الموضوع: هل الحل إبقاء السيارة بدون إضافات ؟!!

مرحبا بكم أعزائي عشاق الهوندا

في البداية أشتريت قبل ستة شهور تقريبا سيارة أكورد 2006 نص فل , اللون أبيض لولؤي ..


خلال هالفترة كنت أبغى أضيف أشياء تجميلية أخرى للسيارة لكن والله أعلم الظاهر أني بترك السيارة على ماهي عليه
..

يعني أول شي فكرت فيه التظليل أنصدمت من كلام الأغلبية أن بعد فترة قليلة من التظليل تظهور خطوط على النوافذ , وهناك من يقول أنها تسبب خدوش للزجاج أثناء إزالتها !!


بعدين فكرت في التخشيبة أيضا قالو لي أن التخشيبة تتأثر بسرعة من حرارة الشمس , وبعدين تلقاها تتقشر ويطير الصبغ ..


فكرت أصبغ السيارة من تحت الأبواب بدال ماهو أسود أخليه نفس لون السيارة بس خايف مايجي بنفس اللون أو أنه يطير مع أبسط ضربة ..


ياليت تفيدوني في موضوع التزيين بإمور أكيدة ومجربة . ويكون لها دور كبير في تطوير السيارة .



ولكم أجمل التحاياا ,