إستفسار عن فلتر المكيف

[عاشق ترابها]

السلام عليكم ورحمة الله وبركاته

عندي هوندا أكورد 2004 وسمعت عن فلتر للمكيف تحت الدرج لكن لا علمي لي به هل هو موجود أو لا وكيفيه تركيبة وكم سعره وشاكر لكم

[uo8]

حياك الله اخوي ..

ايه تفتح الدرج .. لمن ينفتح .. دخل يدك من اليمين او اليسار تحرك مثل اليد الضغيره اللي تمنع الدرج من انه يطيح تحت يعني ..

نزل الدرج الى الاخيـــر ..

تلاقي الفلتر ..


سعره .. اخبره 15 مدري 25 .. مو متذكر

[عاشق ترابها]

طيب أخوي هل هو موجود في موديل 2004 وهل تنصحني أني أركبه ومشكور

[uo8]

والله ياخوي مدري .. بس وش خسران فك الدرج وشوف بعينك.. ترا طريقته سهله تقدر تفكه وترجعه بسهوله ..

اذا مافيها من اول لا ما انصحك ..

اذا موجود غيره ..

العفو وحياك الله أخوي باي وقت ..

[عاشق ترابها]

بأشوفه الأن وأرد لك

[عبودي 2009]

حياك الله اخوي ..

ايه تفتح الدرج .. لمن ينفتح .. دخل يدك من اليمين او اليسار تحرك مثل اليد الضغيره اللي تمنع الدرج من انه يطيح تحت يعني ..

نزل الدرج الى الاخيـــر ..

تلاقي الفلتر ..


سعره .. اخبره 15 مدري 25 .. مو متذكر

بصراحة سعر ولا في الخيال
قيمة الفلتر حق المكيف 269 ريال وبعد الخصم 238 ريال
من 2003 الى 2005 تجي بدون فلتر
ونصيحة مني انك تشتريه و تركبة

[uo8]

اخوي تاكد .. حنا نتلكم عن اللي يركب خلف الدرج ..

انا مغيره والله مو بالسعر ذا ..
الا اذا كان مغشوش ..

[عاشق ترابها]

أخوي فكيت بعد جهد جهيد والله خفت أني أكسر الدرج لما فكيته ما حصلت الفلتر فاضي للأسف
وش رأيك أركب فلتر لأني بكره رايح للوكالة بأركب مرايه يسار أخليهم يركبون لي فلتر ولا أشتريه وأركبه!!!

لما قفلت الدرج لمبة الدرج كانت شغاله وواضحه للراكب ما أدري توني أحس بها!!!

[عاشق ترابها]

بصراحة سعر ولا في الخيال
قيمة الفلتر حق المكيف 269 ريال وبعد الخصم 238 ريال
من 2003 الى 2005 تجي بدون فلتر
ونصيحة مني انك تشتريه و تركبة

أي والله حصلته بدون فلتر أشتري الأصلي وأركبه وهل له فائده مرجوه يعني فيه فرق بعد ما ركبته!!!

[accordyon]

أي والله حصلته بدون فلتر أشتري الأصلي وأركبه وهل له فائده مرجوه يعني فيه فرق بعد ما ركبته!!!

الأصلي افضل بكثير
اكيد له فايده يمنع دخول الغبار والأوساخ والروايح الخايسة وغيرها

[المباشر]

فلتر أصلي موجود بسعر 150 ريال عندي بالشرقية

وعند كوكوكورد بالرياض

[عاشق ترابها]

فلتر أصلي موجود بسعر 150 ريال عندي بالشرقية

وعند كوكوكورد بالرياض

الله يعطيك العافية أخوي مباشر تم مراسلة الأخ كوكو كورد وبإنتظار الرد بما أني في الرياض