكزس) و نيسان (انفينتي) من موديلات ساابقه !!

لما نجي للأكورد والفرع الأفخم منها (اكيورا) تصدق لحد الأن ماعندهم تشغيل بلمسة زر!! في اغلب سياراتهم ..

طبعا ماعدا المنافس الشرس (TL) جوهرة الأكيورا والموجهة لمنافسة الالمان توجود بها ها التقنيه ..

سعر الفئة التوب منها = 43 الف دولار مايعادل 160 الف ريال سعودي

يعني هل يعقل تجي شركة هوندا تحط هالنظام في الأكورد !! << شبه مستحيل

وهالصوره للأكيورا 09 (TSX) الي على نفس قاعدة الأكورد الجديده تثبت كلامي ..

نلاحظ المفتاح على يمين المقود

يعني شي بديهي اذا هوندا ماحطت هالنظام في (الأكيورا) بتحطه في الهوندا أكورد لاوبعد الاكورد الخليجيه على وجه الخصوص !!

اتوقع والله العالم بنظرتي للمنافسين للأكورد ..

اضافة نظام البلوتوث لأنه مجرد اكسسوار لااقل ولااكثر ..

تعديل بسيط على الشكل الخارجي او إضافة لون جديد ..

تقبل مروري

Pink Dream

**الــبآرودي 99** · 18-08-2009, 05:31 PM

إن شاء الله ما تتغـيرررر ..

واذا تغيررت ما راح تتغير كـليآ ..

يعني زي الكامري 2010 الاسطبات والوجهيه بس ...!!

**lambo** · 18-08-2009, 05:52 PM

وليه ماراح ينزل للأكورد زر التشغيل يابنك دريم .. ع العكس اتوقع قريب مسأله وقت فقط .. ;)
اذا كانت السيفيك وهي سيفك فيها زر تشغيل .. ( بيتصفق )
بس هذي مو أي سيفيك هذي CIVIC TYPE - R .. اسميها السيفيك بمعنى الكلمه :

يالبــــــى قلبها .. ما أحلاها
وان شاء الله نشوف الأكـــــــــورد الخليجيه زي كذا في يوم (ن) ما .. :p

**Pink Dream** · 18-08-2009, 06:34 PM

المشاركة الأصلية كتبت بواسطة lambo

وليه ماراح ينزل للأكورد زر التشغيل يابنك دريم .. ع العكس اتوقع قريب مسأله وقت فقط .. ;)

اذا كانت السيفيك وهي سيفك فيها زر تشغيل .. ( بيتصفق )
بس هذي مو أي سيفيك هذي CIVIC TYPE - R .. اسميها السيفيك بمعنى الكلمه :

يالبــــــى قلبها .. ما أحلاها

وان شاء الله نشوف الأكـــــــــورد الخليجيه زي كذا في يوم (ن) ما .. :p

^^^^

شوف الطاره فين ؟؟ :d

وشوف كمان فيها مفتاح

دي السيفيك الأوربيه وليست الامريكيه ولاغيرو

المنافسه هناك تختلف عن هنا ..

سيارة تنتج للدول الاوربيه اقلها تكون منافسه لسياراتهم وتقنياتهم !!

الآكيورا بشكل عام موجهة للمنافسه في السوق الامريكي وبشكل خاص للمنافسه بالاسواق الأوربيه ..

أما هنا :d

تسلملي يا Lambo

**xHeartcoreboyx** · 18-08-2009, 08:19 PM

المشاركة الأصلية كتبت بواسطة lambo

وليه ماراح ينزل للأكورد زر التشغيل يابنك دريم .. ع العكس اتوقع قريب مسأله وقت فقط .. ;)
اذا كانت السيفيك وهي سيفك فيها زر تشغيل .. ( بيتصفق )
بس هذي مو أي سيفيك هذي civic type - r .. اسميها السيفيك بمعنى الكلمه :

يالبــــــى قلبها .. ما أحلاها
وان شاء الله نشوف الأكـــــــــورد الخليجيه زي كذا في يوم (ن) ما .. :p

اخوي النظام هذا مش مثل الأليما، لا يعتبر دخول ذكي و لا شي، لازم ادخل المفتاح و تلف ل 2 و بعدين تضغط الزر، يعني شكل اكثر من اداء، و الزر بسهولة يتركب بأي سيفيك،،

**business man** · 18-08-2009, 06:16 PM

اتوقع انه يكون تغييرات طفيفه كالاسطب الخلفي والشبك الامامي ويتوفر الزنون للفل 4 سلندر
وودي بصراحه يضيفوا الدخول الذكي والتشغيل بالبصمه بالميزه ذي كاانهم وضعوا التاج فوق رأس الملكه << كيف التشبيه بس

بالمناسبه انا مريت الوكاله اليوم وسألت عن وقت نزول موديل 2010 وعن التغييرات فااخبروني ان التغييرات حتكون بسيطه وماراح يكون تغيير في هيكل السياره ووقت نزولها ان شاء الله بعد العيد
تقبل مروري

**kakashi-san** · 18-08-2009, 06:23 PM

يعطيكـُم العافية على المشــَاركةْ ..

حمودي

اول شي انا عند اخوي التيمتا وانا احب اخبرك انه هذا الزر حق التيما ومتأكد من كلامي

طيب يا كويّس ما اختلفنا أن عند أخوك ألتيما وانت تدري أن هاالزر حق ألتيما ،

لاني كاتب في الموضوع انه حق ألتيما :d

انظر إلى الصــُورةْ ( تم اِلتقاطها من سيارة من نوع ألتيما )

نصيحة لك ، لا تتحمس بسرعة :p

ولا زال المـُوضوع في حمآآآسهْ

هل ستحدث تغييرات في الأكورد والهوندا بشكل عاامْ ، أم ستبقى على شكلها والمواصفات العاديةْ ،

ننتظر مشاركتكــُمْ ،

< يحس نفّسه مقدّم في برناامج ، :d

الموضوع: أكورد 2010 وتشغيلها بزر (صورة)

أدوات الموضوع

عرض

العرض المتطور

أكورد 2010 وتشغيلها بزر (صورة)

المواضيع المتشابهه

ماهو الأفضل ماكسيما 2010 أو أكورد 2010 v6

صورة أكورد 2010 في جدة

مواقع النشر (المفضلة)

مواقع النشر (المفضلة)

ضوابط المشاركة