اسأل مجرب ولاتسأل طبيب (شاركني برايك )

**الفدآآآوي** · 20-08-2009, 03:09 AM

كيفك حالكم ياشباب ان شاء الله طيبين

انا لي فتره بسيطه ازور هذا المنتدى كمتصفح

لاني ناوي اشتري سياره اكورد 2010

لكن اشوف كثير من الاعضاء يشتكون من عيوب بالاكورد

اذا السياره غاليه يعني سعرها مهو بها
واذا قطعها غاليه
واذا فيها خرابات

كذا بيسبب لي احراااااااااج

فنصيحتكم ياشباب اخذ الاكورد واتوكل على الله

وانا ماشي على المثل اللي يقول اسال مجرب ولاتسال طبيب

وانت اهل خبره ومجربين الموتر

وفيه سوال ثاني هل شكل الاكورد 2010 تغيررررررررر او مواصفاته تغيرت

**f a w a z** · 20-08-2009, 03:16 AM

السيارة 100% ما اقدر اقول اكثر ما شاء الله

وبالنسبه للـ 2010

نفسها ابشرك

**taaccord2008** · 20-08-2009, 03:42 AM

يالغالي وبدون تعصب انا معي اكورد 2008 الصراحه فيها عيوب ولاكن عيوب بسيطه تتصلح على الضمان ويمكن موديل 2010 يتلافون هذي العيوب
وبالنسبه للقطع غاليه ولاكن انا اشوف مميزاتها غطت على عيوبها على الاقل افضل الموجود بين منافساتها بس اهم شي ما تاخذها الا اذا كنت مقتنع فيها
والله يوفقك يارب

**THE SILVER ACCORD** · 20-08-2009, 03:51 AM

أكورد
أو
ألتيما
أو
أفالون

فكر زين

-----------
ورجاءا شباب بدون تعصب
الرجال بيدفع فلوس وواجد مالها داعي التعصب كلنا أخوان
مهما كان الموتر
أنصحووه باللي يفيده

**الفدآآآوي** · 20-08-2009, 07:30 AM

المشاركة الأصلية كتبت بواسطة a-c-c-o-r-d

السيارة 100% ما اقدر اقول اكثر ما شاء الله

وبالنسبه للـ 2010

نفسها ابشرك

كلمه ماشاء الله توفي بالغرض

بس هل فيها بلوتوث كاميرا خلفيه كم حساس من الخلف

**الفدآآآوي** · 20-08-2009, 07:36 AM

المشاركة الأصلية كتبت بواسطة taaccord2008

يالغالي وبدون تعصب انا معي اكورد 2008 الصراحه فيها عيوب ولاكن عيوب بسيطه تتصلح على الضمان ويمكن موديل 2010 يتلافون هذي العيوب
وبالنسبه للقطع غاليه ولاكن انا اشوف مميزاتها غطت على عيوبها على الاقل افضل الموجود بين منافساتها بس اهم شي ما تاخذها الا اذا كنت مقتنع فيها
والله يوفقك يارب

طيب ممكن تعلمني الميزات اللي بالفل كامل

ويعطيك الف عافيه

**الفدآآآوي** · 20-08-2009, 07:40 AM

المشاركة الأصلية كتبت بواسطة أكورد فضي

أكورد
أو
ألتيما
أو
أفالون

فكر زين

-----------
ورجاءا شباب بدون تعصب
الرجال بيدفع فلوس وواجد مالها داعي التعصب كلنا أخوان
مهما كان الموتر
أنصحووه باللي يفيده

الافالون غالي

والتيما ماتصمل بالذات انا راعي مشاوير كثير

وبقت الاكورد

مشكور يالذيب

ويعلم الله اني محتار لكن قلت اسجل بهالمنتدى لعل القى رجال تصملني

**henry السعودي** · 20-08-2009, 08:07 AM

اكورد اخوي لا غييييير

**الفدآآآوي** · 20-08-2009, 08:13 AM

طيب ياشباب الاكورد فل اوبشن بها شاشه نفيقيشن

**اكورد 2006 وبس** · 20-08-2009, 08:20 AM

مافي سيارات مافيها عيب ومشاكل عارف ليه ؟؟لانه الكامل وجه الله سبحانه وتعالى
بالنسبة للعيوب لازم تحصل عيب من المصنع ولكن يعدلوها على الضمان
بالنسبة للمشاكل التي واجهة بعض الاعضاء في المنتدى بالاسباب التالية:
1- بنسبة 30 % شاريها مستعملة ومايدري عن استخدام صاحبها الاسبق لانه كان استخدامه سئ
2-بنسبة 70 % مايغير القطع المستهلكة ولا يسوي صيانة بعدين يطلع صوت مايعرف شنو المشكلة او مياة الرديتراو زيوت السيارة
او العبث بالكهررباء بالاضافات مثل الزنون وغيره واستخدامه الذي يضر بالسيارة
وابحث عن منتدى تويوتا وكل منتدى سيارات بتحصل مشاكل وعيوب
بالنسبة لك انتظر الين مايغيره شكلها ...
وبالنسبة بعد البيع كل مازادت مواصفات السيارة كل ما قل سعرها بعد البيع مثل الاكورد اقل نوع مرغوبة اكثر من الفل الكامل بعد البيع
والابيض اللؤلؤي مرغوب بعد البيع
بالنسبة للقطع صحيح غالية بس سعرها فيها تركب القطعة وتنساها احسن مما تركب كل مرة

**الفدآآآوي** · 20-08-2009, 08:46 AM

كيف تبغاني انتظر

ليه شكل 2010 ماتغير عن 2009

**كاتم الآهات** · 20-08-2009, 10:37 AM

السلام عليكم ورحمه الله وبركاته
شوف اخوي انا معي اكوورد 2009 سبيشل من ناحيه الرساوه على الخط ممتازه
بس عيوب يالله عليها ممكن هي بسيطه بالنسبه الى الاعضاء بس لي انا لا تخيل اخوي سياره 2009 وكاله ب89 الف ويطلع عند صوت في الطاره لما تلف وصوت بالشنطه وصوت قماش واصوات بالديكور كل يوم انا اروح اصلح شي في الوكاله يعني ولا الي اكثر من كذا الصيانه زي الزفت وانا اقول قدام الكل والكل مجرب انا اخوي راضي عن السياره خلاص حكم القدر بس هم الراحه النفسيه فوق كل شي رغم اني كنت مخير بين اكثر من سياره الي وهي اكورد والكامري والتيما اخوي كان عندي كامري 2004 قلت خلني اجرب التغير وهذا الي صار معاي والحمد لله على كل شي على العموم اخوي انا راضي عن السياره
والله يشهد على كلامي والله يشهد

**Albattar** · 20-08-2009, 11:33 AM

المشاركة الأصلية كتبت بواسطة كاتم الآهات

السلام عليكم ورحمه الله وبركاته

شوف اخوي انا معي اكوورد 2009 سبيشل من ناحيه الرساوه على الخط ممتازه
بس عيوب يالله عليها ممكن هي بسيطه بالنسبه الى الاعضاء بس لي انا لا تخيل اخوي سياره 2009 وكاله ب89 الف ويطلع عند صوت في الطاره لما تلف وصوت بالشنطه وصوت قماش واصوات بالديكور كل يوم انا اروح اصلح شي في الوكاله يعني ولا الي اكثر من كذا الصيانه زي الزفت وانا اقول قدام الكل والكل مجرب انا اخوي راضي عن السياره خلاص حكم القدر بس هم الراحه النفسيه فوق كل شي رغم اني كنت مخير بين اكثر من سياره الي وهي اكورد والكامري والتيما اخوي كان عندي كامري 2004 قلت خلني اجرب التغير وهذا الي صار معاي والحمد لله على كل شي على العموم اخوي انا راضي عن السياره

والله يشهد على كلامي والله يشهد

اخي الحبيب الكامري ايضا فيها مشاكل الي ذكرها
وبازعاج اكثر ايضا

في موضوع مهم لاحظته في المنتديات بشكل عام انه التعصب للسياره الي يملكها الشخص المشارك كبير وهذه مشكلة

**حبيب هنادي** · 20-08-2009, 03:19 PM

يا الناس يا عالمــ

من قالكمـــ هوندا قطعـ الغيار نار

انا عندنا كامري وأكورد

قسم باللهــ الكامري ياهي غاليهـــ

الغالي في هوندا (( الاكسسواراتــ بس))

**lonly style** · 20-08-2009, 06:34 PM

السيارهـ 100 % لكن الوكيل - 1000 %

يعني انت بترتاح من السيارهـ وبتنزعج من الوكيل ...

عيوب الهوندا كالتالي : اقمشه - هوبات - لا يوجد تكييف خلفي - صوت الديكور الخلفي << كلها عيوب بسيطه
عيوب الوكيل : ملكع - توديه يصلح حاجه يخرب لك حاجه - تودي السيارهـ يبدل اقمشه تقول مبدل ماكينه يخليها يوم كامل - تودي السيارهـ فيها عيب مصنعي ما يعترف على طول لازم يلكع وياك شوي بعدين يصلحها - افرع الصيانه غير متوفرهـ الدمام والقطيف والخبر والاحساء كلهم في صيانه وحده - اسعار الصيانه نصب واحتيال - احتمال تركب قطعه اصليه ولما تخرب مرهـ ثانيه تلاقي الوكاله ركبو لك تجاري ههههههه

يعني بأختصار الهوندا سيارهـ قويه ومركب وحلوهـ واقتصاديه ولكن وكيلها زفت انا متضايق منه واجد

**محجوب** · 20-08-2009, 06:43 PM

ان كنت تبحث عن المواصفات .. ابعد عن الهوندا بشكل عام ..

بس اذا تبي سيارة تخدمك عمر طويل .. مع وجود عيوب بها لكن اكثرها بسيطة فـ ما لك الا هوندا ..

بالنسبة لي عيبها الرئيسي سعرها اشوفه مبالغ فيه ..

بالتوفيق يا غالي ..

**مشــــعل** · 20-08-2009, 06:56 PM

ما دامك تبي تشتري..

شوف قصتي..

انا كنت ادور لي على سيارة.. و كنت ناوي على كابرس..

و جات مرة و دخلت سيارتي الورشة.. و كنت بروح استأجر لي سيارة..

و كنت ابغى اجرب الكابرس ال2009

بس ما حصلت نظيف.. لكن حصلت هوندا اكورد 2009 وماشية بس 20 الف..

استأجرتها اسبوع.. و بعد شهر طلعت لي اكورد فل ابشن :d

التجربة يا عسل خير برهان..

تبي تجرب... روح الوكالة يخلوك تجرب ال 4 سلندر و ال 6 سلندر..

و اذا على صيانة و خدمة.. تراك في السعودية.. يعني العالم الثالث... فمشي حالك..

تشوف عجايب في كل مكان

و ربنا يوفقك و يخيرك اللي فيه الخير

**FiRe || TeaR** · 20-08-2009, 07:50 PM

السلام عـليكم

الاخـوان قالوا لك اللي عندهم

الـ 6 سلندر تجي مكيف خلفي بالتكاية , وتحت المراتب (( اذا شغلت مكيف الرجلين ))

اما الـ 4 سلندر تجي تحت المراتب فقط (( اذا شغلت مكيف الرجلين ))

دخل يديك داخل المراتب الخلفية راح تحصل فتحة للمكيف , ولاحظت هالشئ بعد ماركبت مع واحد من الشباب وراء معه أكـورد 2008 , وبالصفدة اكتشفت فتحة للمكيف وراء

الشئ الثاني الصوت وقت لفة الدركسون هذي عادية جـداً , والكل يعاني منها بدون استثناء , وانا اولهم

الفل كامل تجي بدون نفيقشن , الأمريكية الفل كامل هي اللي تجي بنفقيشن فقط

**Albattar** · 21-08-2009, 12:58 AM

الفل يجي فيه فتحة سقف وتطوية مرايا وجلد فقط هذا الفرق بينه وبين السبيشال

**ACCORD06** · 21-08-2009, 01:27 AM

أخوي أنا بقولك بصراحة وبدون تعصب
أنا معاي أكورد فل أوبشن 2006 مراتب جلد فاكها وكالة
كنت محتار كثير قبل ما أشتريها وندمت بعد ما شريتها لكن مع الوقت اكتشفت انها أرحم من غيرها بكثيروأقتنعت فيها أكثر قطعها أسعارها أغلى من غيرها لكن تغير القطعة مرة وحدة وخلاص وغالي يعيش معك ولا رخيص وكل يوم بالصناعية فكرت كثير بغير الأكورد مالقيت يجي بعدها الا اللكزس يعني هذا هو سعرها الطبيعي أغلى من الكامري وأرخص من اللكزس وهو المتاح والله يوفقك

**الفدآآآوي** · 21-08-2009, 05:02 AM

مشكووووووووووووورين جميع

والله يكتب اللي فيه الخيره انا درت على المواقع وسألت ناس فاهمين وسألتكم وماقصرتوا

ومابقى الا اصلي الاستخاره واتوكل على الله

**كاتم الآهات** · 21-08-2009, 01:37 PM

السلام عليكم ورحمه الله وبركاته
أخوي العزيز Albattar انا معاك الكامري فيها عيوب واصوات بس انت سالت الي عنده كامري وين الصوت وهل هو مزعج لو لا
انا اخوي عنده 2008 والصوت في الديكور عند القير وتوديه الوكاله وساعتين فقط وتيم تعبيه مكان ديكور القير فلين مو تجلس تطر من الوكاله وانت دافع فلوس افهم قصدي حتى لو كان فيها هالعيب والاصوات ووو راح تلاقي من يسمعك ويهتم في اصلاح العيوب ولا غير كذا اتحدى اي واحد يروح الصيانه في تويوتا ولا بعدها بيوم يدقون عليه من جده كيف الصيانه والتعامل معاك اخوي هل مضايق من شي وهل وهل واذا قلت اي اتحداك تروح الوكاله ولا تلاقي المهندس عند الباب يستناك اخوي لا تجلس تنكلم عذرا وانت ما جربت ولا شفت انت بس تسمع انى الكامري فيها بس قد سالت وشفت كيف تعامل الوكاله مع العميل هنا عيوب وصيانه وزفت
والله يشهد على كلامي وهذا بدون تعصب هذا من اه والم بالصراحه تعور القلب 2009 وفيها كل هذا واروح الوكاله و زي الزفت
ربك المعين على كل حال اتمنى ما اغيظ احد بكلامي بس اعذروني كما ذكرت من الم وحسره
تحياتي

**حبيب هنادي** · 21-08-2009, 02:24 PM

انا أقولــــ انتضر

ادامــ أفلوســ معكــ أرتاح وريحـــ

وشفــ 2010 ولا تتسرعـــ وخلكـــ أيزيـ

رح الوكالهــ وركبها ورحــ مرهـ ثانيهــ اذا ما قتنعتــــ

رحــ الهوندا ورح تويوتا ورح ....الخــ

الينــ ما تلقى سيارهــ ارتحتـ نفسينــ لها

**الفدآآآوي** · 21-08-2009, 09:47 PM

هذا اللي بيصيرررررررررر ياحبيب هنااااااااااااادي

**mnemned** · 24-08-2009, 05:57 PM

السلام عليكم اخوي كاتم الّاهات يعني الحين بتقنعني ان صيانة عبد اللطيف جميل افضل صيانه
مع احترامي لك والله انها ازفت وكاله وازفت صيانه وماودي اذكر قصص ومواقف معهم

لكن اقولك ترا الهوندا فيها عيوب لكن بسيطه والله لكن المشكله لما تاخذ كامري وتلقى عيوب جوهريه مثل المكينه تنقص زيت ولا تخلو من اصوات الطقطقه ودعستها ما تجاوب على طول زي الاكورد
يارجال احمد ربك واقتنع بالي معك والله انها افضل الموجود في فئتها
انا اقول الصراحه ومن واقع تجربه واتمنى كلامي مايزعلك واتمنى لك التوفيق